لما كنت
زمان صغير ...
قلبى اخضر ...
لسه معرفش الخطايا..
كنت طفل زمان بحبك ..
جوه حضنك ..
كنت بلقى زمان دفايا ....
كنت زى النور بتلمع .. باشتياقى بسير وراه
كنت يومها بحب اسمع ... صوتك المليان حياة
بس يوم ماخرجت وحدى .. وسط عالم ..
عايز اعرف باللى فيه ..
يومها ياما قاسيت تجارب ..كنت عالم ..
بالغرور اللى ماليه ..
وانكفيت جواه بذاتى ...سبت ايدك ..
قلتلك انى اكتفيت ...
عايز اعرف كل حاجه .. فى بعدى عنك
وف ثوانى قوام نسيت ...
يوم ماكنت زمان صغير ..
قلبى اخضر ..
لسه معرفش الخطايا ..
يوم ماكنت انا جوه حضنك ..
جوه منك ...
كنت بلقى زمان دفايا..
الغرور مالينى عارف .. انى بطمع فى سراب
فى ابتعادى كنت خايف .. كنت تايه فى ضباب
استمع صوتى اللى هاتف ...
طــــــــــــالب بعد الغياب
انه يرجع تانى ليك ..
يرتمى فى احضان ايديك...
اصل انا صنعة يديك ... أصل انا صنعة يديك ...
مد ايدك فيا غير ...
مد ايدك ... فيا غير ...
لما كنت زمان صغير ..قلبى اخضر..
لسه معرفش الخطايا
Bishoy Geuergues