يارب
ده مش عتاب ده رجاء
يارب اقف معانا بكرة احنا مش خايفين من استشهاد لكن يارب بلاش الفرحة تتحول لنوح قلبنا مبقاش مستحمل يارب
خلاص كفاية اللي حصل يوم 1 / 1 عدي بكرة علي خير يارب اتدخل انا عارف انك مبتدخلش في ارادة الناس لانك مدينا عقل بعضنا ميستاهلوش ومدينا ارادة برده بعضنا ميستاهلهاش لانك اله عادل لكن يارب اتدخل يارب اتدخل في ارادتهم المرة دي او بلاش يارب احرسنا احنا يارب احرس ولادك لان محدش يرضي بكدة احنا فرحانين بيهم لكن حزننا اقوي واعنف واللي يقول غير كدة يبقي بيضحك علي نفسه
يارب احنا واهالي الشهدا جبنا اخرنا بلاش يبقي في شهدا تاني مش معقولة تبقي دي الوسيلة الوحيدة اللي نوصل بيها للسما
يارب متنساناش وانا واثق انك ابونا وانك مش ناسينا وانك جنبنا
لكن يارب امنع او عرفنا حكمتك اللي احنا مش فاهمنها
يارب انت قلت اننا ولادك والاب بيدي ابنه الحق انه يناقشك عشان كدة احنا بناقشك يارب
يارب
بدد مشوراتهم
امنع الشر
وجيب حق ولادك
بكرة يارب انا واثق ان شعبك المسيحي اجمع هيكون بيصلي وهو قلبه مقبوض وحزين
شيل الحزن يارب
وحط بداله فرح ولو ان ده صعب صعب علينا يارب لكن مش صعب عليك ياكلي الفرح والرجمة
كل سنة وانت طيب يارب
بكرة عيد ميلادك
خلينا نقدر نحس بيه ونعيد بيه
بنحبك يارب وطالبينك تقف معانا
مالناش غيرك