هذا الزجل بالغة العامية والصعيدية
لساك فاكر
لساك جاعد بتتحددت مع روحك ونفسك بتحاول تخرج من يأسك
وتقول اللى بيحصل مش معقول ومستنى الوجع يزول
اياك مخبول انت قوم واسكت وخليك شاكر ...لساك فاكر
لساك مستنى الشر يبعد عنك وعنى لساك عاوز تسمع اعتذار
عن هذا العطل الفنى لساك بتفرد فى صوابعك وتنى لساك بتفرد
فى يدك اقفل خشمك واكتم صوتك وخليك صابر ...لساك فاكر
لساك حاسب اللى فات ايعود ويجى وقت جميل دلوق وتنضر بعنيك
اوقات المحبة اللى قلت وبقت حبة وبكرة تختفى وتموت وقبر
يلمها والدود يشمها لية قاعد اتحرر وغادر ...لساك فاكر
لساك عاوز تنجح او ياخوى تفلح وانت محاط بقانون مطاط وخشمة
غلاط اياك بتفكر تخرج من الخلاط انت اهبل ولا عبيط ولا حويط
صدق ان البحر غويط لية تتعب وتذاكر ...لساك
فاكر
لساك فاهم اياك ولا واهم ان هناك حرس داهم وجروحك مش علاجها
مراهم وتشتم ريحة تباطئ وتواطئ وضهرك محنى ومقدرش تقف
ودواك عدل ورحمة ومش دراهم خيط بقك العاثر ...لساك فاكر
لساك ناوى تعمل حاوى وتصرخ وتنادم على خلق طرشة والنفس بقت
كرشة ومش عجبها الحاصل وتعبت يابوى واصل من الطناش والشوم اللواش
.ونتجابل بعد الفاصل اوعاك تسافر ...لساك فاكر
تم صياغة الكلمات من جديد بالغة عامية
بعض الشئ
لان كثيرين منا لا يعرفون اللهجة الصعيدى
اتمنى ان اكون قدرت اوصل اليكم المضمون
بقلمى ...ميلاد ...5/12/2010