كُتب : [ 09-21-2010 - 02:37 PM ]
رجعتلكم من جديد...ومع أروع قصائدى...قصيدة فى جلسة الإعتراف.. كل منا له آب إعتراف ...يعترف له بخطاياه...وقد تكون فى كل مرة الخطية متكررة...مثل السامرية...أو متأصلة...زى مريض بركة بيت حسدا...أو ما الى ذلك....وقد نكرر خطايانا فى كل جلسة إعتراف ومن ضمنهم أنا....وهناك خطايا لا نستطيع أن نبعد عنها بسبب حبنا لها..أكثر من حبنا لله...وقد نعتمد على أنفسنا لكى نخلُص منها...ولكن دون جدوى..لأنه لا خلاااااااص بدون دم المسيح...ومؤازرته لنا فى الحياة.....ودلوقتى تعالوا بينا نشوف شاعر المنتدى ...حبيبكم كلكم.....قال ايه فى جلسة الإعتراف..... قصيدة ... فى جلســـــــــــة الإعتراف * الخطية هية هية...بل دى زادت كمان شوية وسهام العدو النارية...نالت منى بقيت ضحيّــة * دى الخطية إتأصلت...وفى حياتى أثّرت مالكتنى إتأمــّــــرت..بهدلتنى وخـــــدّرت *خطّطِت ودبَـــرِت....وعليا إتشطّرت عن أنيلبها كشّرت...حطّمتنى ودمّرِت *أنا بأحكى وف عنيا...دمعة رايحة ودمعة جاية دمعة توبة عن الخطية...والدمعة التانية نارية *دمعة الفادى اللى قال....قوم وحقق المُحال ليه كدة دا البعد طال...ليه تكون فى الأصل ضال... *ليه تعيش فى عذاب ونار...ليه مُرك يزيد مرار إمتى راح تأخد قرار.....ترجع لسواقى الأنهار *ليه تعيّشنى فى بكاء....ليه ملايكة السماء منك مش لاقيين رجاء....ليه بترفض الشفاء *الف ليه...رافضة الرجوع...الف عين رافضة الدموع وشمعة واحدة بين الشموع....حاولت تكسب يسوع *ليه رافضنى بتتعدانى....ليه منك قلبى وكيانى زعلانين منك يا غالى....ليه تخونى وتتحدانى *ليه تعيش وحدك بعيد...زى ضال فكره شريد ليهه بترفض التجديد....ليه قاسى وفكرك عنيد...!!! *ممكن أسيبك تبعد عنى....ممكن اسيب دمعك فى الننى ممكن أسيبك تهرب منى......بس مش هاقدر .. غصباً عنى *ازاى أسيبك وأنا أبوك....وازاى منى يخطفوك وازاى من حضنى ياخدوك ....وفى بحر جهنم يرموك *ارجع يا ابنى دا أنا بحبك....فاتح قلبى لأنى بحبك سفكت دمى لأنى بحبك....قابل توبتك لسه بحبك إمضاء....أبوك المحب....يســــــــــــــــ ــــــــــــوع ودى كانت رسالة من قلب المسيح ليا ولكل واحد خاطى وضال رافض الرجوع ...فهل من الممكن نقوم مع بعض ونرجع ليه ونمسح من عينه كل دموع المُحب ليكم جداً.....أيمن مكرم....شاعركم المحبوب....ومتربع عالقلوب....بحبكم كلكم...سلاااااااااامالمصدر: †† ارثوذكس †† - من قسم: القسم الادبي