يارتنى حبيبى
يارتنى حبيبى أكون جنبك يارتنى أخفف عليك تعبك
يارتنى أقدر أشيل وجوعك أكون وياك بين ضلوعك
نفسى أمد أيديا لأديك أخد همومك وعمرى أديك
نفسى أخدك لمكان بعيد مفهوش لا قسوه ولا تنهيد
علشانك أتحمل كل المأسى حتى لو قامت الدنيا على راسى
بس أرجع الضحكه لعيونك وأشوف الفرحه مابين جفونك
بس أعمل أيه وانا فى مكانى أعمل أيه فى جبروت زمانى
يحكم عليا أتفرج عليك مش قادر أمسح دموع عينيك
أنت لوحدك عايش العذاب وانا بعيد فى نار الغياب
ليه الدنيا على طول معندانا أول ما نتلاقا تفرق هوانا
خلى بالك من نفسك حبيبى علشان نفسى خلاص مش بأيدى
مهما هاتتعب روحى معاك ومهما هاتغيب انا هستناك