[quote=ريم الخوري;687244]مع او ضد كلمتين
وترهم حساس عميق
بيعكس طريقة تفكيرك ونظرتك للامور
بغض النظر لو مع او ضد
يا ريت لو تشاركنا برايك لانة يهمنا
بس بكلمتين يا مع يا ضد
وميش رح طول عليكيم
انت مع او ضد
(الموضوعات الشبابية)
الثقة بالنفس لدرجة الكبرياء
ضد
لا طبعا الثقة بالنفس لا تتطابق مع الكبرياء لانها الكبرياء يعنى عنف اما الثقة بالنفس يعنى هدوء
التدخين للشباب علامة رجولة وللبنت تحضر ورقي
ضد طبعا
التدخين اكتر حاجة بكرها فى حياتى وصاحبها بيكون غالبا انسان ضعيف ومعندوش ارادة ولا عزيمة ووصل لمرحلة الياس علشان كدة لجا للتدخين
الانترنت سلبيات اكتر من ايجابيات للمراهقين والشباب
مع
اة فعلا للاسف وخصوصا لو مفيش رقابة صح وتربية صح او رقابة زيادة عن الحد لدرجة الكبت والتذمت بتكون النتيجة وحشة اوى
الاختلاط واقع ومتطلب عصري وعلامة رقي للمجتمعات
مع
الاختلاط الصح وتحت عيون الكنيسة والخدام والاباء واسلوب التربية صح بيكون الاختلاط مطلوب ومستحب ولية ايجابيات فى كل حاجة
تأخر الشباب والفتيات برا البيت لأي سبب كان
ضد
على الاقل خالص بالبساطة اوى نراعى مشاعر الاهل وقلهم على اولادهم بلاش المخاطر والتقاليد والمجتمع الاهل ليهم حق علينا
ما بشتغل الا بمجال عملي وتخصصي لو بصير على العكاز
ضد
والا يبقى معظم شبابنا مش هيشتغلوا لاننا فى مجتمع بيعانى من ازمة العمل والبطالة والفقر والجهل والتخلف للاسف يبقى الشغل فى مجال مناسب وقريب من تخصصة ودراستة احسن من العدم
أنت مع او ضد
(حقوق المرأة)
المرأة مكانها الطبيعي البيت وتربية الأولاد
ضد
المراة اصبحت نصف المجتمع دلوقتى ومشتركة فى معطم المجالات فى المجتمع ومحدش يقدر ينكر دة الا الرجل المتخلف اللى اننا فى العصر الحجرى
المرأة شريك موازي للرجل
مع
المراة دورها فى الحياة ووتربية الاولاد والعمل اصبحت ليها مكانة عظيمة وخصوصا لو متفاهمة مع شريك حياتها وهو مقدر دة بيكون لية انطباع عند الاولاد وبتفرق فى التربية ونفسيتهم
عمل المرأة لإيفاء بمتطلبات البيت والحياة الأسريةوالرجل عاطل عن العمل
ضد ومع
يعنى على حسب الموقف واسبابة لانة بصراحة صعب شوية هى لو بتقوم بالدور لسبب خارج عن اردة الرجل يبقى مقبولة بس تاخد بالها من مشاعرة وتحافظ دايما على رجولتة قدامة وقدام اولادها وقدام نفسها ويكون بصبر ومحبة
اما اذا كان هو قادر وبيعتمد عليها يبقى ضد طبعا
الرجل يأخذ دور المرأة في المنزل
هههههههه لا طبعا ضد
مينفعشى وخصوصا فى المجتمع الشرقى وخصوصا فى مصر صعب جدا ومش حلوة لا هو هيحترم نفسة ولا هى هتحترمة ممكن المساعدة معلش والاشتراك فى حالة لو هى بتعمل زية
يحق للرجل السلطة المطلقة على المرأة مهما علا شأنها
ضد
السلطة بالمعنى الروحى زى ما قال معلمنا بولس الرجل راس المراة ممكن بمعنى انة سيد ومسئول بس بالحب والتفاهم والمشاركة والاقتناع لكن سلطة بمعنى التذمت وفرض الاراء مهما كانت والصوت العالى لا طبعا ضد
ممكن يكون مديرك والمسؤول عنك في العمل امرأة
مع
عادى ممكن وفى كتير بس المراة الشاطرة اللى تقدر تكسب كل العاملين بالتعامل الصح والحفاظ على مكانة كل واحد ومشاعر كل واحد مفيش مشكلة
التمسك بالرأي من شيم الرجولة واثبات للذات بغض النظر عن صحته على اعتبار الرجل يربط بكلامه
ضد
عمر التمسك بالراى ما كان رجولة ابدا بالعكس التمسك بالراى بيدل على ضعف موقف صاحبة وعدم القدرة على التفاهم والحوار والموضوعية
أنت مع او ضد
(موضوعات الأسرة)
الأسرة المسيحية الناجحة هي التي تنتمي لفكر كنسي بحت بغض النظر عن المؤثرات الاجتماعية المحيطة من تطورات عصرية
مع
لازم الفكر والكنسى والتعليم الكنسى يكون لية المكانة الاكبر فى حياتنا والتطورات احنا نتستخدمها صح لجد اسم اللة
ثقافة الأهل عنصر مهم في التربية الأسرية
مع طبعا اكيد مع
الاسرة المثقفة بيكون ليها دور كبير جدا فى تربية الاولاد والاولاد بيكونوا شبعانين نفسيا وروحيا واجتماعيا غالبا مش دايما بس غالبا
الحرص الشديد من الأهل مسموح حتى لو وصل لمرحلة التقيد لشخصية الأبناء
لا ضد طبعا
الحرص مطلوب اكيد ولازم ودور الاهل بس التقيد بيضيع كل حاجة وبيدمر كل حاجة لانة الاولاد بيجسوا بكبت وبيعملوا الصح المطلوب منهم بسبب التقيد مش باقتناع ولما بيكبروا بيعملوا العكس تماما بس يتخلصوا من احساس سلطة الاهل
مقوله اجتماعية مباحة الغاية تبرر الوسيلة
ضد
دة اسمة هروب وحجج سخيفة بنضحك بيها على انفسنا
مجتمعاتنا العربية تحكمها نظرة تقليدية للأمور
مع
للاسف اة دة صحيح غالبا
هل في بمجتمعاتنا اليوم الإباء يأكلون الحصرم والأبناء يضرسون
يعنى اية ؟ مش فاهمة
(يؤخذ الولد أو الفتاة بذنب الأهل)
ضد طبعا
ضد بالمبدا العام يعنى ضد راى شخصى بس هو بيحصل عند الناس بيحصل لكن عند ربنا لا طبعا
يعنى مثلا لو اب عمل جريمة ودخل السجن وهو عندة بنت شابة محدش هيتجوزها هيقولة ابوها رد سجون وبكدة البنت هتتحاسب على ذنب ابوها
مع او ضد
(قضايا مثيرة للجدل )
التبرع بالأعضاء بعد الموت
مع
هى صعبة شوية بالنسبة للاهل بصراحة لكن راى شخصى رايى انا
انا لو عارفة انى هموت بكرة هقولهم خدوا كل اعضائى وادوها للمحتاج ليها تدى حياة وفرح للاخرين انا خلاص مش محتاجاها فى حاجة
الموت الرحيم
ضد
الحياة والموت بايد ربنا بس
عمالة الأطفال
يعنى اية عمالة قصدك التشرد والظلم
ضد طبعا
قلة الحيلة مبرر للاستجداء او الانحراف
ضد
بس بتكون سبب فى بعض الاحيان لصاحبها ولو اشتدت اوى بتكون سبب تعاطف بعض الناس ومساعدة الاخرين لهذا المنحرف
مع او ضد
( هموم وقضايا روحية )
الانشغال بالوظيفة والدراسة سبب مقنع لعدم الذهاب للكنيسة
ضد طبعا
اطلبوا اولا ملكوت اللة وبرة
التكنولوجية وتيارات العصر تعاكس الحياة الكنسية
ضد
التكنولوجية احنا بنتستنفاد منها لمجد اسم اللة والدليل على كدة القنوات المسيحية والنت اللى من خلالة بنعرف حاجات روحية كتير وبنقدم خدمة لبعض ومحبة كمان
الشباب المسيحي شباب ملتزم ومقيد الحرية بنفس الوقت
ضد ومع
التقييد لو من اجل مجد اسم اللة يبقى مطلوب لان ليست كل الاشياء تحل لى ولكن ليست كل الاشياء توافق
اجتماعات الكنيسة على اختلافها فرصة لتعارف فقط
ضد
يعنى اية انا اروح الاجتماع علشان اتعرف على الاخرين وبس ازاى يعنى طب وكلمة ربنا والرسالة اللى المفروض توصلى من خلال الاجتماع
ضد طبعا
التعارف مطلوب لروح المحبة واحساس الانتماء لكن ميكونشى عامل اساسى وسبب اساسى
الخادم(المرشد) مسؤوليتهم تنحصر داخل أسوار الخدمة والكنيسة
ضد
الخادم يعنى شريك للمخدوم بيعيش معاة كل المراحل وكل الظروف وكل المناسبات الروحية والاجتماعية والعملية كمان
لباس الأسود الحداد له بعد روحي بعيد عن التقليد الاجتماعي
ضد كنيستنا فرح افرحوا كل حين واقول ايضا افرحوا
يمكن للعلم والمعرفة ان تصب في أهداف روحية
مع
ممكن وبتكون مقنعة وجميلة للشباب العصرى
مع او ضد
(إعادة النظر في )
دور الرعاية لمسنين الذين ليدهم ذوي
مش عارفة بس لازم يكون فى رحمة هما بيكونوا عبء بصراحة لكن لازم احنا نرد جميلهم
دمج ذوي الاحتياجات الخاصة بالمجتمع
مع بس مين بيعمل كدة
أنت مع أو ضد
مقولة اخطب لبنتك قبل ابنك
ضد طبعا
المثل انا بكره جدا البنت مش المفروض ترخص نفسها ابدا ولا اهلها يرخصوها مهما كانت الاسباب
الزواج المبكر
ضد طبعا
دة تخلف وراجعية وظلم والنتيجة بتكون بشعة اهمها تربية الاطفال
فحوصات قبل الزواج مهم فقط لزواج الأقارب
مع مع مع
لازم وضرورى ياريت كلة يعمل كدة مش عيب ولا غلط ولا يقلل من شان احد
تدخل العلم في تحديد نوعية الجنين حسب رغبة الأهل و ولد أو بنت
ضد
الامر بايد ربنا احسن واختيارة دايما بيكون احسن وافضل
الإجهاض لسبب طبي أو عدم رغبة الأهل بالطفل
ضد ومع
لو الاجهاض سببة ان فى خطورة على حياة الام يبقى ممكن
لكن لو لسبب انهم مش عايزينة لمجرد انة جة غلطة يبقى ضد طبعا
ملاحظة: إذا بتحبوا تكتبوا بعض الاسباب ليش مع او ضد
اوك او تطرحوا قضية ما للنقاش بردة مافي مانع
فالموضوع بالعموم قابل للنقاش..من الاعضاء
شكراً لتعاونكم
مرسى ياريم على التوبيك الرائع دة طول عمرك متالقة يا قمر وافكار مميزة اوى
اى خدمة يا جميل