[hany1982]

بصراحه فيه افكار كتير قوى لخدمة مرحلة الشباب بس كتير قوى من الخدام واللى مهتمين بالخدمه بيفكروا اذاى يطورا من وقت الاجتماع بتحضير فقرات للأفتتاحيه وتحضير موضوع يشد الشباب ويناقش اهتمامتهم اكيد كل ده كويس ومطلوب بس فيه حاجه المفروض نعملها اننا ذى ما بنخدم اجتماع الشباب كمان لازم نخدم شباب الاجتماع باننا ندور على الشباب ونروحلهم اماكن التجمع ونصاحبهم ونقدملهم المسيح بصوره عمليه وملموسه سواء فى البيت أو فى الكليه أو فى الشغل أو حتى فى الموصلات ونخليهم يحسوا فعلاً اننا شاعرين بيهم وعايشين معاهم مشكلاتهم واحزانهم وافراحهم ونعاملهم بأخوه ومحبه وندور على الخروف الضال . اكيد الخدمه الفرديه بتحتاج وقت كبير من الخادم ولازم يبقى له صفات كبيره اهمها انه يكون محب ذى ماقال سيدنا البابا فى كتاب الخدمه الروحيه ان الخادم انسان محب لربنا وعاوز الناس كلها تدوق المحبه لربنا .
وكمان لازم يبقى حنون وعطوف على اخواته بالذات الضالين منهم ويبقى نشيط وروحانى ورجل صلاه وعلى علاقه بالقديسين دا بجانب الثقافه والعلم ومعرفته بغالبية الشباب اللى بيخدمهم ويفتقدهم .
ومن نتايج خدمة شباب الاجتماع اكيد هيبقى فيه اقبال على الاجتماع ووقتها هيشجع مقدمى الفقرات والمواضيع انهم يخرجوا طاقاتهم وابداعتهم وانهم يشركوا اكبر عدد من الشباب والبنات فى الانشطه

ميرسى يا ايمى على مسابقتك الجميله واكيد الحوار له بقيه بس لما اسمع راى بقية الاعضاء