إرجع بقى...!!
+ إمتى نتوب ..ونترك شرورنا وكل الذنوب
نبص لفوق بلهفة وشوق
ونرجع لرب الحياة والقلوب
وشمس حياتنا من النوم تفوق
ونرجع ونندم قبل الغروب
وماضى الظلمة هيبقى شروق
+ ونمشى ف طريق بالورود مفروش
نحطّم شيطــانـــا عليــه ونـــدوس
ونمسك فى إيد المسيـــح ونبـوس
يرفرف سلامه /يرن الناقـــــــــوس
+ ونصرخ لرب الحياة والمــــــــــوت
ونُعبر ظلال الموت ونفـــــــــــــــوت
ونمشى فى طريقه بكل ثبــــــــوت
نقوم من تحت التراب والتابــــــــوت
+ نصلى نسَبّح نقولـــه يـــــــــارب
أسرع أعنّا وعيش فى القلـــــــــب
ومَهّد أمامنا الطريق الكــــــــــــرب
وليّـــــــــن قلوبنا الحجر والصلـــب
+إنت وعدت إنك تُعطيـــــــــــــــنا
قلوباً نقية وتملك علينـــــــــــــــــا
ترجّع سلامنا .تنوّر عنينـــــــــــــــا
تقوّم خُطانا وتمسك ايدينــــــــــــا
+ وعدت تدوّر على كل ضـــــــــال
وعدت تحقّق لينا المُحــــــــــــــال
وعدت ولادك ينالوا المنـــــــــــــال
وعدت تحطّم أمامنا الجبـــــــــــال
+ نطالبك يارب بكل الوعــــــــــود
ونطلب تحطّم أمامنا الســــــــدود
وتسكن قلوبنا وتملك تســـــــــود
دا منك حياتنا وانت الوجـــــــــــود
+وانت الحنيّن وانت الحبيــــــــب
نرفّع صلاتنا إليك ، تستَجيــــــــب
تسمع آنينا فأنت المُجيـــــــــــب
وتمسك إيدينا ولو فى اللهيـــــب
+ انت تتوّب كل الخُطــــــــــــاة
وكل اللى تايه بيطلب نجـــــــاة
وتقدر فى وادى الهلاك ترعـــاه
يسبّح يرنِّم ويوصل سمــــــــاء
+ يا بخته يا سعده كمان يا هناه
فى بحر مسيحه طرح خطايــاه
ورب الفداء فى سماه إلتقـــــاه
يا بخته يا سعده دا ربه معـــاه
كلمات الشماس / ايمن مكرم /شاعر منتديات بحبك يا يسوع
صلوا دائماً من اجل ضعفى