اللى عملته فيا متقلقش هايتعمل فيك
ودى مش شماتة لكن علشان تدوق طعم الظلم ايه
فاكر نفسك ملاك برئ مظلوم
تقولى انتى اللى جرحتى قلبك بايدك وقلبى انا مظلوم
حاولت كتير معاكى علشان تنسينى وانتى ولا فهمتى ولا قدرتى الظروف
اعملك ايه علشان تنسينى ده انا غلبان مكسور
ياه على الكدب والقسوة يا انسان
ده انا كل يوم بكتشف فيك الاسوأ ولا انت دريان
تقع بلسانك بكلام يقولى انك اكبر كداب
وفاكر محدش فاهمك . ازاى؟ ده الكدب فى عينيك بيبان
مسكينة اللى فتحت قلبها ليك
هاتتجرح جرح عمرها ماحست بيه
وترجع تبكى لك بدمع العين
وانت تقول اسف انا مش ليكى وتخترع فى الف مبرر وتقول انه يقين
عمرك ماتعرف معنى الحب ايه
مانت كداب انانى وقلبك هايتجرح باللى عمال تلعب بيه