ايام بتعدي علينا وعلي فين رايحين
بنعيش العمر لوحدينا لكن صابرين
احلامنا بتكبر قدامنا ،لكن ياخسارة يا ايامنا
احلامنا معاكي دي اوهامنا والسكة منين.؟
مش عارفين قدامنا طريق ولا اتنين
بنجي ونجري في سكتنا لكن علي فين؟؟
################################################## #
حلمنا بيوم غير امبارح، حلمنا بفرحة في عمرنا
حلمنا بوردنا الطارح حلمنا بضحكة في قلبنا .
لكن الفرح مش واضح ومش باين جايلنا.
لقينا وردنا زينة وضحكنا بيه علي نفسنا
دة عمرنا وقلبنا عالحزن متواعدين
ايام بتعدي علينا وعلي فين رايحين؟.؟
################################################## #
حلمنا نحب ونتحب ونكون عشاق هايمين
ياعيني علي اخلص قلب ، ياعيني علي كل العاشقين.
ياعيني علي ناس حبوا ورجعوا بقلب حزين .
وادي نهاية الحلم يا دنيا ،نلاقيها منين ولا منين؟
ايام بتعدي علينا وعلي فين رايحين؟؟ ################################################## #
نحلم بايه تاني يادنيا، كفاية بقي سيبينا في حالنا
ياما كتير حلمنا معاكي وياما كتير مشينا وراكي
واهو عدي العمر وخلص الحلم ، وفي الاخر ضيعتي املنا
واهو زي مارحنا ، ادينا راجعين ايام بتعدي علينا وعلي فين رايحين؟؟
#################################################
قبل ما نبدا نحلم لازم نسال ايامنا قبل مانبص لفوق لازم نبص قدامنا
قبل مانضيع العمر في حلم قبل مانفتح باب الوهم
نحلم تاني ؟؟،ايوة نحلم لكن للحلم نكون صاحيين
ايام بتعدي علينا ،، هنعرف علي فين رايحين؟؟