[emmmy]

انا ضد الحب عن طريق النت ومش بشجعة ابدا ولا بامن بية خالص ولا اوافق علية خالص دة مش مضمون خالص وكلام فارغ بصراحة ونسبة نجاحة 1فى المليون
انا لى اصحاب كتير واصدقاء بحبهم وبحترمهم وبثق فيهم وبشاركهم وبيشاركونى فى امور كتيرة
لكن عمرنا ما فكرنا فى مسالة الحب العاطفى اللى ينتهى بالزاوج دة خالص
هى حبتة ازاى يعنى لا هى شايفاة وولا عارفة شكلة ولا عارفة اذا كان صادق معاها اصلا فى كلامة ولا لا
حبتة بناءا على اية دا مجرد سراب وصديق متخفى وراء صفحات النت وبعدين عرفت منين انة كويس وحلو اذا كان هما محاولوش يسالوا عنة اصلا
ولو قالت لاب اعترافها مش لازم اهلها يعرفوا هيقولها تعمل اية ويسال هو عنة زى اى حد ما بيعمل دا واجبة ودورة
عموما لو كان حب بجد من اللى نسبة نجاحة 1 فى المليون يبقى تصلى ربنا يتدخل دى اول حاجة وياريت منستهونشى بالصلاة لانها مفتاح كل نجاة وحل لكل مشاكنا
وبعدها تشوف راى اب اعترافها وتكلم الشاب دة وتقولة على موقف اهلها وتطلب منة انة يتقدم رسمى زية زى اى حد عادى بصرف النظر عن انها اتعرفت علية على صفحات النت وهما لما يشوفوا جدية فى الموضوع اكيد هيغروا رايهم وهى تحاول تمتص غضبهم وتتفاهم معاهم وتبدا بالام منبع الحنان علشان تساعدها ولو العلاقة مبنية صح وهو جاد فى رغبتة فى ارتباطة بيها هيعمل المستحيل علشان يفوز بيها


بس بردوا زواج عن طريق النت مش صح ومش مستحب فيما بعد فى المستقبل يعنى
لكن تجاوزا لو فرضنا انها خلاص مش عايزة غيرة يبقى لازم هو يكون جاد معاها
واد وعدة لية ولا العلاقة كانت مفتوحة من غير هدف مش معقول طبعا
مش كدة