[الله موجود]

هاحكيلكو علي معجزه عملها معانا البطل مارجرجس
في شهر 2 اللي فات ده الضغط علي ماما قوي وبالتالي اثر علي شرايين القلب
زهبنا بيها الي الدكاتره المتخصصين في القلب وظبطوالضغط وبعديها اصيبت بكحه قعدت في صدرها 3 شهور
وكل مانروح بيها لدكتور صدر يقلنا عندهاحساسيه ويدوها مضادات حيويه وعلاجات وللاسف مبتعملش اي نتيجه بل بالعكس
الكحه بتزيد قوي عليها لدرجه انها الثلاث اشهر مكنتش بتنام من الكحه نهائي وكمان كل ما تكح ضربات القلب عندها بتسرع قوي
وتتعب قلبها وكل ماصحي في وش الفجر كده القيها قاعده بتعيط من التعب رحنا لاخر دكتور متخصص في الصدر ورناله العلاجات
والكشوفات واحتار فيها وقلنا اعملولي اشعه مقطعيه علي صدرها علشان انا شاكك في حاجه وربنا يسطر انا سمعت كده وجسمي كله تلج اليوم التالي علي طول كان 1 مايو عيد مارجرجس رحنا حضرنا الزفه وخدنا بركه الجسد وماما نامت بصدرها علي الجسد وقعدت تعيط وسعتها قلتله يامرجرجس لوشفتها ومخلتهاش تحتاج للاشعه تمن الاشعه ليك في كنيستك بعدها بتلات ايام عملنا الاشعه لاقناها مفهاش حاجه واخيرا الدكتور عرف ان سب الكحه علاج الضغط اللي بتاخده هو اللي عامل فيها كده وقلها اول ما هطبطله الكحه هتروح منها ومدهاش اي علاج تاني والحمدلله الكحه راحت ومرجتش وده طبعا ببركه مارجرجس اللي كشف عين الدكتور انه يعرف ايه سبب الكحه بعد ثلاث شهور فعلا البطل ده عظيم جدا ....