كلماتكم كلها ميه ميه
وأشعاركم نستني الدنيا
احاسيسكم عاليه ومش مداريه
مايكتبهاش اساتذه في الكليه
يا أغلي اعضاء وأحسن هدية
وبمناسبة
الصيام اللي في الأيام ديه
اهديلكم تلاته فول واتنين طعميه
بس
اوعوا تقولوا لهيما لأنه كان جايبهم ليا
وعاوز اسئلكم سؤال بالمناسبة ديه
ليه كتير من الاعضاء مستخبية
مش بتكتب مشاركات ولا حتي مواضيع من اللي هيا
اكيد مش عاوزين يشاركوا لما شفونا قاعدين علي الطبلية
وجايبين سندوتشات فول وطعمية
لا ياشباب تعالوا وانا هجبلكم مهلبية
وبالطريقه دي هتفطروا واتحملوا انتوا بقي الخطية
صحيح بعد ماتكلوا انا جايبلكم معايا سمسمية
المهم بعد ماتكلوها اغسلوا سنانكم كويس بالميه
عشان التسوس اللي داير الأيام ديه
انا مضطر امشي عشان هناملي شويه
الدنيا برد ولازم انزل تحت البطانيه
صحوني كمان ساعه ولو مصحتش ادلقوا علي وشي ميه
وفي اخر كلامي اهديكوا ميت سلام وتحية
الرب يبارك حياتكم ويحفظكم ثلاثوت وستون وميه
ويبعد عنكم أبليس اللي ملبسنا الطقية
وباعد عننا الخير ومقرب لينا الخطية