رد: بحث تاريخي مختصر عن صوم القديسة العذراء مريم الثيئوتوكس
كُتب : [ 08-11-2009
- 03:06 AM
]
+
بسم الآب والأبن و الروح القدس إله واحد آمين
+البحث التاريخي ماطلعش مختصر لكن جاب المفاهيم الكبيرة في كلمات صغيرة لكن صوم العدرا صامه الرسل بالفعل ففي السنكسار من مكتبة المحبة الجزء الثاني في الطبعة الثالثة و في صفحة 371 تحت يوم 16 مسرى ما ملخصه:
انه بعد نياحة الست العدرا سلام الرب عليه في 21 طوبة كان الرسل مجتمعين حول جسده يتبركوا منها و بعد كده دفنوها في قبر في الجسيمانية و كل ده كان في غياب توما اللي كان بيبشر في الهند.
ثم بعد كده مانقطعتش اصوات تسبيح ملايكية و ريحة بخور زكية حول القبر لمدة تلات ايام ثم انقطعت بعد كده لأن الملايكة شالت جسد الست العدرا للسما و لما اراد توما افتقاد الكنايس اللي كان اسسها في بلاد العرب وفارس وبلاد ما بين النهرين شاف منظر الملايكة و هي بتشيل جسد الست العدرا اللي كان ملفوف بزنار وقع منه فخده توما الرسول و كمل جولته التفقدية ولما رجع اورشليم حكى للرسل عن شكه في قيامه المسيح في الاول و انه مش هيصدق نياحة العدرا إلا لو شاف جسدها وفعلاً ودوه قبر العدرا لكن مالقوش الجسد فحكالهم توما الرسول علي اللي شافه و وراهم الزنار فقرر الرسل صوم علشان يظهر لهم السيد المسيح جسد الست العدرا من بداية شهر مسرى وفي اليوم 16 مسرى يعني بعد اسبوعين تقريباً ظهر لهم الرب يسوع و معاه الست العدرا و فهمهم ان الجسد اللي شال الله الكلمة 9 اشهر ما يرقدش في التراب علشان كده اترفع للسما فكان سبب تعزية عظيمة للكنيسة لكن الصراحة الرسل مأقرهوش غير علشان يشوفوا جسد العدرا بعد صعوده لكن بعد كده ماصاموهش لكن كنيستنا احتفظت بالصوم الجميل ده+
|