[بنت الراعي]

بصي يا صافي انا حاسه ان الولد ده بغض النظر عن عدم احساسه بوجود
ربنا ودي طبعا مصيبه حاسه كانه محتاج علاج نفسي
لان الاطفال في السن ده محتاجين رعايه وعنايه واهتمام وممكن يكون عدم وجود مامته
وباباه في البيت ده ماثر فيه يعني مثلاا هاتكلميه عن ربنا تقولي له هو بابا اللي بيحمينا وبيحبنا وهو اساسا جايز يكون مش حاسس ده من باباه الارضي
لكن لو ماكنتش المشكله نفسيه تبقي بسيطه هي عباره عن اهمال من الاهل ومحدش بيكلمه عن ربنا واهميته فاانا رايي الشخصي علاج الطفل ده يبدا من البيت يعني لازم تقعدوا وتتكلموا مع اهله وتفهموهم المشكله علشان يحاولوا يدخلوا ربنا في حياة الولد
وانتي قولتي حاجه مهمه اوي انه بدا يحبك ويرتاح لك ويثق فيكي يبقي ممكن تحاولي تتكلمي معاه وتشتغلي عليه شغل فردي جلسات فرديه يعني وكمان ممكن تخلي كل طفل من زمايله يقولك رايه في ربنا او هو شايفه ازاي بعد طبعا ماتتكلمي معاهم عنه
واهم حاجه تصلي كتير من اجله ومن اجل اهله
وربنا يساعدك ويساعده
ومعلش طولت عليكي