[sonofgod]

انا هاكتفى بانى اقولك اللى حصل معايا وهاسيبك انت اللى تقرر كان ليا صديق ولو فيه كلمه اكتر واعظم من صديق يبقى هو كنا اكتر من اخوات واكتر من عشيقين كنا اصحاب لأكثر من 17 سنه كانت اسراره معيا وللاسف كانت اسرارى معا كنا فى اى مكان مع بعض. كنيسه . شغل . قهوة . اجتماعات .مع بعض حتى البيت ساكنين فى بيت واحد وضيف على ده كله اننا كنا قرايب ( اولاد عم ) المهم انى للا سف صارحته بحقيقة مشاعرى تجاه بنت حبيتها واتعلقت بيها وكالعادة روحت اقوله علشان يفيدنى ازاى اقدر اصارحها بمشاعرى المهم ماطولش عليك... كان عامل نفسة انه بيساعدنى وبينصحنى وسعات تانيه كان بيحبطنى ويقلل من عزمتى المهم بعد حوالى سنه عرفت من بره مش منه انه راح من ورايا ( وتقدم لطلب خطبتها لنفسه ) فى الاول مصدقتش اللى قاللى وانتهرته وشتمتة وقلتله انت عاوز توقعنا فى بعض لكن للاسف عرفت انه فعلا عمل كده و خاننى ولما واجهتة حتى مهانش عليه انه يعتزر لى او حتى يبرر موقفه المهم انى من ساعتها انا مش باعترف بحاجه اسمها صداقة ومعانديش ثقه فى اى حد