فيه حاجه غريبه فى المنتدى بجد موش عارف ايه اسبابها وانا واحد من الناس
اللى بتساعد فى انتشار الظاهرة دى
انه يكون فيه عضو من الاعضاء نزل موضوع بيعبر فيه عن مشاعر واحاسيس مر بيها
وفى المقابل احنا بنقابل المشاعر والاحاسيس دى بنوع من انواع السخريه
او يكون فيه موضوع جاد جدا وبرضه بنتعامل معاه بسخريه
وبنحول الموضوع الى ماده ضحك وتريقه
انا موش بنكر انى واحد من الناس دى اللى بتعمل كدا
وبجد بعد ما بعمل كدا بكون فى غايه الحزن والقرف من اللى انا بعمله
ونفسى الاقى سبب لكدا
يا ترى العيب فينا احنا
ولا العيب فى الموضوع
ولا صاحب الموضوع
الظاهرة دى انتشرت وبجد نفسى انها تتوقف
ونخلى الضحك والسخريه للموضوعات المضحكه فى قسمها وفى مكانها
اسف لكلامى بس بجد انا اتدايقت من نفسى اولا