مالك ياقلبى تايه ليه
حيران بس وبتدور على ايه
بتدور على الماضى ولا المستقبل؟
بتدور على الذكرى ولا الحب؟
انسى ياقلبى اللى فات وبص قدامك
ده الحب لسه موجود واتخلق عشانك
لسه فيه قلوب وفية
انسى بس ياقلبى وانت هاتلاقى الحب قدامك
فاتحلك احضانه وبحنانه بينده عليك
بتعذب نفسك ليه ياقلبى وراحتك بين ايديك
غاوى تعب وعذاب
وارجع من تانى منك اشكيك
امشى ورايا مرة يا قلبى
وشوف هاوصلك فين
دى الراحة قصاد منك
بس انت اللى غاوى انين
اسمع بس كلامى ياقلبى
مش كل القلوب عليك قاسية
لسه فيه قلوب صافية
لسه فيه قلوب وفية
لسه فيه قلوب بتحب