[جورج كرم كامل]

سلام مني
سلام بالأيد
في ليله عيد
لناس عالحب تتلاقى
قلوب سمحه
كما سبحه
وناس صالحه
مجالسهم
كما بساتين
بالوداد طارحه

يا أطيب خلق
سامحوني
في ناس ياما
في دوامة
وناس باعت
ضمايرها
وإحساسها بان الكون
مالوش غيرها
مرض بيشل
تفكيرها
وجمع المال
غشاوة فوق
بصايرها
وناس شاردة
وناس تملك
طباع باردة

وناس بتعبي
في كروشها
وناس بتموت
علي قروشها
وناس بتسبح المولي
دي ناس اولي
وناس جايه
وناس رايحه
وناس فالبشر طايحه
وناس واقعه
وناس بتدوس
وناس تغرق
وناس بتغوص
وناس عايمه

في بحر فلوس

وناس تعشق
وناس بتبوس
وناس صاحيه
وناس نايمه
وناس في الغرام
هايمه
وناس تجرى
وناس بتمد
وناس تبني
وناس بتهد
وناس بتبيد
وهما عبيد
عبيد الشر والطغيان
بلا اوطان

وناس تكره بني الإنسان

وناس تتراضي بالكلمه
قلوب صافيه
وناس عايشه
بميت ذمه
ولا كافيه
وناس عالرزق
بتحارب
سايبه الحبل
عالغارب
سايبه الأرض
تتنتش
وسايبه العرض
يتفتش
يا أهل الشر

إيه جانيتوه

بنوك عمله
مزارع ظلم
بالجملة
دة ظلم النفس
أولهم
وخلفتم
وراكوا دمار
وخلفتم شباب .....
تايه مع التيار
مصايرهم
في أيد غيرهم
أنا منهم
يا حوت يا كبير
انا في بحرك

ما تبلعني يا تسمعني

وواجهني
ما يرعبنيش
كبر حجمك
ولا نابك
انا لقمه بطعم المر
في منابك
يا أكبر حوت
أنا حارس
علي بابك
ما تبهرنيش
بهندستك
أنا رافض
أكون تلميذ
ف مدرستك
أنا ذرة

في دم الحر ما يهابك

هلم خواتي حواليا
من الجامعه وم الروضه
ونتعاهد نكون حاربه
تفقع عينك البيضه
***********

المصدر: †† ارثوذكس †† - من قسم: القسم الادبي