اهلا بيكم فى تالت حلقه من حلقات المفتش كرومبو وزي ماقلتلكو ان اللى دخلو على موضوع اللى عايز يكون بطل للحلقات وكتبو انهم موافقين يشركونى هما اللى هايكونو ابطال الحلقه دى وباعتزر لاللى ماجاش اساميهم المرادى وانشاء ربنا يبقو فى الحلقه الجايه.....
ملحوظه ...حرف ال (غ) الملون فى الموضوع= حرف ال (ر )معلش اصل البطله النهارده تعليمها اجنبى
النهارده حصلت سرقه كوميديه خالص
العضوه
mero monir
ارثوذكسي متألق
وهى بتنشر الغسيل فوق السطوح ....الكهرباء قطعت.. ومن خوفها نزلت تجرى واستنت اما النور يرجع ولما طلعت تكمل نشر الغسيل اكتشفت انه اتسرق
اتصلت بالمفتش كرومبو وهى بتعيط وبتقوله ...
الحقنى يا اونكل كغومبو ماما هاتطلع ماى ايز ..
الغسيل اتسغق يا كغومبو ومش عاغفه اعمل ايه..
طيران راح المفتش كرومبو وطبعا مانساش انه ياخد معاه المساعد العبقرى (zezomero) الشهير باسم سحس بومب ...
ولما راح وشاف مكان السرقه وعرف ان بين شقه العضوه المسروقه والسطوح 3 شقق بس تأكد ان اللى سرق مش هايطلع عن التلاته دول وهما
1_ العضو(مينا 3338 )العالم الكبير وصاحب النظريه المشهوره اللى بتقول ان( العلم لا يكيل بالبدنجان)
2_العضو (ميلاد صدقى)الممثل المشهور وبطل سلسله برامج (مولتى هاتعيشك فى الملل )
3_ العضو( peter333) بطل امبابه وشبرا والوايلى فى رياضه (رفع البراميل)
ولما المفتش كرومبو راح وسألهم قالو...
1_مينا (3338 )
ولله يا مفتش كرومبو انا كنت اعد باعمل بحث عن الدوره الدمويه لحشره صرصار الحيطه اليتيم ولما النور قطع خفت عليه لا يهرب فاعدت احكيله حكايه ظريفه لغايه مانام وبعد كده غطيته ونمت جنبه ولسه صاحى حتى بص على الصرصار ..
قايم من النوم سعيد وبيجرى ويلعب ...
موجه كلامه لسحس ...ماتيجى يا سحس اعمل عليك كام اختبار...
سحس .... اختبار ايه ونيله ايه هو انت شايفنى واقف بتنطط وعايز موز ايه ده... انا بوومب سحس بومب.. ثم انا الحمد لله مش يتيم وبابا بيحكيلى كل يوم نكته خليك مع الصرصار اللى مابقاش يتيم انا باقول انك تتبناه احسن
2_ ولما سأل المفتش كرومبو (ميلاد صدقى) كان بيعمل ايه لما الغسيل اتسرق ..قاله
انا زعلان يا كرومبو اتصدق اعد قدام التليفزيون من الصبح وماقمتش من قدامه والبرنامج بتاعى ماجاش خالص انا فشلت يا كرومبو.....
باقولك ايه يا سحس انت وشك فوتو جونيك خالص ماتيجى تمثل معايه ..هاتخنقنى فى الحلقه هاروح ربطك فى الشجره واولع فى الحبل واحط تحتيك صبار مليان شوك ..هاااااا ايه رأيك..
سحس .. يادي سحس وسنينه باقولك ايه يا مفتش كرومبو انا طالع للراجل اللى فوق يعمل عليا اختبارات احسن ما ابقى مع المجنون ده..... قال صبار قال
3_( peter333)
بقولك ايه يا كرومبو سيبنى فى حالى دلوقتى انا مخنوق ... تصور انا بطل رياضى وممكن اشيل اى وزن ومع زلك نفسى اقدر اشيل حماتى وارميها من الشباك مش عارف.. اصلها كانت وهى صغيره بيرضعوها فته كوارع ..انا تعبت يا كرومبو ............
وهنا تدخل سحس كعادته وقال بافتخار ..لا يا سيدى ماتعيطش الحمد لله انى انا موجود سيبها عليا دانا بومب ..سحس بومب..
دخل سحس الشقه ومره واحده .........
بوم ..طااااخ .... تيش
الحقووووووونييييي
غرييييييق
ولما المفتش كرومبو سأل سحس قبل مايروح مستشفى العظام وقاله مين اللى سرق رد سحس بسرعه وقاله...
سحس ....طبعا حماه ( peter333) هى اللي سرقت مانا قولت ابطل الشغله دى وارجع للشحاته..
كرومبو .. معلش ياسحس بس مش هى اللى سرقت الغسيل...
كالعاده سحس ماعرفش مين اللى سرق ....انتو لو عرفتو ماتنسوش تتصلو بيه على الرقم ده(زيرو اربع اصفار صفرين)
وادى دقنى لو حد فيكو كسب حاجه
ههههههههههههه مع تحيااااات
المفتش كرومبو