[الناى الحزين]

لقاء الكبار

المحبه

كان شعارنا فى لقائنا المحبه
المحبه التى جعلتنا نأتى من انحاء مختلفه لكى نتقابل
وكان اللقاء بالنسبه لنا امنيه وحلم وجاهدنا لكى نحققها
و بالفعل حققنها
حققنها عندما اصر كل منا فى داخله ان يفعل ما يسمى بالجنون فى سبيل المحبه
هكذا فعلنا وتحقق حلمنا
هكذا تقابل كل منا مع الاخر ويحمل فى قليه شئ اسمه المحبه

المحبه

قبل ما ندخل فى الموضوع احب اقول لعضوه غاليه علينا كلنا وكنا نتمنى بجد اننا نشوفها لكن ظروفها اللى اجبرتها على عدم المجئ هى اللى منعتنا
من اننا نشوف اجمل اخت لينا

المشاركة الأصلية كتبت بواسطة بنت الراعي انا اسفه يا جماعه انا ليا يومين محجوزه في المستشفي

المشاركة الأصلية كتبت بواسطة بنت الراعي والنهارده اول يوم اخرج فيه ويعلم ربنا لو كنت اقدر اجي الدير انا كنت جيت بس معلش بقي يشهد ربنا اني بجد هااموت واشوفكم معلش حقكم عليا وصلولي

العضوه الجميله بنت الراعى ( ايمى)

الف مليون سلامه لكى يا ايمى بجد كنا نتمنى اننا نشوفك وربنا يقومك بالسلامه وانشاء الله تكونى معانا فى لقاء الكبار الثانى

بيشوى من اسيوط
بجد كنا هنبقى سعداء لو شوفناك لكن معلش عزرك اللى قولتلى عليه بجد هو اللى يخلينا نقولك ان شاء

الله تكون معانا فى المره الجايه

ملاك من قنا
انتظرناك كتيررررر ياريت تطمنا عليك وكنا نتمنى نشوفك
لكن المهم اننا نتمنى انك تكون بخير

ندخل فى الموضوع بقى

بس هدى السرعه وانت داخل علشان الموضوع فيه حاجات كتيره تستاهل الوقفه
وكمان الموضوع طويل وكبير وكلوا بالتافصيل الممل اصله فعلا
لقاء الكبار

اول حاجه احب اشكر من قلبى كل اللى اتصل علشان يكلمنا ويطمن علينا وهما
1: عم كامل
بجد كنا فى غايه السعاده لما كلمتنا يا عم

كامل ومعلش الشبكه كانت وحشه وخلاناك تكلمنا اكتر من مره

2: عماد حسنى
شكرا يا

عمده على اتصالك بينا وربنا يخليك وميحرمناش ابدا من سؤالك علينا وبجد كنا نتمنى اننا نشوفك

3: بولا لافر
بجد يا

بولا اسعدنا جدا اتصالك وكنا منتظرينك بس معلش عرفنا ظروفك وانشاء الله نشوفك المره اللى جايه فى لقاء الكبار الثانى

4:

زيزو ميرو

امير ! انت يا واد مش هتبطل شقاوه حتى فى التليفون مخلتناش نبطل ضحك مكالمتك بجد فرحتنا كلنا ربنا يحميك يا امير

وبرضوا مش هننسى اللى البخله اللى اتصلنا بيهم وهما

5: سارق الابتسامه ميكى
وده بالذات لازم اقولكم عمل معانا ايه بالتفصيل
الاول بعت رساله لرافت كلمنى شكرا
اتصل بيه

رافت وكان مشغل السماعه الخارجيه وميكى ميعرفش حاجه ودى المكالمه ولو انا كداب اسئلوا اللى كانوا معانا

رافت

: الو ازيك يا ميكى يا حبيب قلبى

ميكى

: ايه يا رافت لازم ابعتلك يعنى رساله كلمنى شكرا

المهم اقفل دلوقتى بسرعه وكلمنى تانى بس تكلمنى

فيديو كول اوك ومتخافش يا سيدى هى دقيقه واحده بس ماشى

رافت

:ههههههه حاضر يا ميكى

ميكى

: والنبى والنبى والنبى يارافت هى دقيقه واحده بس والنبى

وفعلا رافت اتصل بيه بخاصيه الفيديو كول لكن انتوا عارفين ميكى ومحبته للناس قال انا لازم اسلم على كل واحد فى الخروجه واشوفه ويشوفنى اه ماهو بيتكلم ببلاش
والمكالمه استغرقت حوالى 12 دقيقه
وفى الاخر اخونا ميكى العزيز كتب فى موضوع خروجه الصعايده الاولى انه هو اللى اتصل بينا
هههههههههه
كريم من يومك يا ابو مينا
ههههههههه

ودى حاله رافت من بعد المكالمه
مايكل: متزعلش يارافت فداك يا اخى
اسامه: خلى الشهامه تنفعك يا ابو الرجال
رافت: انا ايه اللى جابنى اصلا يعنى اقف 7 ساعات وكمان 12 دقيقه فيديو كول منك لله يا ميكى اشوف فيك يوم
ياخرابـــــــــــــــــــ ــــى يالهـــــــــــــــــــــ ـــــــوتى
اه يانا يامه

ما استكفاش بكدا لا بعد شويه بعت ليا رساله تانيه

كلمنى شكرا

قولت اشوفه عاوز ايه المجنون ده
اتصلت بيه راح قالى ان ايمى كانت تعبانه جدا وكانت فى المستشفى
روح يا شيخ منك للى أكلت دراع جوزها

وكمان فيه مفجأه هقولها فى اخر الموضوع عن ميكى مفجأه كبيره جدااااااااا

المهم والاهم هو

لقاء الكبار

اولا مين اللى جه الخروجه وجه ازى وكانت ايه ظروفه نبتدى بالاكبر سنا

1: كيرو رافت
2: الناى
3: اسامه سمسم
4: ساموووو
5: مايكل صديق سامو
6: ملاك سكر
7: عفاف صديقه ملاك سكر
8: روميوا الرومانسى عضو معاناو اخو ملاك سكر
9: فيرونيكا بنت اسامه سمسم

1:كيرو رافت
بجد مهما قولت واتكلمت مش هقدر اوصف محبه

كيرو رافت لينا المحبه اللى خليته يجى من القاهره الى الاقصر علشان يقابلنا

جه ازى
رافت

ركب القطر من الساعه 11 مساء وحصل موقف بايخ جدا وظهرت فيه شهامة ورجولة رافت انه ساب الكرسى بتاعه اللى كان حاجزه لست كبيره فى السن وفضل واقف على رجله 7 ساعات من القاهره لغايه سوهاج بصراحه حاجه متعبه جدا جدا وشكرا يا احلى رافت انك اتحملت كل ده علشان تيجى لغايه عندنا وتشوقنا ولما شوفتنا نسيت كل اللى حصلك بجد اشكرك من قلبى

2: الناى
سيبكوا منه

3: اسامه سمسم
جه عن طريق القطر وركب وكان فى المحطه من الساعه 5.30 الفجر هو وبنته فيرونيكا لكن الحمد لله حظه كان حلو ولاقى مكان ليه وليفرونيكا والناى لغايه ما وصلوا بالسلامه

4: ساموووو
كان فى نفس القطر اللى كان راكبه اسامه والناى بس اكتشفه كدا لما نزلوا المحطه واتقابلوا كلهم والبركه فى الناى اللى بذكائه اقنعهم انهم مش فى قطر واحد تقولوا ايه صعيدى بقى

5: مايكل
مايكل ده بقى يا جماعه مرشد سياحى بس بأمانه ربنا شاب فى غايه الاحترا والزوق والادب
انا خايف ليكون كره سامووو بسببنا هههههههه
وطبعا جه بنفس الطريقه اللى جه بيها ساموووو لانه من نفس البلد

6: ملاك سكر
اكتشفنا كلنا فى اليوم ده انها فعلا ملاك واسم على مسمى
وكمان ما حبتش تيجى لوحدها جابت معاها كمان ملاك تانى صاحبتها اللى اسمها عفاف
واللى اخدت فكره زى الفــــــــــــــــــــــ ـــــــــل عن المنتدى والبركه فى رافت والناى
وصلوا الدير قبلنا كلنا بعربيه ملاكى كيرولا
هى موديل كام يا ملاك سكر؟
شوفوا بقى
رافت

جاى ياعينى وداق المر والتعب وملاك سكر جايه فى عربيه ملاكى وكمان مكيفه

ههههههههه
طبعا ده مش قر يا ملاك لا ده حسد

7: عفاف صاحبه ملاك سكر
اللى بجد سعدنا جدا بوجدها وسطينا وابقى قوليلها يا ملاك ان المنتدى مش هو خالص اللى شوفتيه من رافت والناى لا ده حاجه تانى خالص
وطبعا جات بنفس الطريقه

8: روميوا الرومنسى
او

ارميا

وطبعا كلنا عارفين انه عضو معانا
بجد واد زى العسل فعلا وانا حبته جداااا
هو مالوش مشاركات كتير فى المنتدى وده بسبب شغله ربنا يوفقه بس بجد حتته واد زى السكر وانا شخصيا مبسوط جداااااااااااا انى اتعرفت عليه
نقضيها ماسيجات وميزد كول بقى يا ارميا اوك
وطبعا جه فى المكيفه

9:فيرونيكا
خطيبتى اللى جنينت كل اللى كانو فى الخطوبه بجد بنت زى العسل

ربنا يحميها ويخليها لباباها

اللى كرهته من يوم الخروجه وطبعا البركه فى رافت
جات مع باباها

اشرحلكم بقى ازى اتقابلنا
رافت

وصل الاقصر قبلنا بحوالى نص ساعه تقريبا وانتظرنا على المحطه فى عز الشمس والحر

وطبعا كلنا متابعين الاحداث بالموبيلات مع بعضنا

سامو

ومايكل صديق سامو واسامه سمسم والناى

كانوا فى قطر واحد لكن زى ما قولت البركه فى

الناى اللى خلاهم ماتقابلوش ودى المكالمه اللى تمت بين سامو و الناى

وشوفوا المكالمه

الناى

نايم فى القطر والموبيل بيرن فتح عينه وهو مش شايف حاجه
الناى
:الووو مين معايه
سامو
:مين معاك ايه انت يابنى انت مش مسجل رقمى عندك
الناى
: ده صوت سامو ازيك انت فين يا حج سامو
سامو
: انا فى القطر ودلوقتى احناعلى محطه قنا وقدمنا حوالى 45 د ونوصل ورافت هيوصل بعد 15د
الناى
: هههههه تصدق احنا برضوا على محطه بس مش عارف محطه ايه
سامو
: بص كدا من الشباك وشوف اليافطه عندك وتعرف
الناى
: ياعم احنا فى بلد تانى مش قنا
سامو
: خلاص انا اول ما انزل الاقصر هكلمك تانى
الناى
:ماشى يا ساموو توصل بالسلامه
اسامه سمسم
: مين اللى كان بيكلمك يا ناى
الناى
: ده سامو بيقول احنا فى قطر هيوصل بعدنا بحوالى 3 ساعات
اسامه
: كمل نوم تقولش بقالك يومين مانمتش
ههههههههه
وطبعا احنا كنا فى قطر واحد بس معلش النوم سلطان

بعد كدا اتقابلنا على المحطه طبعا محدش شاف التانى خالص غير رافت والناى هما اللى قابلوا بعض اكتر من مره
لكن سامو شاف رافت واخده بالشبه وسلموا على بعض والناى شافهم من بعيد وراحلهم واتجمعوا فى الوقت ده اتصل بالناى روميو الرومانسى وقال للناى احنا منتظرنكم فى الدير ركبنا مواصله وروحنا الدير بعد ما سامو قالنا 10 دقايق اعمل حاجه وجاى لكن ال 10 دقايق وصلوا لساعه
ههههههههمعلش يا سامو انا ما احبش اخبى حاجه
لكن فى الساعه دى رافت ما سبش فيرو فى حالها ابدا

فيرو: الحق يا بابى ده جنينى من ساعه ما شافنى

رافت: تعالى بس نلعب فى التراب انا وانتى يا فيرو

الكبار فى طريقهم الى الدير
الكبار من الشمال لليمين
رافت سامو اسامه سمسم وفيرونيكاومايكل صديق سامو

اما الناى بقى فقرر انه ما يمشيش معاهم وركب كارو وراح لوحده الدير

مايكل : رافت هو الناى راح فين

رافت: ياعم فكك منه ده قرفنا من ساعه ما شوفناه

واتقابلنا فى الدير كلنا كنا بجد فى غايه السعاده والفرحه وفعلا السعاده والمحبه خلتنا ننسى تعب السفر والشمس والحر

بعد كدا ملاك سكر جابتلنا ساندوتشات لينا كلنا وأكلنا بطريقه مش معقوله من الجوع اللى كنا فيه

وسامووو

جابلنا الحاجه الساقعه على حسابه بس جاب كتير وكله بالصور

وبعد كدا ملاك سكر اللى فعلا سكر جابتلنا نحلى اشى بسبوسه واشى كنافه واشى جلاش وحاجات كتير وطبعا قومنا بالواجب وزياده كمان

كيرو رافت : ايه ده زلط ده ولا ايه روحى يا ملاك منك للخلقك

اسامه سمسم: كل يا رافت كل
رافت: ااااااايه ده ياعم انت ده انا هرجع اللى فى بؤى

مايكل : الحق يا ياساموو الواد الناى مسح الطبق كله ده هياكل الطبق

وطبعا لولا انى خايف ان ملاك سكر تزعل مكنتش اكلت من اللى هى عاملاه ده بس اعمل ايه ما احبش حد يزعل منى ابدااااااااااا وده واصح من الصوره

ساموو : ايه ياعم انت هتفضحنا دى ما كنتش حتته جلاشه دى

مايكل : ها يا ساموو هو خلص تصوير ولا لسه

ساموو: لسه ياعم دى حاجه تقرف انا عارف ايه اللى جابنى النهارده؟

ودى صوره لملاك سكر هى وبتلم الاطباق بعد ما غسلنها طبعا ده واجب علينا احنا مش بنحب نتعب حد

اسامه سمسم

وزع علينا اجزاء من سلسله كتب

لمعجزات ابونا يسى ميخائيل وكمان كان جايب معاه رمله بركه من دير ابونا يسى ووزعها علينا كلنا

ورافت ادى لملاك سكر جايزه المركز الاول فى مسابقه مؤلفين اورثوذكس وسلمها الشهاده والهديه

فيرو :اتفضلى يا طنط صافى

دى هديه المنتدى لحضرتك

بس ممكن ادوق حته منها؟

فيرو: اه لو اكل منها حته دى حلوه قوىىىىىىىىى

وقعدنا شويه فى الجنينه

الكبار اثناء تواجدهم فى جنينه الدير

الناى راح يشرب من النافوره لاقها قافله ونايمه علشان عارفين الصعايده وصلوا

كيرو رافت : ناى شايف يابنى البنت اللى هناك دى ايه ده يالهوىىىىى

الناى : بس يا رافت استنى بنتصور يا اخى مش كفايه اللى عملته فى الكتدرائيه فضحتنا ياراجل

سامو: اخلص يا عم الحج عاوز ابص زيهم

مايكل: ياخرابى مين دى؟

بعدها دخلنا

الكنيسه
وصلينا وعملنا تمجيد للانبا باخوميوس الشايب
وياسلام لو سمعتوا صوتنا والطريقه اللى كنا بنقول بيها تقولوش ملايكه بتسبح
هههههههههه
والغريب ان فيه مرد للتمجيد بيقول بنيوت افا باخوميوس وفى كل مره انسى واقول بنيوت افاكيرلس ليه مش عارف........؟
وكمان ياسلام لو سمعتوا الترانيم الكتير اللى قولنها والغريب فى الموضوع اننا كل ما نقول ترنيمه نقولها صح ومحدش ينسى حاجه وكمان ولا فيه كلام بيقع فى النص ولا حتى فيه ترنيمه بتقال بطريقه غلط الحمد لله تقولوش كورال بيرنم

فيرو: بابى عمو الناى بيلعبلى شنبه

اسامه: اعملى نفسك مش شايفاه يا حبيبتى

واتكلمنا فى حاجات كتير فى
المنتدى وطبعا ما سبناش حد فى حاله فضلنا نجيب فى سيره اعضاء المنتدى عضو عضو ياسلام على النميمه اللى مخلاتناش نسيب حد فى حاله

بعد كدا خرجنا من الدير بعد ما اخدنا بركه وروحنا مزار الانبا ونس مزار جميل جدا اخدنه منه فعلا بركه وخرجنا وحاسين اننا فعلا من جوه مبسوطين ومرتاحين كلنا

حتى اسئلوا فيرو
فيرو: ماما تعالى خدينى بسرعه دول كلهم مجانين الحقينى يا ماما

بعد كدا دخلنا كافتيريا اكلنا فيها والمره دى اتبرع الاستاذ مايكل المرشد السياحى صديق سامووو بانه يعزمنا على الغدا وطبعا انتوا عارفين يعنى ايه غدا فى بلد سياحى زى الاقصر بصراحه بصراحه هو مش اتبرع لا الراجل ادبس لان انا اللى روحت معاه نجيب الاكل ههههههههه واكيد بعد الخروجه دى مايكل نسى حاجه اسمها ساموووواكيدقاله من النهارده ولا تعرفنى ولا اعرفك يا سامووو
قاعدنا وأكلنا وسامووو برضوا جابلنا حاجه صاقعه وبعده شاى
وكان وقتها حوالى الساعه 7 مسأ واضطر سامو ومايكل انهم يستأزنوا انهم يمشوا علشان كانوا مسافرين للغردقه
وده بعد ما ملاك سكر واخوها روميوالرومنسى وصاحبتها استئذنوا هما كمان اما اسامه سمسم بعد ما لاقينه ان بنته فيرو تعبت خالص ونامت على رجله خلاناه يستأزن ويمشى علشان البنت بجد مكنش عاوز يمشى ويسبنا لكن احنا اصرينا على انه يرووح علشان فيرونيكا بنته القمر
بعد كدا كملنا انا ورافت وروحنا معبد الاقصر وكانت اوقات بجد فى غايه السعاده ورافت كان نفسه يموت ويتصور مع اجنبيه لكن انا منعته بشده وقولتلوا عيب يا رافت متخليش الاجانب ياخدو فكره وحشه عننا بالعافيه خرجنا من المعبد من شقاوه رافت مع الاجانب
واتمشينا على الكورنيش شويه بجد الاقصر بلد جميله
وركبنا القطر واخدنا الكلام وفجأه بشوف المحطه اللى القطر وقف فيها لاقتها بلدنا فعلا الكلام اخدنا ومحسناش بالمشوار خالص نزلت من القطر اللى كان ممكن يمشى ويكمل بيا وانا مش حاسس ولما نزلت اكتشفت ان الساعه 2 صباحا
بجد رافت مش تشبع منه ابدا وبعد كدا رافت كمل لوحده تانى ووصل تانى يوم حوالى الساعه 8.15 صباحا

المفجأه الكبيره اللى قولتلكم عليها فى اول الموضوع ان ميكى جه الخروجه ازى ده حصل اقولكم؟
اتصل بيا وقالى ناى انا على باب الدير قولتله خليك عندك وانا جاى روحتله
الناى: ايه اللى جابك يا منيل
ميكى: جاى اشوفكم
الناى:كلهم مشيوا ومحدش هنا
ووزعته طبعا علشان احنا مش ناقصين قرف طبعا محدش مصدقنى الدليل على كلامى صورتى انا وميكى لما سلمت عليه عن بوابه الدير وادى
الصوره

ودى صوره كمان علشان تصدقونى
ميكى : مشيوا بجد طب عينى فى عينك كدا
الناى : ياعم امسح البرابير الاول

وبعدها صحيت انا من النوم لانه بجد كان احلى حلم حلمته فى حياتى ولدلوقتى مش عارف ان كان ده حلم ولا علم ربنا يفرح قلوبكم زى ما فرحنا ويسعدكم زى ما أسعدنا
ونبقى دايما كلنا نمشى تحت شعار واحد اسمه
المحبه

المصدر: †† ارثوذكس †† - من قسم: البرامج والخروجات الخاصة بالاعضاء