سلام و نعمة علي اجمد اعضاء في منتدي ارثوذوكس
مستغربين ليه كده من العنوان
دي حقيقة و بجد و بامانة
كنا هنتمسك في قضية بنجو و السبب هو المنتدي
يا عمنا قولتلك متستغربش اوي كده انا جايلك اهو في الكلام و هتغرف اني بكلم بجد
انا و العضو kokodody66
كيرلس باشا
كنا خرجين سوه رايحن نشتري حاجات انهارده كانت حوالي الساعة 6 مساءً
و معدين انا و هو من قدام مديرية الامن في الزقازيق
و من قدام قسم مكافحة المخدرات
شوفنا حاجه غريبة جدااا جداااا
بصوا كده معايا
كوكو : بولا بص كده فوق
بولا : ايه في واحدة واقفة في البلكونة
كوكو : واحدة ايه يا عم انت بتبص فين .. بص هنا في المبني ده
بولا : ايه ده يا نهاااااار كل دي سجارة بنجو دي ولا في الافلام
كوكو : يعني انت جاي علي شكل السجارة
بولا : يا عم و احنا مالنا انشاء الله يشرب مولوخية
كوكو : انت يا اعمي مش واخد بالك دا مبني ايه
بولا: مبني ايه يعني ده
كوكو : بص علي اليافطة دي يا اعمي
بولا : يا نهااااااااار اسود .. ايه ده ..مش معقول .. قسم مكافحة المخدرات
كوكو : امال انا مستغرب ليه من الصبح
بولا : يا خرابي اسود و منيل بيشرب بنجو في قسم مكافحة المخدرات و واقف كده عادي في الشباك
كوكو : و ياريته بيشرب في الدره
بولا : لا و سجارة سجارة يعني صاروخ ارض جوي
كوكو : يلا يا بولا انا هصور المنظر ده و نزله علي المنتدي
بولا : تصور ايه بس انت مجنون .. انت عايزنا نتمسك و نترن علي نفوخنا
كوكو : يا جبان و فتحلي صدرك اوي في المنتدي .. و تقولي رغيف عيش من ذهب و فتورة مياه و هواء
بولا : يا عمنا دا كلام .. لاكن فعل لا .. هو انا مستغني عن نفسي
كوكو : لا انا بقا هصور و هنزلها علي المنتدي
بولا : مع نفسك يا حلو .. مليش فيه .. هقلب انا يا معلم
كوكو: بقا كده يا جبان تبيع صحبك
بولا : و ابيع ابويا كمان .. بقولك هو انا مستغني عن نفسي
كوكو : طيب هقولك بس هنصور من بعيد محدش هياخد باله
بولا : بص يا كوكو انا معاك بس لو اتمسكنا هعترف عليك و علي المنتدي كمان ..بس هو كده
كوكو : ههههههههههههه طيب يالا يا خويا تعال بس
و بعد كده روحت انا و كوكو وقفنا في حته كده مدارية علشان نصور و بصراحة ركبي كانت بتخبط علي باب القسم
بس للاسف معرفناش نصور كويس الراجل و هو شك فينا اول ما خدنا ليه اول صورة و لقيناه بنادي علي واحد جنبه و بعته ينزلنا علشان يشوف في ايه
بولا : الله يخربيتك يا بعيد .. هنتمسك
كوكو : اجري يالا الراجل جاي اهو
بولا : اشوف فيك يوم فخري (( دا و انا بجري بقا ))
الله يسمحك يا كوكو جرتني لحد ما خسيت النص
كوكو : الحمد الله بعدنا عن القسم
بولا : كويس يا عم خلينا بقا نروح نشتري الحاجه و ننجز انا تعبت
كوكو : اوكي يا باشا نروح نشتري الحاجة و نرجع بعد كده ناخد صورة لليافطة بتاعة القسم
بولا : نعم يا خويا ... عند تيته الكلام ده .. انت بتحلم ..ابدا مستحيل
كوكو : يا بولا الصورة بتاعة الراجلة طالعة وحشة الله .. و مش باينة هيعملوا هما بيها ايه في المنتدي .. ناخد طيب صورة لليافطة اثبات حالة يعني
بولا : كوكو مليش دعوة بالموضوع ده اتصرف انت .. انا عايز اروح لامي يا عم
كوكو : خلاص خلاص انا الي هصور بس لما نرجع علشان منتمسكش
و دي الصور الي احنا صورناها بس للاسف مكنتش واضحة خالص لانها كانت من بعيد جداا و تقريبا تعبنا راح هدر
بس تخيلوا انتوا كده واحد واقف ماسك سجارة بنجو في قسم مكافحة المخدرات و يارتها سجارة بنجو محترمة لالالا دي صاروخ بمعني الكلمة بجد
بعيد بقا عن كل القصة الي اتحكة ولا احنا عملنا ايه
بس انت ايه رايك في المنظر ده الي احنا شوفناه
مظنش انه يعقل
بس ارجع و اقول
احنا في مصر
اخواتكم
كوكو
&
بولا