اهلاااان؟؟ قالها هكذا ... طويلة.... ممتدة... مليئة بالبهجة و الفرح حينما رأنى بالمصادفة مارا بجواره متلقفا يدى بكل حرارة ليشد عليها والتفت يده حول يدى و هى بالمناسبة ضعف حجم يدى حتى اختفت يدى تماما فى يده ثم اكمل احكام يده على يدى واضعا يده التانية فوق يدى ليؤكد مدى اشتياقه الى و..... فينك يا ابو الحجاج ... يا ابن الايه ....وانت فينك يا عم ...وكل هذا ويدى لا تزال اسيرة بين يديه لا تستطيع الانفلات وهو لا يريد ان يفرج عنها ... بعد عشر دقائق (على هذا الوضع) .. حاولت اسحب ايدى معرفتش كأننا اصبحنا توأم ملتصقة لا ننفصل الا بعملية جراحية ... و ربع ساعة ....على هذا الوضع و يدى بدأت تعرق حاولت استفيد من العرق بأنى ازفلط من ايده لكن هذا كان مستحيلا ... يا رب انقذنى ... مشعاوز يسبنى ليه ده .. عاوز امشى بأه .. بس يعنى همشى واسيب ايديى للابد ... لو كان ينفع كنت عملت كده... حاولت اهز ايدى عشان افهمه ان المصافحة خلست بس البعيد مفهمش و فضل ماسك ايدى كأنه وجد كنز فمددت ايدى التانية وطبطبت على ايده عشان يفهم وكانت غلطة عمرى راح ضم ايدى التانية الى المجموعة .. و اللى كان يشوفنا من بعيد يقول دول بيلعبوا ((كيلوا بامية)) .... فعلمت تلك الحركة الطائشة ... وهى انى ادتله شلوت فأيدى فلتت و هربت ومن ساعتها وانا بمسلمش على حد..