كُتب : [ 07-19-2007
- 06:09 AM
]
آه لأسئلة ماريان
بالنسبة للسؤال الأول ، هو حقيقي سؤال مش صغير ولكن كبير جداً ,اوعدك أجاوبك عليه باختصار عن قريب بس لما اعمل مقارنة بين القداسات علشان مش باحب اتكلم مجرد معلومات وخلاص ولكن كما علمنا الآباء في إطار الخبرة والصلوات ، وعلى فكرة هما مش 3 قداسات فقط دول أكثر من كده بكثير جداً ولكن الثلاثة دول فقط المشهورين جداً في الكنيسة ...
أما بالنسبة للسؤال الثاني
مش دقيق قوي لأن المفروض حياتنا كلها عشرة مع المسيح ، مش الصوم فقط ولكن الصوم ببساطة كوجه عامة ، هو عدم التركيز على احتياجات الجسد وأعلان الجوع للخبز السماوي وكلمة الله واشتياق خاص للملكوت ومجيء الله ، مع ممارسة حياة التوبة والتركيز على تغيير القلب وفحص النفس في نور الله بالإنجيل والصلوات التي لا تنقطع وقبل الأفطار على الخبز كاحتياج الجسد التناول من خبز الحياة أي جسد الرب ودمه .
|