دايماً الدنيا بتيجى علينا مره هم ومره حزن ومره تنسانا
ليه يا دنيا بتيجى علينا ولا يوم سعيد بيعدى علينا
دايماً نسيانا للهم والحزن ويانا
دايماً نتحداكى وبرده جايه علينا
عمرك ما ضحكتى لينا دايماً تضحكى علينا
ايام بتعدى وانا تايه فى الدنيا مش عارف عايش فيها ليه
محستش ان ليا حياه عشان دايماً تعشمينا بحاجات كتير بتعيشينا بحلم وتفرحينا بيه وفى الاخر بتموتينا
بتقسى علينا كتير واحنا متحملين قسوتك لينا
شايل همى فوق راسى وساكت مبتكلمش
وانتى برده جايه علينا بهموم كتيره
بحلم وانا ماشى فى طريقى
الحلم هيبقى حقيقى والافراح هتبداء ومش هتنتهى وساعتها هاكبر واكبر وهاعيش
وادينى صحيت من الحلم لقيت نفسى قدام بحر برمى كل همومى ليه
والحلم لحياتى مجرد خيال
شفتى يا دنيا جيتى عليا ازاى ...
بس دايماً هتحداكى مهما عملتى فيا هتحداكى
لان الهي وحبيبي ومخلصي رفيقي في طريقي
دايماً هتحداكى لان حبيبي دايماً جانبي
ساندني وماسح دموعي ودايماً الصبر فى عيوني
شفتي يا دونيا هتحداكى ازاى ...