حلم
حلمت انى اكون انسان يدوب بس الآقى أحسان
الآقى محبه بين الناس أشوف قلوب فيها إحساس
حلمت بنهاية عالم انانى ما كونش فيه ضحيه ولا جانى
يكون عالم مليان سلام كل اللى فيه حب وأمان
حلمت الآقى الكل متهنى لا أتعب حد ولا حد يتعبني
كل الدنيا تكون فرحانة عايشين بصدق بكل أمانة
حلمت ملقاش أى دمعه على خد طفله لسه نابعة
ماتبنش غير الابتسامه ملامحها هتكون أحلا ياما
حلمت أقابل قلب طيب أسكن جواه وأكونله قريب
قلب يحبنى بحنانه يضمنى أعيشله عمرى وهو يحسنى
حلمت أقابل قلب حنون نتعاهد نبقى واحد مهما يكون
قلب لا فيه غدر ولا ظنون لا يهجر ويجرح ويسبنى مطعون
حلمت كتير وأتمنيت حلمت كتير وقولت ياريت
ياما تعبت ياما عنيت وافتكرت انى بنيت
بس صحيت على عالم فانى عالم بيهد كل معانى
مفيش مره يرحم حالى مستكتر حتى عليا خيالى
بس أحلامى دى مش أوهام ولا أشعار وترتيب فى كلام
دى راحتى وأملى فى بكره حتى لو كانت مجرد أحلام
حلمى صغير وعلى قدى معنديش غيره باقى عندى
هقاوم به وأعند مع نفسى هقاوم به وأحارب يأسى