|
كرسى الاعتراف
اللعبة دى جميلة جدا عبارة عن اننا هنستضيف احد الاعضاء ونهريى اسئلة لمدة 4 ايام كل عضو يدخل يسالة وهو يجاوب وبعد الاربع ايام يتم الافراج عنة بس يرشح عضو اخر بدل منة ليجلس فوق كرسى الاعدام اققصد كرسى الاعتراف اوك نبداتى واول شخص هنصديفة هو الساااااااااااااااااااااا ااد حبيب قلبى ميكى ملك الكومديا عايز اسالة تخلية يحرم مقالبة |
رد: كرسى الاعتراف
وهبدا باسئلة يالة ياميكى 1_ مين احب الاعضاء والمشرفين بالنسبة لك 2_ عرف ميكى بالمختصر المفيد 3_ مين اكتر حد بتحب تتكلم معاة 4_ مين اكتر وحد عملت فية مقالب 5_ اية اكتر حاجة بتحبها 6_ نفسك تكون اية 7_ علم نفس ( ماذا تعنى لك تلك الكلمات ) الحزن _ الزمان _ منتدا ارثوزكسى _ الاشراف _ الحياة _ المحبة _ الغدر _ الصداقة ونلتقى ثانيا |
رد: كرسى الاعتراف
ميرسي علي اللعبة الجميلة وميرسي اني كبش الفدا نياهااهاهاهاها مين احب الاعضاء والمشرفين بالنسبة لك بأمانه بحبكم كلكم وبحب اشوف ردودكم كلها عندي في مواضيعي عرف ميكى بالمختصر المفيد ميكي انسان طيب جدا ورومانسي زياده عن اللزوم بس هو اللي بيظهر قدام الناس بصورة الشخص الكوميدي بتاع المقالب والكل بيفكرة نمس ومش سهل مين اكتر حد بتحب تتكلم معاة ميكي هو اكتر واحد بحب اتكلم معاه .. وسري بيني وبين نفسي مش بعرف احكية لحد مين اكتر وحد عملت فية مقالب علي المنتدي استاذ ظريف اية اكتر حاجة بتحبها الصدق وعدم الظلم نفسك تكون اية نفسي اكون انسان ناجح واشتغل الشغلانه اللي بحلم بيها من زمان علم نفس ( ماذا تعنى لك تلك الكلمات ) الحزن هو نتيجة البعد عن الله وحروب الخطية الزمان the man ولا the woman نياهاهاها منتدا ارثوزكسى بأمانه بقعد فيه اكتر مابقعد في بيتنا الاشراف حاسس انه صعب عليا واتمني التنحي عنه الحياة حلوة بس احنا اللي مش عارفين نعيشها صح المحبة اهم شئ ومن خلالها تتحل كل المشاكل الغدر اصعب شئ في الوجود ربنا مايحكم بيه علي حد الصداقة الانسان بدون صداقه كالنبات بدون مياه |
رد: كرسى الاعتراف
يالة ياشباب الى عايز يسال ميكى عن اى شى يتفضل
|
رد: كرسى الاعتراف
ايه سر حبك فى الصور الكتير دى يا ميكى
ومين اكتر بنت متغاظ منها فى المنتدىونفسك ترميها من الطياره ومين اكتر ولد فى المنتدى نفسك تقرب منه اوى ههههههههههههههههههههههههه ههههههههه جاوب يا نجم يلا |
رد: كرسى الاعتراف
نفسى اعرف يا ميكى انت بتجيب افكار مقالبك دى منين
و ايه حبك او هوايتكك او ايه اللى بتستفاده لما بتعملها بتفكرنى تملى بعطوة اتس فانى |
رد: كرسى الاعتراف
وانا كمان عندى كام سوال كدة غسيل وعصر بردة ولازم ترد يترة حبيت قبل كدة وكان اية النتيجة انت بتكتب شعر حلو جدا بس لية مش بتكتب كتير لو حبيت تهدى كلمة احبك لشخص هديهتيها لمين ولية علل يعنى مين من الاعضاء تحب تتبع كل مواضيعة وترد عليها بمجرد انة ينزل موضوع لو حبنا تقولنا رايك فى هولاءالاشخاص ماذا ستقول مستر ايمن هيما تونى الجامد جوسى قمر الماجيك جاسيكا استاذ ظريف استاذ كامل اسامة ثروت ( ودة بالذات ) فاصل ونواصل عشان تبقا كبش فداء بضمير بس ههههههههههههههههههههههههه ههه |
رد: كرسى الاعتراف
حرام عليكوا كل دي اسئلة اهئ اهئ استعانا علي الشقة بالله ايه سر حبك فى الصور الكتير دى يا ميكى صدقني انا بحب اتصور للزكري وبتصور صور غريبة يعني وانا واقف جمب سلة زباله وانا واقف جمب الحمام وخلافه من الصور وبعتبرها زكري حلوة لما اكبر واتفرج عليها مين اكتر بنت متغاظ منها فى المنتدى ونفسك ترميها من الطياره هههههههه كل البنات بصراحه هههههههه مين اكتر ولد فى المنتدى نفسك تقرب منه اوى نفسي اقرب منكم كلكم بصراحه وياريت تقبلوني اخ نفسى اعرف يا ميكى انت بتجيب افكار مقالبك دى منين من السوبر ماركت ههههههههه من دماغي يابرنس ايه حبك او هوايتكك او ايه اللى بتستفاده لما بتعملها ولا حاجه مجرد نوع من انواع الهزار في اللي بيتقبلوا وفي اللي مش بيتقبلوا بس انا مش بعمل مقالب غير مع اللي بحبه بس يتري حبيت قبل كدة وكان اية النتيجة حبيت قبل كده طبعا والنتيجه معلقة حتي الأن ولم ادري الي اين سيذهب بي القدر هل سيكمل ام سيفشل انت بتكتب شعر حلو جدا بس لية مش بتكتب كتير انا مش بكتب شعر غير في الوقت اللي ببقي تعبان فيه ونفسي اتكلم مع نفسي فبقعد اتكلم في ورقة والكلام ده بنزله عي المنتدي وانتوا بتسموه شعر ولكنه مجرد احساس لو حبيت تهدى كلمة احبك لشخص هديهتيها لمين اهديها الي انسانه حبيتها بجد من قلبي واتمني انها تكون بتحبني زي مابحبها مين من الاعضاء تحب تتبع كل مواضيعة وترد عليها بمجرد انة ينزل موضوع اكتر واحد برد ليه علي مواضيعه هو ظاظا ( ظريف ) وده مجرد نوع من انواع التخدير عشان مش يزعل من مقالبي اللي بعملها فيه لو حبنا تقولنا رايك فى هولاءالاشخاص ماذا ستقول مستر ايمن روح المنتدي .. بتعلم منه كتير وفخور اني اتعرفت عليه هيما عمود المنتدي وبجد هيما اخويا قبل مايكون ابن عمي تونى الجامد بسمتي المتحركه وتوني برضه اخويا قبل ما افجر الخبر اللي جاي ده توني ياجماعه يبقي ابن خالي نياهاهاهاهاهاهاها جوسى انسانه علي طبيعتها جدا وده اكتر حاجه عجباني فيها قمر شقية المنتدي واتمني اني يكون عندي اخت زيها بس للأسف مش عندي اخوات بنات لكن بجد كلكم اخواتي الماجيك حبيبي وابن حبيبي .. حبيته من اول لقاء ومنتظر تاني لقاء كي اعبر له عن حبي .. شخصية جميلة جدا جاسيكا اهلا بالهانم اللي فضحتني في موضوعها الاخير بتاع ( نياهاهاهاها ) وادتني اعدام بنتوته عسوله جواها افكار حلوة بس هي ناقصها حاجه واحده بس انها تستحمي ... ههههههههه استاذ ظريف مش لاقي كلام اقوله عليه يوفيه حقه هو الحاجه اللي لما اكون مضايق وتعبان اجري واتكلم معاه علي النت .. اخويا الكبير وبحبه حب جنوني حقيقي استاذ كامل ده بقي اب المنتدي بحس وانا بقرا مواضيعه ان والدي هو اللي بيتكلم انسان حلو كتير جدا ومشتاق للقائه اسامة ثروت ( ودة بالذات ) لأسف الحبر خلص ومش هلحق اتكلم عليك يااسامه نياهاهاهاههاااهاهاه موت بغيظك نياهاهاهاهااهاه كفايه بقي تعبت |
رد: كرسى الاعتراف
مادام هى حفله للأسئله والدعوه مفتوحه
لمدة أربع أيام فقط نسأل ميكى ونقوله لما تفكر تخطب واحده هل تختارها من أى نوع 1ـ بتاعة مقالب زيك وتفرجوا عليكم الناس 2ـ هادئة الطباع وتقولك الله يسامحك 3ـ تكون فاصله شحن ومتعرفش أى حاجه 4ـ تكون ذو مركز مرموق وتوديك كل يوم قسم الشرطه 5ـ تكون مخربشه وتخليك ميكى عاهات أختار ياباشا هههههههههههههههههههه هههههههههههه هههههههههه ولا أختارلك أنا وأنتى عارف ذوقى هههههههههههههه هههههههههه ههههههه |
رد: كرسى الاعتراف
لالالالالالالالالالالالال ا ارجوك بلاش زوقك انت اتمني اني اختار الاختيار الثاني وهو هادئة الطباع وتقولك الله يسامحك |
| الساعة الآن 06:06 PM. |
Powered by vBulletin
Copyright ©2000, Jelsoft Enterprises Ltd.