فكرة جديدة للخدمة اكرم اباك وامك
 

ممكن ندعوا االاب الكاهن او الاب الاسقف او الخدام الكبار فى امانه الخدمة والبنات تعمل اكل حلو والاولاد يعملوا هدايا بايدهم زى اركت او صليب جلد او اى حاجة بايدهم هما وندعوا ابونا ونصلى مع بعض وبعد كدة نقدم الهدايا والاكل وبعد كدة نصلى ونمجد العدرا امنا ومثلا اى قديس ابونا زى البابا شنودة او البابا كيرلس او ابونا عبد المسيح ونخرج كلنا فرحنين

ممكن تتعمل صور او ميداليات اركت

او ممكن تتعمل صور جبس وطريقتها سهلة نعجن شوية جبس فى طبق وبعد كدة نجيب طبق صغير وسلك نحط الجبس فى الطبق الصغير ونحط السلك فى الجبس قبل ماينشف علشان هو دة اللى هايتعلق بية الجبس فى الحيطة ومما ننساس ندهن الطبق الصغير بزيت طعام علشان الجبس ما يلزقش فى الطبق وبعد ما ينشف الجبس نطلعة من الطبق وندهنه بورنيش من عند الحدايد والبويات ونلزق علية صور للسيد المسيح او العدرا وهى شايلة السيد المسيح او حتى ايات من الكتاب المقدس وممكن نزين الجبس بالورد الصناعى

فكرة اجتماع طوبى لصانعى السلام
 

لماذا لايكون اجتماع للصلاة من اجل سلام العالم كلة ومن اجل بلدنا الغالية مصر وممكن ابونا يصلى لينا اوشية السلام وكمان نصلى علشان الزرع وثمار الارض وكمان سلام الهواء يعنى مايكونش فيه اعاصير او جفاف لان الهواء هو الذى بيكون احد اسباب سقوط الامطار والامطار دى هى اللى بتعمل النهر والمياة وكمان نصلى من اجل كل واحد مسافر ان ربنا يحفظة فى سفرة الى ان يعود بسلام الى اهلة وكمان نصلى من اجل كل زوج وزوجة ان يبقى فى سلام بينهم بل من اجل كل فرد من اجل ان يكون داخلة السلام الداخلى العميق الذى يفوق كل عقل
وممكن لما تبقى فيه مشاكل بين اى زوج وزوجة او بين اثنين اخوات بسبب خلاف على الميراث مثلا نصوم ثلاثة ايام ونصلى من اجل السلام
والفكرة دى ممكن تدى سلام بين الاخوات المتخاصمين بعد وفاه والديهم على الميراث ومش قادرين يحبوا بعض
ممكن كل واحد من الاخوات يعمل قداس على روح ابوة وامه ويذكرهم فى القداس و يوزع قربان على الكنيسة كلها او اى عمل رحمة ويجيب اباركة ودقيق للقربان وشمع ويديهم لابونا ويكرم ابونا
لو كل اخ واخت متخانقين على الميراث اكيد اكيد هيحل السلام وترجع المحبة بينهم مرة تانى ولو بعد وقت طويل
وكمان لو فى زوجين متخاصمين يحاول كل طرف من الاطراف دى يكرم اباة وامه سواء بزيارة او يجيب ليهم هدية وبعد كدة يروح لوالد ووالدة الطرف الاخر ويقدم ليهم هدية حتى لو جة على نفسة علشان الملكوت بيجى بالتغصب على عمل الخير ومايهمهوش اى كلام اهانه او تجريح ويعمل الخير مع الطرف الاخر ويصلى ويصوم اكيد اكيد هيجى السلام الذى يفوق كل عقل بشرى

رد: فكرة جديدة للخدمة اكرم اباك وامك
 

وطبعا يروح خدام الاجتماع مع كل زوج الى الطرف الاخر

رد: فكرة جديدة للخدمة اكرم اباك وامك
 

طبعا الهدايا هاتتقدم للاب الاسقف او الاب الكاهن واب وام الشباب ودة تصميم اية ممكن تتحط على الجبس وتتعلق على الحيطة وممكن تنفع مشروع

http://www.mediafire.com/file/tkka7a...%AC%D9%893.doc

رد: فكرة جديدة للخدمة اكرم اباك وامك
 

طبعا لازم تنزل الفونت علشان الاية تتطلع حلوة ودى شوية ايات ممكن تنفع للجبس

http://www.mediafire.com/file/hujri8...8%A7%D8%B9.rar


http://www.mediafire.com/file/09hion...8%A7%D9%84.rar


http://www.mediafire.com/file/xagp3m...8%B5%D9%82.rar



http://www.mediafire.com/file/s9x258...8%A7%D9%86.rar


http://www.mediafire.com/file/ruzysc...8%B1%D8%A9.rar