|
مافيش عنوان ولا موضوع
مافيش عنوان ولا موضوع ولا مقري ولا مسموع مافيش جمله ولا حتي كلام موصول مافيش مكتوب مافيش منقول وايه هانقول مادام الكلمه مكسوفه وايه واضح وايه مجهول حقيقي بجد مش عارف حروفي ليه بقت باهته ومحبوسه فـ بيت مقفول حاولت كتير اشوف معني يكون واضح ويتغني يكون برضه ماسك فكره يعالج حاجه ويناقش هموم وطن عالكتاف محمول ونفسي كمان تكون الفكره بنت بنوت اكون اول من لمس خيطها واول من حطها فـ بيوت واول من سمع صوتها واعديها جسور الموت تعبت كتير اتكلم عن معني ماحسيتوش او حتي واحد ماعرفوش رسمت طموحي في الاحلام وحطيته فـ مكان عالي لقيته بيعلي رفعت ايديا ماممسكتوش حاولت اوصف خطوط حلمي وحتي كلامي ماوصفهوش ولما كتبت عن نفسي لقيت المعني مالوش عنوان ولا موضوع لقيت معني لكني حقيقي مافهمتوش ************ هاني عزت |
رد: مافيش عنوان ولا موضوع
اشكرك جدا على الموضوع وعلى الكلمات
ربنا يفرح قلبك |
رد: مافيش عنوان ولا موضوع
أولا أهلا بك معنا فى منتدى الأسرة الكبير وفى القسم الأدبى وبجد ياأستاذ هانى كلماتك جميلة ومعبرة الرب يباركك ونريد المذيد الرب معك |
رد: مافيش عنوان ولا موضوع
كلماتك جميلة جدا بجد ومعبرة
الرب يباركك ويفرح قلبك وأهلا بيك معانا |
رد: مافيش عنوان ولا موضوع
ميرسى كتير على الكلام الجميل
ربنا معاك ونتمنى نشوف دايماً كلامك |
رد: مافيش عنوان ولا موضوع
اقتباس:
يالهوىىىىىىىىىىىىىى ايه الكلام الجميل قوى والكبير قوى والصح قوى واللى فى الجون قوى قوى ادينا اللى عندك كله خللى الشعب يعيش |
رد: مافيش عنوان ولا موضوع
جمييييييييييييييييييييييي يييييييل قوي ياهاني تشبيهاتك رائة ولا تميل للاستسهال نريد المزيد |
رد: مافيش عنوان ولا موضوع
المشكله انك متلاقيش لحياتك معني ولا موضوع ساعتها هتحس انك ميت بصوت مش مسموع
|
| الساعة الآن 04:28 AM. |
Powered by vBulletin
Copyright ©2000, Jelsoft Enterprises Ltd.