|
جونا عنيد افيدوني
طبعا وحشتوني جدااااااااااااااااااااا واسفة لتقصيري معكم يااحبائي ......
انا خلفت ولد ومطلع عيني لانة عنيد جدا افيدوني اتعامل معة ازاي؟ عنيد جدا مابيسمعش الكلام وعندة استعداد يعيط نص ساعة عشان ميعملش المطلوب منة. |
رد: جونا عنيد افيدوني
هاى ازيك ونورتى الموقع من جديد ونحن سعداء بوجودك معانا ومبروك النونو وربنا يكون فى عونك
لكن بالنسبه للاستفسار هاننتظر حد يرد عليكي ببالاجابه الصح |
رد: جونا عنيد افيدوني
أولاً نشكر الله على سلامتك ورجوعك لينا بالف سلامة... ثانياً انتِ عارفه صدقيني هو عنيد ليه ولو تفتكري انا قلت لك انه هايبقى عنيد وانتِ مش صدقتيني غالباً وبرضو استمريتي تضربيه وتتعصبي عليه ودية نتيجة طبيعية جداً، فالمشكلة مش فيه المشكلة عندك انتِ أولاً، لو حلتي المشكلة أولاً هاقدر اساعدك، لأن الطفل مش بطبعه يبقى عنيد لكنه بيكتسب العند من البيئة المحيطة وبخاصة عصبية الأم أو الأب أو الاتنين مع بعض، والتعصب على الطفل أو غصبه على الأشياء بالقوة بيولد عنده عناد شديد وعلاجه بيبقى مش سهل وبخاصة كل ما يكبر، لأنه في النههاية بيتمرد والضرب مش حل ولا العصبية بل هيزداد بشدة وسينفجر كالبركان، يعني هو لازال في بداية المشكلة ولكن كل ما يكبر على هذه الحالة سيزداد عنفاً في رد فعله وفي النهاية علشان يعاقبك هايرفض المذاكرة وربما يسقط على طول في دراسته بل وحياته كلها، حتى لو عارف وفاهم دروسة كويس لكن ها يهمل وسيسقط عنداً، وبخاصة لو بينضرب كتير لأن المفروض ضرب الطفل مش مستحب إلا في أضيق الحدود جداً جداً والضرب لا لتألم الطفل ولكن لتصوير الخطأ الفادح والشديد للغاية... هانتظر ردك.. النعمة معك |
رد: جونا عنيد افيدوني
للتذكرة فقط، انا في موضوعات تربوية وضعتها زماااااااااااااااان في المنتدى وقلت فيها هذا الكلام كله بالحرف الواحد، علشان اعطي فكره للمقبلين على الزواج في التربية الصحيحة للطفل بس يظهر مش حد أخد باله منها مع ان اللي شافوها ونقلوها لمنتديات تاني كتييييييييييييييييييير، بس الناس في الواقع العملي بتنسى ,,,, والاهتمام بالطفل مش سهل ابداً، لأن آباء كتير بيهتموا بالصحة الجسدية فقط أو بالصحة الجسدية والتعليم ناسيين نفسية الطفل وتهيئته لكي يكون شخصية سوية ناجة في المجتمع، وله علاقة سوية بأهله واصدقائه، لكن عادةً المشكلة عمرها ما كانت في الطفل بل احنا اللي بنوصله لطريق مش مستحب وبنشتكي منه في النهاية، مع اننا لو فحصنا أنفسنا بكل أمانة هانلاقي ان احنا السبب الأول لهذه النتيجة اللي بنرجع نشتكي منها في الآخر.... |
رد: جونا عنيد افيدوني
اولأ ازيك يا صافى عاملة اية مبروك النعمة اللى ربنا ادهالك ابنك ربنا يخليهولك
بصى كلام استاذ ايمن صح جدآ الطفل دة عالم كبير صعب جدآ تفسيرة والعند عند الطفل بيكون سببة احنا قبل منة هو متضربهوش خالص متستخدميش الضرب معاة خالص لان دة بيدل على ضعف شخصيتك قدامة اقولك على موقف حصل معايا من ابن اخويا عندة 4 سنين او 5 سنين لما بيتعصب عليا ويتنرفز بكتف ايدة لحد ما يهدى واقولة وانا هادية ومش متعصبة انا مش هضربك متخافش انا مسكاك وممكن اضربك واقدر اضربك بس مش هضربك اهدى وبلاش عصبية فهمنى عاوز اية ؟ ولو طلبة مينفعش بتفاهم معاة ولازم يكون فى بديل لطلبة عشان اشغلة عن سبب زعلة بس ابدئى بنفسك الاول متفقديش اعصابك خالص مرة دكتور نفسى فى برنامج بقول الطفل لما بيشوف ماما متعصبة بيقول بينة وبين نفسة . يااااااااة بقى انا الطفل الصغنن اوى كدة اقدر اخلى ماما تبقى عصبية كدة وبيتولد عندة التحدى مع الايام ويكون فى شكل العند |
رد: جونا عنيد افيدوني
:) مش تعزمينا علي السبوع طيب :)
خدي بقي النصيحه دي من عمو :D بصي يا أم جونا ، العند عكسه التشجيع يعني ممكن لما يعمل حاجه كويسه تمدحيه و تشكريه و تجبيله حاجه حلوه تشجه وهكذا كل ما يعمل سلوك مقبول و مطلوب تشجعيه ، لكن لما يعمل حاجه وحشه تتجهلي سلوكه أو تعقبيه عموما في كتاب ممتاز جدا اهوه اقريه هو أسلوبه حلو اوي و بسيط :) http://l.facebook.com/l.php?u=http%3...KYI4am2iiP&s=1 |
رد: جونا عنيد افيدوني
العند عكسه التشجيع
تصدق يا جورج يجى منك اية العظمة دى :p |
رد: جونا عنيد افيدوني
ايوه بقي هيهيهيهيهيهيييييييييييي |
رد: جونا عنيد افيدوني
بصى يام جونا اولا ربنا يخليهولك
انا عندى ابنى نفس الوضع وامه كل شوية تفتكر انه لوحده كده وانا اقولها وافهمها ان كل الاطفال كده . المهم ما تبقيش عصبيه مع الطفل لانه بيتعلم العصبية هوه مش عارف ايه بس بيوف رد فعلك عصبى فبيعجبه ويفكرك بتلاعبيه فيعيدها تانى عشان كده لازم تصبرى عليه وتفهميه من غير علو صوت . عندنا تقريبا على ما العيال تكبر هنكون غيرنا الاجهزه الكهربائيه كلها هههههههههههه وكمان دهانات الشقه لما يبدأ يكتب بايده ولا يهمك خالص المهم تعرفيه بهدوووووووووووووووووووووء على راى عماد اديب |
رد: جونا عنيد افيدوني
الكتاب فين ياعم جورج اظاهر اللينك غلط
|
| الساعة الآن 03:44 AM. |
Powered by vBulletin
Copyright ©2000, Jelsoft Enterprises Ltd.