†† منتدى ارثوذكس †† - ليه ببنشوف مشاهد بنحس ان احنا شوفناها قبل كده ؟ ها ليه بقي ؟!

†† منتدى ارثوذكس †† (https://orsozox.com/forums/index.php)

- قسم المناقشات الثقافيه والعلميه (https://orsozox.com/forums/forumdisplay.php?f=35)

ليه ببنشوف مشاهد بنحس ان احنا شوفناها قبل كده ؟ ها ليه بقي ؟!

ليه بيحصلنا ديجا-فو؟

من غير مقدمة تقليدية، نصكم عارف يعني إيه ديجا-فو، وأكيد نصكم التاني عارف سببها. ديجا-فو (شوهد من قبل) يعني "علطّلاق شوفت المشهد قبل كده" تبدأ بقى تعيش الدور وتفتكر إنك عندك قوة خارقة، ولا دخلت في آلة زمن وأنت مش واخد بالك وما وراء الطبيعة والجو ده. في تفسيرات كتير
: *التفسير الأول: أعصابك بتمسك في خناق بعض، الأعصاب المسئولة عن الذاكرة قصيرة المدى والذاكرة طويلة المدى، قوم الأحداث بتتخزن في الذاكرة قبل ما تروح مشوار لحد الجزء الخاص بالوعي في مخك.

ابسطهاااالك... لما تكون صاحبة خالتك جايه هي وجوزها وبنتها، بتكون داخله البيت ورراها بنتها ورراهم جوزها، فانت بتشوق اخوك اللي بيخطف الجاتوه من الست ومامتك اللي بتبوس صاحبتها من هنا ومن هنا، فلما الراجل الى بيصرف عليهم يدخل وسط الفيلم الطلياني ده تهيّس أنت، وتقوله أنا مش لسه مسلّم عليك زمان!

*التفسير التاني: "النظرة المزدوجاااااااع" ، انت عندك عنين، واحدة وصّلت البيانات بسرعة، والتانية اتأخرت عشان "المشكلة جلوبال يا فندم" ، فلما البيانات المتأخرة توصل الدماغ وتلاقي البيانات الى وصلت من العين الى نقل البيانات أسرع بتشهق وتقول "أنت جيت يا رمضان" وتحس أن رمضان كان هنا قبل كدا. بس الحوار ده طلع فكسان، عشان لقوا أن الناس الى عندهم عين واحدة مبصرة، بيحصلهم ديجافو برضيك. م الآخر يعني، الحوار كله (فرق في السرعات سيدي الرئيس)
. ____
تن تن تااااا ..
فقرة هل تعلم: في انواع تانيه من الفو غير الديجافو. جامي-فو: وهو عكس الديجافو، يبقى الموقف حصلك قبل كده وتحس أنه أول مره يحصل، وتحس بشوية رهبة للموقف.

البريسكو فو _ بيبقى بالكريمه _: ودي بتحصل لما تيجي تقول كلمة معينة ومش فاكرها وأنت مُصرّ أنك عارفها.

ديجا-انتيندو: ودي بتحصل لما تحس إنك سمعت حاجة قبل.