|
بشوفك ..
وصيتنا يارب ع التعبان والمظلوم والمسكين وصيتنا ع المريض والجعان والحزين وصيتنا كمان ع المحبوس والمرذول واللى فى نظر الناس محتقر ومهين طيب يارب ..!! مش انت أولى بكل دول لو أحنا مش قادرين مش أنت ينبوع رحمتك تكفيهم وتكفينا وتكفى كل المحتاجين .. بشوفك يارب رجايا فيك .. فى كل حياتى قلبى يناديك بشوفك وعايز اعيش كلامك .. بس لازم تمد إيديك بشوفك فى أنسان على سرير المرض متألم أتألم علشانهُ وأحس بأحزانهُ وأقولك ياربى دى وصيتك مش محبة منى دانا صنعتك تمد إيديك خففلهُ الآمهُ .. بشوفك فى طفل صغير على عكازين ساعتها مابلقاش غير دموع العين وارجع لزمان وافتكر كلامك . ده مش ذنبهُ ولا ذنب الوالدين ده لمجد اسمك ومين غيرك يخلقلهُ رجلين .. بشوفك فى معاناة انسان مظلوم أصرخ جوايا العدل مطعون وبسرعة اشوف كل الاختبارات كام مليون مرة عديت ازمات لو الحق الارضى انتهى ودفنوه العدل السماوى مستحيل يقوموا .. بشوفك فى جعان طول عمرهُ محروم راضى بالقليل شاكرك كل يوم أطلب من عندى تاخد وتديلهُ ده هو وغيره وقبليهم انا هافضل لخيرك وعطاءك مديون .. بشوفك فى دموع كتير مساكين محتاجين تعزية فى الغالب منسيين فقدوا ابن أو فقدوا اخ أحسن حالتهم بيكونوا موجوعين أقرب منهم وأرجع اناديك الآقيهم كل وقت متشالين فى عينيك .. بشوفك فى انسان وحيد مجروح أحس أنهُ انا من كتر الجروح وابص لشخصك واقولك ياربى لمين يروح الاقيك تعزى تجبر وتشفى أعظم طبيب للقلب والروح .. بشوفك وسط حضن الكنيسة فرحانة بيك بس دموعها حبيسة حزينة من جوه وانت معزيها . والشر من برا وانت حاميها دى كنيستك اللى بنطلبك ليها . مع أنك مطمنا مانقلقشى عليها .. وصتنا يارب وقولتلنا أخواتك خلقتنا على صورتك فى شكل انسان علمتنا لو واحد فينا متألم الجسد كله يبقى تعبان .. ساعدنا يارب نعيش وصاياك نعيشها بحب كحبك لينا املانا بسلامك ورحمتك وغناك وروحك القدوس العامل فينا .. أحفظ كنيستك وشعبك وكل البشرية وأنظر لىً انا المنسحق امامك بسبب خطيتى .. انا الضعيف الخاطى المسكين لكنى خليقتك ومثالك صورتنى .. فأنظر لمن شوهتهُ السنين فأرحمنى من أجل محبتك من أجل دمك الغالى الثمين _____________ |
رد: بشوفك ..
بشوفك وسط حضن الكنيسة فرحانة بيك بس دموعها حبيسة حزينة من جوه وانت معزيها . والشر من برا وانت حاميها دى كنيستك اللى بنطلبك ليها . مع أنك مطمنا مانقلقشى عليها .. جميل يا عماد تسلم ايدك مبسوطة انك رجعت تكتب من تاااااانى ربنا يفتح عيونا عشان نشوفة فى حاجة حوالينا |
رد: بشوفك ..
لا بجد مفيش كلام يوصف جمال هذة القصيدة روووووووووووووووووووووووو عة فعلا يا عماد ربنا يعوضك لانك بتمتعنا بكلام اكتر من رائع شكرا جدا لتعب محبتك
|
رد: بشوفك ..
ساعدنا يارب نعيش وصاياك نعيشها بحب كحبك لينا املانا بسلامك ورحمتك وغناك وروحك القدوس العامل فينا .. تسلم ايدك ياعماد كلمات جميلة اوى ميرسى ليك وربنا يبارك حياتك يـــــــــارب |
رد: بشوفك ..
حقيقى كلماتك هايله جميله وحشتنا كتابتك يا عمده متحرمناش من احساسك الجميل الرقيق دا واكتب تانى عشان الواحد يحس ان الدنيا بخير فيها الاحساس موجود ومامتش لانك حقيقى ملك الكلمات اللى بتحمل الاحساس النقى الصادق ربنا يحافظ عليك يارب
|
رد: بشوفك ..
اقتباس:
متشكر جدا يا ايمى شكرا لمحبتك وتعليقك وهو مش رجوع للكتابه ولا بعد عن الكتابه هو وقت وايام ومسيرها هاتعدى متشكر ليكى جدا |
رد: بشوفك ..
اقتباس:
شكرا جدا جدا يا منيمو وصدقينى مش المقصود انى اكتب قصيده ولا حتى شعر اشكرك لمحبتك جدا وتعليقك |
رد: بشوفك ..
اقتباس:
شكرت ليكى انتى يا تويتى شكرا بجد لحضورك ووجودك الف شكر ليكى يا تويتى |
رد: بشوفك ..
اقتباس:
شكرا بجد يا هنا لمحبتك وكلامك بجد متشكر واكيد انتى من اكتر الناس اللى عارفه الكتابه بتتكتب ليه وامتى !! متشكر بجد لكلامك اللى دايما بيكون اكبر منى شكرا يا هنا |
رد: بشوفك ..
ايه ده يا عمااااااااااااد ازاى بتقدر تخرج الكلمات دى بالروعه والجمال والرقى ومتعه الاحساس قدام كلماتك يا عماد بقف عاجز عن الكتابه لانى بجد بلاقى ردى اصغر بكتير انه يعبر عن جمال وقوة هذه المشاعر حوار ما اجمله من المخلوق الى الخالق برافو يا عماد ويا ريت بجد يا عماد زى مابتقول هناء انك تفضل تكتب وتكتب لانه بوجودك وكتاباتك المتعه بتكون موجوده فى وسطينا |
| الساعة الآن 03:58 AM. |
Powered by vBulletin
Copyright ©2000, Jelsoft Enterprises Ltd.