†† منتدى ارثوذكس †† - حوار بين اتنين سمعهم ثقيل قوي

اثنين سمعهم تقيل جدا واقفين ع محطة الاتوبيس ودار بينهم الحوار التالي....!!

الاول: الاتوبيس دا بيروح مصر الجديده؟

الثاني: علي الحديده....!! ليه انت طالب احسان؟

الاول: بذرة كتان...!! لا.. دي تلاقيها عند العطار

الثاني: جزار!! اه قولي كدا... عايز تشتري لحمه

الاول: معك حق .. الدنيا زحمه .. علشان دا ميعاد خروج الموظفين

الثاني: نور الدين..!! لا.. معرفهوش

الاول: مابتشربهوش !! ليه؟؟ كفا الله الشر

الثاني: رأس البر !!! ده مصيف هادي

الاول: عايز تركب للمعادي .... دي منطقه جميله

الثاني: بليله !! انت شكلك كدا جعان

الاول: عيان !!! انت باين عليك عيان .. طيب ماتروح للدكتور

الثاني: الحنطور !! ده احسن من الاتوبيس ، وبيوصلني لحد الباب هههههههههههه

الاول: هباب !!!! وانا اللي كنت فاكرك محترم

الثاني: اتخرم ..!! هو مين؟؟ هههههههههههه

الاول: عاوز اسبرين !! ليه انت عندك صداع؟؟؟

الثاني: قراع..!! يانهار اسود دا مرض خطير

الاول: فطير !!! لا مش عايز. وبعدين مش بأحب الفطير ، تقيل ع المعده وتمنه غالي

الثاني: خالي!!! انت تعرف خالي؟؟ دا راجل كبير ف السن

الاول: الجن..!!!! نهارك مش فايت .. انت عليك عفريت..؟؟ّ!

الثاني: لا... مماعييش .. انت عايز الكبريت ليه؟؟ عايز تولع؟؟

الاول: ادلع!!! ادلع عليك انت !؟؟ انت ماتملاش عنيا

الثاني: يقبضوا عليا!!!! ليه؟؟؟

الاول: انت غريب يا راجل انت.. شكلك شحات (يدفعه من القميص) روح اشتغل شغلانه تاكل منها عيش

الثاتي: خيش!! لا دا صوف انجليزي

الاول: بنتك زيزي.... ربنا يخلي...

الثاني: انتاج محلي...!!! لا دا مستورد

(يمر الشاويش .... يلفت انتباه الحوار) :

بتعمل ايه يا جدع منك له؟؟؟؟

الاتنين: ايوه يا شاويش... احنا مستنين الاتوبيس

الشاويش: جواسيس...!!!! نهاركم مش فايت ... قدامي ع القسم بسرررعه