|
ازاى استغل طاقة شباب اعدادى
اية رايكم يااا خدااام ازاى نستغل طاقات شباب اعدادى وثانوى ونعلمهم بشكل مش مباشر انهم يكونوا خدام تحت التمهيد ازاى نربى فيها الاحساس بالمسئولية تجاة الاخرين وان عليهم دور يقوموا بية حتى لو كان فيما بعد يعنى ازاى نأسس البذرة من جذورها وازاى نستغل طاقتهم داخل الكنيسة صححححح علشان ميتحولش الموضوع لنشاط وحركة وبس وننسى النماء الروحى ازاى اخلية يشارك فى الاجتماع صححح - عاوزة امثلة انتوا جربتوها او ممكن تجربوها ومقتنعيين بيها ارجوا المشاركة والتفاعل - ربنا يبارك حياتكم وخدمتكم |
رد: ازاى استغل طاقة شباب اعدادى
انتوا نمتوا يا خدام محدش عارف يرد خالص
|
رد: ازاى استغل طاقة شباب اعدادى
فى فكرة احنا عملناها فعلا فى الخدمة زمان ونجحت جدا احنا عندنا 3 سنين فى الخدمة فبنقول يوم الجمعة الجاية اولى اعدادى ( او ثانوى ) هياخدوا ساعة من وقت الاجتماع هتحضروا فيه مع بعض فقرات وتوزعوها على بعضكم والجمعة اللى جاية هتطلعوا انتوا بدل الخدام وتعرضوا فقراتكم دى تعلمهم انهم يكونوا خدام مبتدئين يعنى بيحضروا الفقرات زى الخدام بالظبط وبيهتموا جدا بالموضوع ده والاسبوع اللى بعده سنة 2 هى اللى هتقدم واللى بعده سنة 3 واللى بعده سنة 1 تانى وهكذا بس فى كذا ملاحظة مهمين جدا جدا جدا 1- تكون فى جوايز للسنة الفايزة ومش شرط تكون جوايز غالية المهم فى قيمتها مش سعرها ، والجوايز تتوزع كل 3 اسابيع 2- يجوز تحضير فقرات دينية او ثقافية علشان منحجمش شبابنا مش شرط تكون كل الفقرات دينية والفقرات ممكن تكون استكشات او معلومات عامة او قصص قصيرة او شعر .... الى اخره 3- يكون فى اشراف عليهم من الخادم المسئول عن كل سنة منهم علشان الى حد ما يساعدهم شوية صغيرين بس 4- لو شبابنا عجبتهم الفكرة واتنافسوا والفكرة عجبت الاجتماع كله تقدروا تخلوها ساعة ونص بدل ساعة بس الافضل تبداوا بساعة او اقل وبعد كده ابقوا زودوا زى ما عايزين 5- ايام الامتحانات مفيش تحضير فقرات خالص علشان مينشغلوش فى التحضير ويسيبوا المذاكرة ويارب كل شبابنا يخدمونا بعد كده سلام المسيح معاكى |
رد: ازاى استغل طاقة شباب اعدادى
حلو اوى يا يوسف لو اتاح الوقت هتبقى فرصة جميلة
للمخدوم يتعلم حاجات كتير جدا الثقة بالنفس والجراءة والمشاركة والبحث والاستفادة بس الوقت هو اللى بيكون عقبة فى تنفيذ الفكرة دى -- عموما اللى يعرف ينفذها ياريت -- مرسى يا يوسف على مشاركتك ربنا يباركك |
| الساعة الآن 08:40 PM. |
Powered by vBulletin
Copyright ©2000, Jelsoft Enterprises Ltd.