|
الله يرحم اللى جابونا/أيمن وهبة
شاعر الصعيد أيمن وهبة afw — الله يرحم اللى جابونا — كبر الولا (الولد) ولسِاته عقله صّغير تايه يا ولداه حيران ومتحير ماهواش عارف يرسى على مينا كلام أسيادنا فوق راسنا وجوات عنينا بس ماهواش اللى ربونا عليه اهالينا كان ابوى يقوللى ياولدى حب جارك أقربلك من اخوك يحفظ ف غيابك دارك وبنياته خاف عليهم (بناته) دول اخواتك دول عارك ولقمتك معاه إقسمها دى عيشتك راح تبقى مرة لو تصبح لحالك راح تصبح كيف عود البوص المفرد من هبت ريح ف الدنيا راح يشرد راح يغرق فى ترعة أو تهرسه طاحونة الله يرحم اللى جابونا ربّونا على المحبة وجوة غابة سابونا وكيف تفيد المحبة مع اللى قلبه من حجارة يقولك انت شريكى وهو ناويلك ع الخسارة والولا صار راجل وقلبه على وليده مخلوع خوفه جوه داره من جاره صبح سكينة مغروسة بينات الضلوع (بين) والبت صارت صبية ودخلت الجامعة فرحانة قادت ف طريق مستقبلها اول شمعة وبطيبة قلبها طلبتها صاحبتها راحت البنية ولبت دعوتها راحت ولما راحت إنطفت شمعتها واتكحلت بالدمعة — الله يرحم اللى جابونا بالحب والمسامحة ملوا عقولنا صبحنا ف ارضنا ودارنا نسحف على بطونا مربوطين ف ديول خيولنا الله يرحم اللى جابونا لما من حريتنا وحياتنا يسلبونا ويقيدونا ويقودونا وف بلادنا يود ونا الله يرحم اللى جابونا خليك ياوليدى متنور ومتعلم خللى عملك عنك يتكلم مش لجل ماتفرح لازماً غيرك يتألم خللى الدم حى بوريد ك ومد يدك لخوك لجل ما تسلم وحب اللى فاكرك واللى هاجرك وإسأل على اللى نسيونا واترّحم على محبة ضاعت الله يرحم اللى جابونا — شاعر الصعيد أيمن وهبة afw مدونة اللى يعيش ياما يشوف |
رد: الله يرحم اللى جابونا/أيمن وهبة
كلمات رائعه ومعبرررررررررررررررررة استاذ بجد فى تعبيراتك تجيد التعبير بكل مهارة واقتدار ربنا يكون معاك يحفظك ويرعاك |
رد: الله يرحم اللى جابونا/أيمن وهبة
اقتباس:
http://files.arabchurch.com/upload/i...1283979612.gif |
رد: الله يرحم اللى جابونا/أيمن وهبة
بصصصصصصصصصصصص هى عجبتنى اوى اوى اوى و بالذااااااات طريقة التعبير فى الكلاااااااااااام بجد هى حلوة اوى ربنا يعوضك
|
رد: الله يرحم اللى جابونا/أيمن وهبة
اقتباس:
وكلماتك فى منتهى الذوق والاحساس |
| الساعة الآن 12:48 PM. |
Powered by vBulletin
Copyright ©2000, Jelsoft Enterprises Ltd.