†† منتدى ارثوذكس †† - ارجوك يارب تتفضل جوه

http://www.roro90.com/vb/imgcache/2/75073roro90.jpg

اناعندى قلب يا رب انت عارفه و هو طول عمره و هو صغير كان فى ايدك.

لما بيبكى كان بيبكى بين ايدك و انت كمان يا رب بتحبه اوى و دايما بتطبطب عليه و بتحنو عليه .

مرت الايام و قلبى كبر شوية و محتاج اغير فيه شوية حاجات بسيطة ؟؟. معلش يا رب انت عارف بقى كل يوم فيه جديد و مفيش حاجة بتفضل على حالها .

انا كنت عاملك فى قلبى الريسيبشن بالكامل و اكبر اوضه كمان. انا بحبك اوى يا رب و انت عارف بس انا عندى شوية حاجات صغيرة صدقنى و مش هتأثر على حاجة .

http://www.mexat.com/vb/attachment.p...8&d=1245345206

انا عندى اصحابى بيجولى باستمرار و عايز بس جذء من الريسبشن عشان اعمله مكان نقعد فيه سوا و تقعد معانا . انا عارف انك مش هتضايق انا بحبك انت عارف و مش معقول برضو منعرفش نتفرج على التليفزيون و اصحابى كتير و مفيش تليفزيون من غير كراسى و اكيد و منطقى و ضرورى و لا بد اصحابى ياكلوا معايا ده عمل محبة .

اكيد فهمت ان انا محتاج بقية الريسبشن عشان طرابيزة اكل كبيرة بكراسيها و خلافه . صدقنى يارب بامانه انا مهتم اوى بالأوضة بتاعتك و هاخليها احلى اوضه فى البيت كله ......متقلقش!!!!!

http://forum.jsoftj.com/imgcache/2/3202jsoftjcom.jpg

مرت ايام كتيرة و انا كمان بقيت اشوف حاجات حواليا تطير العقل . بقى زى المية و الهوا بصراحة محدش يقدر يعيش من غيره و الكمبيوتر اللى عندى ده عايز يترمى فى الشارع او ياخده بتاع الروبابيكيا . انا محتاج كمبيوتر كبير بترابيزة

http://www.world-gd.com/forum/imgcac...4.imgcache.jpg

معندكش فكرة يا رب انا محتاج كمان اطبع حاجات كتير و على فكرة فيه حاجات كتير منها للكنيسة و الخدمة . صدقنى يا رب انا باموت نفسى فى الخدمة و القداسات و عندى ولاد فى خدمتى باسأل عليهم باستمرار و الكمبيوتر هيساعدنى اوى.

فلو تسمح يعنى و انا عارف انك عارف و مش هتضايق لو ينفع اشاركك اوضتك عشان محتاج مكان للكمبيوتر ابو طرابيزة . و اهى فرصة حلوة نبقى مع بعض و نسللى بعض .

http://www.an-dr.com/images/itar/Ash...%20%281%29.gif

ايام و بتعدى و بقيت انسان متطور و مفيش حد احسن منى . عندى adsl اسرع من الفار و download بقى سريع بس الواحد بقى محتاج يقعد شوية على الكمبيوتر عشان يقدر يتابع الجديد و القديم و الحديث و السريع و الرهيب و المرعب ....و ...

http://fc33.deviantart.com/images/i/...ents_Icons.jpg

وقتى مش مكفى و حياتى بقت زحمة ده انا حتى اصحابى بقيت اشوفهم على النت و الشات

انا عارف يا رب انك نفسك تتكلم معايا بس انت شايف ايقاع العصر عامل ازاى ؟؟مفيش وقت اقصقص ضوافرى

على فكرة يارب معلش عايز اقوللك حاجة متفهمهاش غلط!!!! . انا مبقيتش فاضى ذى الأول . انا الخدمة واكله كل وقتى و يا دوبك بافضى وقت لاصحابى و النت . و انت موجود معايا فى الأوضه . انت هتروح فين ؟؟!!ما انا كل يوم بارجع الاقيك و اعتبر البيت بيتك معلش قصدى الأوضة اوضتك.

http://www.eltawheed.net/files/home/...ge/XG-1912.jpg

آخر طلب هاطلبه منك و انا عارف انك عارف . مفيش وقت العب رياضة و بقيت محتاج حاجه كل اصحابى بيروحوها و عارفنها و انا الوحيد اللى مش معاهم. ايوه كدة انت عارفها (الجيم) لازم اروح جيم عشان الرياضة و انا عارف و انت اكيد عارف.

فيه جهاز حلو اوى هاجيبه بس هو كبير شوية . بيقوللك فيه عجله و مشاية و عقلة و حبل و فيه زرار تدوس عليه تخس 30 كيلو على غفله.

و بصراحة مش لاقى مكان ليه غير اوضتك عشان كبيرة فمعلش هاخد مكان كمان و انا عارف انك بتحبنى و مش هتضايق . و بعدين يا رب انا عايز اقوللك حاجة . انت ليك البيت كله تقدر تقعد فى اى حته . يعنى متلتزمش بالأوضة و عندك البيت كله ؟؟؟!!!!!!!!

خلاص انا كبرت و الدنيا اتغيرت و مرت ايام قصدى سنين و بقيت اخش البيت مش شايف قدامى و كتير يقولولى فيه واحد قاعد مستنيك فى الجنينه . يا جماعة هو انتوا شايفنى فاضى ؟؟!!!!لما ابقى افضى ابقى اشوفه

http://img530.imageshack.us/img530/7562/handsav2uy7.jpg

و ايام تاخد ايام لغاية ما نسيت انت مين يا رب . نسيت وجودك فى حياتى . انا بتفكيرى و تصرفاتى و اهتماماتى . انا بكل دة و بدون ما اشعر بقى ليك مكان بس يا خسارة برة قلبى .

مبقاش ليك مكان يا رب فى وسط اصحابى و النت و الدش و الشات و الجيم و غير و غيرة .......

و بعدين يا قلبى ؟؟؟ ناوى على ايه ؟؟؟!!!ناوى ترجع زى زمان و لا ايه ؟؟؟

ناوى تفضى ساعة واحدة لربنا و لا خلاص مبقتش تقدر .

انا آسف يا رب سامحنى

http://pic.leech.it/i/07329/76034fbjesuschris.jpg

لو سمحت ارجوك يا رب تتفضل جوه . متبقاش بره . انت ليك كل حاجة. ليك قلبى كله