|
اللقاء الواحد والعشرين لبرنامج الوجه الاخر
totit: مساء الفل يا نهي مساء الورد و الجمال على احلى اعضاء فى احلى منتدى http://upload.toleen.com/uploads/ima...429f98c7a9.gif zaza: مساء النور يا مجدى صباح الفل على اعضائنا اهلا وسهلا بيكم فى قلاء برنامجنا رقم 21 totit: عضوة حلقتنا النهاردة سجلت فالمنتدى يوم 7/4/2010 zaza: عضوة النهاردة عدد اصدقائها 42 totit: عضوة النهاردة هادية وجميلة ويمكن مش بنحس بوجودها اوى لكن اللى يعرفها هيعرف انها شخصية جميلة هنتعرف عليها اكتر من خلال لقائنا zaza: حلقتنا شاملة كل حاجة عن العضوة حياتها الشخصية خدمتها هواياتها حياتها العاطفية مش هنطول على اعضائنا ونشوف لقاء حلقتنا التاسع عشر مع العضوة ......... عضوتناا النهارده هي كرستين صفوت اهلا وسهلا بيكي يا كرستين نورتى برنامجنا Zaza : فالبداية نحب نتعرف عليكي؟ اسمك؟ سنك؟ مؤهلك؟ عدد اخواتك؟ كرستين: اسمي: كرستين صفوت سني: 25 سنة المؤهل: بكالوريوس تجارة كنيستى: احنا كلنا 4 totit: كرستين ايه هى هوايتك؟ كرستين: بحب الشوبينج (حتى ولو ماشترتش) _بحب بردوا الطبخ مش بتعب منه غير لما تتطلع الحاجه وحشه لكن بحب أستلم سفره أعملها لوحدى بس أكيد بحس بمتعه ولو إنى نفسى موش حلو وبطلع حاجات ماحدش ياكل صوابعه وراها خالص.بس أهو بحب أغتت عليهم فى البيت وأدخل المطبخ.ههههههه Zaza : هههههههههه لا جدعة بجد طيب ابقي ادينى كورس علشان انا خيبة ههههههههههه كوكو ايه هو طموحك فالحياة؟ كرستين: نفسى أشتغل والآقى نفسى .بس ربنا هو اللى يختار. totit: طيب ممكن توصفلنا شخصيتك؟ كرستين: اللهم أجعله خير يارب. أعتقد إنى بسيطه صريحه _إجتماعيه _ بحب أكون صدقات _بحب كل حاجه بتكون صح.مع إن أنا موش كده يعنى بقصر كتير وكمان موش بعمل كل حاجه كما يكون وده عيب فيا كمان انا كسوله _معانديش ثقه فى نفسى بحس حالى إنى قليله وإن كان ده فعلا بمقاييس من وجهه نظرى.ووكمان عصبيه.بزعل بسرعه. Zaza : ايه اكتر حاجة فى شخصية كرستين نفسها تغيرها؟ كرستين: مايصعبش عليا بسرعه ومزعلش ونفسى أنسى وكبر دماغى. وتحب بجد الناس اللي تستحق منى الحب. totit: ايه هو مبدئك فى الحياة؟ كرستين: الوضوح والصراحه وإن كان ده عيب فيا لكن بتمنى من ربنا يكون بحكمه علشان يتحول ويبقى ميزه. Zaza : امتى ممكن تتخلى عن مبدئك؟ كرستين: موش بعرف لأنه بيبان على وشى وفى عينيا وكمان على لسانى.ههههههه totit: ايه هى صفات شريك حياتك؟ كرستين: يكون قريب من ربنا زى ماكل الناس بتتمنى. وكمان يبقى بيحبنى ومقتنع بيا ويرفعنى ويحب أهلى ويحترهم ويقدرهم. ومايجيش يوم يزعلنى منه او يخلنى أندم جوايا .أكيد هايكون فى زعل لكن انا بقصد الحاجات اللى بتعمل شرخ حتى ولو مشيت الحياه عادى بدون إنفصال لكن بيكون فى جرح. كمان يكون هادى كلامه جميل أحب أسمعله .أحس صوت الله من خلاله . بحب أوووى نكون أصحاب. Zaza : الحب بيمثل ايه من وجهه نظرك؟ كرستين: الحياه بدون الحب ماتبقاش حلوه . لأن المحبه هى اللى بتخلى فى سلام ماحدش بيشوف عيب التانى. وانا بتكلم على الحب بكل صوره موش بس بين رجل وفتاه. totit: هل مريتى بتجربة حب قبل كده؟ كرستين: اعجاب اه لكن تجربة حب وكده لالالالالا Zaza : ايه الاختلاف بين الحب زمان والحب دلوقتى؟ كرستين: أعتقد إنى الحب هو هو فى كل زمان لأنه مشاعر داخليه ماحدش ليه سلطان أنه يغير فيها . لكن تقصدى مظاهر التعبير عن الحب ممكن يكون دلوقتى الحب بقى بشكل أكتر جرأة . totit: طيب ايه هى الحاجة اللى ممكن تفرق بينك وبين شخص قريب منك؟ كرستين: ربنا مايجبش فرقه ....... لكن ممكن الخيانه والكذب. Zaza :كرستين هل انتى خادمة؟ كرستين: يامسهل totit: طيب ايه هو هدفك من خدمتك؟ كرستين: إن انا والمخدومين نقرب من ربنا أكتر مش بس حاجات ماديه لكن المفروض تكون ليها هدف روحى. Zaza : ازاى ممكن ننمى خدمتنا؟ كرستين: بالصلاه لربنا ونطلب منه كده وبردوا نقرب من المخدومين ويبقى فى أفتقاد مستمر ونحس بأحتياجتهم ونذكرهم فى صلواتنا. totit: اتعرفتى على منتدى ارثوذكس ازاى؟ كرستين: من صحبتى لكن هى بصراحه هى كانت موجوده وقت ماأشتركت لإنها اللى شجعتنى لكن حاليا هى مابتتدخلش ومنتدايات تانيه. Zaza : ايه اكتر حاجة شدتك للمنتدى؟ كرستين: الشخصيات الموجوده سواء فريق العمل أو الأعضاء_ كمان الموضوعات المطروحه وبأسم الصليب المحبه والسلام الموجودين هنا.وكمان كونت أصحاب بقيت بدخل علشان أشوفهم وأطمن عليهم.وببقى سعيده وانا بكلمهم. totit: طيب ايه هى اقتراحاتك للمنتدى؟ كرستين: انا عن نفسى بدور على حاجات معينه مثلا بما اننا شباب أغلبنا يبقى ياريت يكون فى كورسات جاده فى اللغات وكمان الأقبطى.ويبقى فى تحفيز لكده كمان أغلب الشغل دلوقتى فى القطاع الخاص بيطلب من المتقدم ملئ أبليكاشن (أستماره)المطلوب بقى ممكن نتعرف على نوعيه الأسئله وكده زى مثلا برنامج (كبسوله) على قناه أغابى. Zaza : مين اقرب حد لقلبك فى المنتدى؟ كرستين: ليه الأحراج ده يانهى. هما كتر بجد تويتى _كيرو كيرو_نانس _مرامير _ريم _كيرلس_ كيرو رأفت_منو ولو أنه غاب وطول شويه كتار _ بندق_أكيد طبعا نهى_ ومجدى_وأكيد مانساش فرح أغلبهم صدقينى كلكم بحبكوا أوووى ونفسى أشوفكم كلكم . totit: كرستين بتحبى الكورة؟ كرستين: لا ماليش فى الكوره لكن لو حد بيفرج عليها وانا موجوده مافيش مانع . او ممكن تقولى فى التصفيات. Zaza : امتى بتقولى كلمة اسفه؟ كرستين: لما بغلط فى حق اللى قدامى .او حق نفسى. totit: معنى كده السهل تعترفي بغلطك؟ كرستين: اه عادى Zaza : لو معاكى الرسايل دى تهديها ل مين:- رسالة حب؟ رسالة تعزية؟ رسالة احترام وتقدير؟ رسالة عتاب؟ رسالة اعتذار؟ رسالة تهنئة؟ كرستين: رسالة حب؟ للأصحابى فى المنتدى وكل اللى قولت أسمه من شويه. رسالة تعزية؟ للكنيسه واللى حاصل فيها رسالة احترام وتقدير؟ لقداسه البابا شنوده الثالث. رسالة عتاب؟ لكل واحد بيخالف النظام . رسالة اعتذار؟ لكل واحد او واحده غلط فى حقه رسالة تهنئة؟ لمنتدانا الجميل أرثو بمناسبه الصيام والسنه الجديده وعيد ميلاد بابا يسوع.وأقوله كل سنه وانت طيب ودايما فى نجاح مستمر totit: تفتكرى موقف مضحك حصل فحياتك؟ كرستين: مضحك.اممممممم مره كنت فى سنه أولى جامعه وكنت فى أول يوم فى السكن وقتها ماكنش فى حد فى الشقه يعنى الدور بتاعى خالص . وإذ بالتليفون يرن انا كنت فى الأول خايفه أطلع أصلا من أوضتى لكن المهم ردت وطلع واحد بيقولى مين معايا انا بقى عطيته الوش الخشب بس بدون قله أدب وكنت هاقفل السماعه فى وشه .فقالى إنت كرستين فطلع صاحب السكن هو المفروض التليفون ده سوتش بيحوله صاحب السكن لينا بس فى الأول بيطلب صاحب المكالمه. ومره تانى بردوا وانا سنه اولى كنت راكبه تاكسى ورايحه الجامعه وماكنتش ليسه حفظت طريق الجامعه صح من السكن . فالتاكسى ليه طريق معين غير المشاه فانا عملت فيها فتكه وواعيه فقتله لا بحديه كده ده موش طريق الجامعه وخصوصا التاكسى كان مليان مش كنت لوحدى. فقولت دول هايخطفونى.ههههههه راح السواق قال معلش ياجماعه دى سنه ليسه سنه أولى.هههههههه Zaza : هههههههههه طيب قوليلنا لو كنتى مكان البابا شنودة فظل الاحداث اللى موجودة كنتى هتعملى ايه؟ كرستين: كنت هابوظ الدنيا . البابا شنوده قديس عظيم ربنا يقويه كله حكمه. totit: لو لخصنا حياتك فى كلمة تكون ايه؟ كرستين: بدون خبرة. http://upload.toleen.com/uploads/ima...5ce0e4bcf5.gif Zaza : مين هو مثلك الاعلى فى الحياة؟ كرستين: بابا totit: لو حبيتى توعدى ربنا بوعد توعديه بايه؟ كرستين: انى اعيش ليه ومزعلو ش منى ابدا Zaza : تقولى ايه لاعضاء منتدانا؟ كرستين: كل سنه وأنتم طيبين وربنا يحميكم وبحبكوا كلكوا. totit: تقولى ايه ل برنامجنا؟ كرستين: دايما فى نجاح مستمر ويجعلك سبب بركه لقارئينك نورتينا ياقمر نتمنى لك حياة سعيدة انتظرونا فى حلقة جديدة وعضو جديد هاا نعرف عنه كل حااجه عاايزين اسئلة كتير لاننا ببساطة فتحنا الباب ليكم ومش ينفع اننا نسال فى كل حااجه انتم عليكم الباقى انتظرونا الحلقة القادمة مع عضو جديد وحلقة جديدة من حلقات برنامج الوجه الاخر http://www.sheekh-3arb.net/3atter/di...s/image395.gif اميل البرنامج totit_zaza_2011@yahoo.com |
رد: اللقاء الواحد والعشرين لبرنامج الوجه الاخر
حقيقي مش عارف اقولكم ايه يا نهي انتي ومجدي كل مره اتفاجأ بوجود ضيف جميل ومميز وبذات المره دي عرفتونيا علي عضوه من اهدي اعضاء المنتدي الرب يباركم |
رد: اللقاء الواحد والعشرين لبرنامج الوجه الاخر
بجد مش عارفة اقول اية على اجمل كوكى واجمل حوار
بامانة كرستين شخصية جميلة وطيبة وانا بحبها اوى وحد قريب ليا فى المنتدى وبجد الحوار ممتع وجميل مع كوكى القمر ميرسى كتير على البرنامج الجميل والمجهود الرائع وفى تقدم على طول ميرسى يا مجدى ونهى على الحلقة ومنتظرين المزيد وربنا يبرك حياتكم يارب |
رد: اللقاء الواحد والعشرين لبرنامج الوجه الاخر
اقتباس:
|
رد: اللقاء الواحد والعشرين لبرنامج الوجه الاخر
مش معقول كوكي هههههه كرستين من اجمل الاعضاء في المنتدي وانا بحبها جدا وهي من اقرب الناس ليا في المنتدي ربنا يكون معاها ويجعل ايامها كلها فرح وسلام يارب وبشكر مجدي ونهي علي البرنامج الجميل وعلي استضافتهم واحده من اجمل اعضاء المنتدي ميرسي |
رد: اللقاء الواحد والعشرين لبرنامج الوجه الاخر
ههههههههههه
صباح البساطه :) يا كرستين ، سؤال بقي ، أيه الحلو في بابا عشان يكون مثلك الاعلي ؟؟ |
رد: اللقاء الواحد والعشرين لبرنامج الوجه الاخر
يــــــــــــــــــــــا باااي ..كرستين .. هلا هلا نورتي البرنامج ياااقمر كرستين إنسانة روحها جميلة ، مرحة ، طيوبة ..وأنا شخصيا أحبها جدااا/ غالية على قلبي / ولي شرف كبير جدااا بصداقتها / على فكرة :/ كرستين ..أنا وأنتي من نفس العمر / ربنا يسعدك في حياتك ياعسل وتلاقي شغل مناسب وانشالله السنة الجاي أشوفك أجمل عروس بالدنيا بصراحة ضااع الكلام مش عارفة اتكلم واقول ايه .. أحب كرستين أشكرك على محبتك و ربنا يفرح قلبك دااايما ... ميرسي نهى و مجدي على الحلقة المميزة لانسانة بجد رااائعة ..ربنا يكون معكم دايما أخوتي ..آمين كـل سنة وانتم بالـف خير |
رد: اللقاء الواحد والعشرين لبرنامج الوجه الاخر
اولآ كل سنة وحضراتكم طيبين ثانيآ احب اشكر مجدى ونهى على اختيارهم الرائع للأعضاء ومجهودهم الممتاز ثالثآ نورتينا يا كركر بشخصيتك البسيطة والتواضعة ان شاء الله تحققى كل اللى تتمنية وربنا يكرمك |
رد: اللقاء الواحد والعشرين لبرنامج الوجه الاخر
ميرسى ياامينا حبيبى ع ذوقك الجميل بس عاايزين اسئلة عاايزين نشوف الوجه الاخر |
رد: اللقاء الواحد والعشرين لبرنامج الوجه الاخر
كوكى يا كوكى يا كوكى مبسوطة اوى ان عرفت الحاجات الحلوة دية عنك و انا بحبك مووووووووت يا قمر و ربنا يخليكى لمتدانا الجميل و يعوض تعب محبتكوا كلكوا
|
| الساعة الآن 02:26 AM. |
Powered by vBulletin
Copyright ©2000, Jelsoft Enterprises Ltd.