†† منتدى ارثوذكس †† - اربع خطوات لتنظيم وقتك

†† منتدى ارثوذكس †† (https://orsozox.com/forums/index.php)

- المنتدى العام (https://orsozox.com/forums/forumdisplay.php?f=4)

- - اربع خطوات لتنظيم وقتك (https://orsozox.com/forums/showthread.php?t=57419)

اربع خطوات لتنظيم وقتك

الخطوة 1:

لو حاسس إنك مش قادر تتعامل مع وقتك بحكمة، فغالباً إنت مش عارف وقتك بيضيع في إيه بالظبط، لكن الأكيد إنه بيضيع.. إذن، هتكون بداية مناسبة لو ابتديت تلاحظ وقتك ازاي بيضيع بالطريقة اللي تناسبك.
الخطوة:2
لو اتفقنا إنك بتنام 7 ساعات يومياً، هيكون فيه لسّه 119 ساعة باقية في الأسبوع تعمل فيهم كل حاجة، المذاكرة، والخروج، والأكل، والهوايات وأي أنشطة تانية، وأهم حاجة هو تقسيم الوقت، وطبعاً إنت محتاج تشتري ساعة..
الخطوة: 3
فيروس اسمه "التأجيل" غاوي يدخل على النظام بتاعك، يلخبط الملفات ويعطل الدنيا، المشكلة إنه بيقدر يتنكر في أشكال كتيرة زيّّ: (يا سيدي مش هتفرق من يوم)، (وإيه يعني اتأخر، كل الناس بتتأخر)، (مش باشتغل كويس غير على آخر وقت)، وغيرها من الأشكال اللي إنت عارفها كويّس.. نصيحة، نزّل مضاد للفيروسات ولم الدور..
الخطوة: 4
أحياناً بنقدر نحدد الأولويات، ونحط خطط عظيمة، ونبدأ فعلاً في التنفيذ، لكن عوامل التشويش غير المقصودة بتفسد كل ده، عزومة من أصحابك، حوارات عائلية، التليفون، وغيرها.. الفكرة هي القدرة على قول (لأ)، احترامك لأولوياتك وارتباطك بيها هيكسبك احترامك لنفسك واحترام الناس ليك، لكن التنازلات الصغيرة بتفقدنا أحياناً أهداف كبيرة

منقول