|
مش لاقي شغل
بقلم : مايكل سامي مش لاقي شغل ولافف مصر شارع شارع ومؤهلاتي حلوة وتقديري بارع صرخت من قلبي علي حظي ومحدش لصراخي سامع وأخر مازهقت اتمنيت اقف مع جزار ابيع لحمة وكوارع كل مافي الأمر بيعاملوني كأني مجهووول لكن لو معايا وسطي كانوا عينوني علي طووول ويرحموني من عزاب الفقر اللي مابيوكلنيش حتي الفوول واحد مش بيعرف يكتب أسمه لكن ليه ضهر كبير خدوه وعينوه علي طوول بدون أدني تفكير وأترقي في خلال شهور وبقي هو المدير ولابس بَدَل القماش ،، صوف وكتان وحرير قالولي لما قدمت .. صحيح تقديرك أمتياز لكن وضعك خطير ولو شغلناك مش محتاجين تفكيرك ، لكن محتاجين ضهرك الكبير فأنت جايلنا من غير وسطي .. فياشاطر روح بيع عصير ولو العصير محتاج وسطي .. فأسرح بجبنه وفطير وأكيد لما أبوك يعرف من الفرحه هيطير بقيت عامل زي الأبن الضال اللي أشتهي أكل الخنزير مش لاقي حته أروحها ولا لاقي حتي سرير أريح عليه جتتي من كتر المشاوير أبويا لما شافني قالي طمني يابني عملت أيه قولتله أسكت يابا ومتفكرنيش بده يوم وتبكيني عليه راحت دمعتي نزلت فخدني بين زراعيه فضلت أبكي أبكي ودمعي كان قاسي عليه وحس انه عاجز ومش عارف يعملي ايه غير انه يمسحلي دموع عنيا بأيديه قالي سامحني يابني محلتيش غير ربك التجأ اليه لا خالك مدير كبير ولا عمك مساعد وزير أرمي همومك علي ربك وحده ليه التدبير يرزق النملة في جحرها ويخلي الفقير أمير :too_sad::too_sad: |
ربنا معاك يا امير
|
بصراحة كلام جميل بس عندى سؤال هل انت اللى كاتب الكلام ده استاذ ميكى ولا حد غيرك ؟ أصل لو انت اللى كاتبه يبقى ليهم حق مايقبلوش اوراقك ويطلبوا منك الأول تكمل فى فصول محو الأمية هههههههههههههههههههه لكن لو معايا وسطي كانوا عينوني علي طووول بصراحة انا فى الأول افتكرتك بتتكلم على (وسطك) كنت هقولك هو بيتخلع ويتركب تانى ولا ايه ؟ ههههههههههههههههههه بس صدقنى جميلة وانت ناقشت مشكلة مهمة بيعانى منها كل شخص طلع على المعاش هههههههههههههه ربنا موجود (سى تى فى) |
ميرسى جدااااااااا ياميكى على الموضوع الجميل ده
|
جميل قوى الشعر ياميكى وربنا يبارك حياتك
ومستنين منك حاجات جميله زى دى وشكرا |
رائعه بجد بجد يا ميكى مفيش احلى ولا اروع من الاحساس بالاخرين وانت عبرت عن كتير جدا جدا ربنا يباركك ويكون معاك ومع كل اولاده ونشوف المزيد الجميل منك دايما |
رائع بجد ياميكى اسلوب رائع جدا جدا جدا مش بس كدة لاء دة انت بتناقش موضوع كتير اوى من الشباب بيعانو منه بجد عاشت دماغك اللى بتفكر دايما الافكار الجامدة ديه ويسلم احساسك حقيقى ياميكى حاجه فوق الروعه ربنا يبارك حياتك |
رد: مش لاقي شغل
بجد انا مش عارف اشكركم اد ايه علي ردودكم الجميلة دي
ميرسي ياهيما جدا جدا وميرسي ياتوني جدا ومعلش ياسيدي غلطة مطبعية مني واسطه او وسطي اعزورني بقي اصلي مكملتش تعليمي نياهاهاهاهاها وميرسي كتير يابنت المسيح علي مشاركتك الجميلة دي اللي احيت موضوووعي وبشكر كمان نرمو جدا علي متابعتها لماوضيعي وردودها الجميله وطبعا البصمة الجميلة في كل مواضيعي الاستاذ عماد حسني اللي بردوده دي بيحسسني اني ليا قيمة وسطيكوا في المنتدي انا بشكرك جدا جدا وبشكرك علي متابعتك لي المستمرة وتشجيعك الدائم ليا وفي النهاية بحب اشكر دوحا الجميل صاحب الاحساس الجميل والاسلوب الرائع ومهما عملت مش هعرف اوصل لأحساسك الرائع ده صلولي كلكم ومتشكر ليكم كلكم بجد علي المشاركات دي ربنا يبارك حياتكم |
رد: مش لاقي شغل
كلمات حلوة اوى ميكى .كتير من الشباب بيحسوها لما بيقدموا على شغل .حتى البنات برضه
ربنا معاك ومع كل شباب الامة العربية |
رد: مش لاقي شغل
ههههههههههههه
الامه العربية مرة واحده متشكر كتير ليك يانرموس علي مرورك وردك الجميل وربنا يوفق الجميع |
| الساعة الآن 02:06 PM. |
Powered by vBulletin
Copyright ©2000, Jelsoft Enterprises Ltd.