†† منتدى ارثوذكس †† - امير الاحزان ابن الدموع

†† منتدى ارثوذكس †† (https://orsozox.com/forums/index.php)

- القسم الادبي (https://orsozox.com/forums/forumdisplay.php?f=34)

- - امير الاحزان ابن الدموع (https://orsozox.com/forums/showthread.php?t=55199)

امير الاحزان ابن الدموع

كل الناس اما تضحك وانا ضحكتي ليه بعيده
كل ما دمعتي تنشف تنزلي دمعه جديده

احترت فيكي يا دنيا وحيرتي عمال تزيد
الناس ليها بيت وانا عايش طول عمري شريد

يا دنيا بتدي الكل وانا بس عطياني
شقا ومرار وزل وكأني وحداني
طب مانتي ليكي كام وش
فين وشك التاني
ولا انا بس اتخلقت عشان اشقأ واعاني
وأنا ماشي معاكي بوش طيب وانتي ليه نسياني
اما اللي يعرف يغش عطياه بالمجاني

يا دنيا ليه فعلك بيزل كل اصيل
من كتر دموعي منك معدش فيه مناديل
من كتر فعلك فيه حياتي بقت ليل في ليل
خفي شويه عليا دالحمل بقا تقيل
والكل اتخلوا عني ومش لاقيلي كفيل

افرجها يارب عليا مسجون جوه همومي
ولا انكتب عليا مشفش نهار لنجومي
انا من كتر شقايا وسعت عليا هدومي
الكل بينام بالليل وانا اللي اتقل نومي

كل اللي انا فيه داه سببه الخطيه
محتاج قلب جديد وكمان توبه قويه

مستني تجيني ياربي انت اللي تفرحني
ومهما الدنيا تقسي والكل بيجرحني
واثق انا في وعدك هتيجي وتريحني
ماتأخرش عليا اغفرلي وسامحني