|
قصيدة مالك يا ست الكل - من شريط أوبريت سيبنى اعيش † CD RiP 128 Kbps
رساله من واحد من شهداء نجع حمادى إلى أمه الحزينه صوت نقى جداً بخلفيه موسيقيه { قصيدة مالك ياست الكل } { من شريط أوبريت سيبنى أعيش } كلمات الشاعر : رمزى بشاره http://christian-dogma.com/site/imag...cts/053862.png قصيدة مالك يا ست الكل كلمات الشاعر : رمزى بشاره موسيقى : م. جورج رمزى تسجيل : م . جرجس صبحى تم التسجيل فى إستوديو مارسلينو بشبرا http://i33.tinypic.com/2h83dag.jpg كلمات القصيدة مالِك يا سِت الكُل دَمعِك عالخُدُود ماتقَوِّى قَلبِك دَه إنتى أدَّها وأدُود عايزِك تِحِسِّى بتَعزِيَه ... وإنسى الحاجات المُؤذِيَه وإفتِكرى دايماً يا غاليه رَبِّنا مَوجُود ماتدَمَّعيش وبلاش يا أُمِّى تعَيَّطى يُوم الأربعين رُوحى الكنيسَه وزَغَرطى وِخَيَطى يا أمَّه القَميص إللى إتقَطع لَمَّا دَخَل فيه الرُّصاص لَو دَمِّى كان عامِل بُقَع إبقِى إغسِلِيه بحَبِّة بطاس وِنَضَّفِيه يا آمَّه خلاص من كل بَقَع الدَّم وَرِّينى ضِحكِتِك الجَميلَه. بَلاش تِشيلى الهَم إزَّاى يا أُمِّى تكَشَّرى وأنا فـ هَنا وِسَعيد طَب تِعرَفى عَند المسيح أنا إتحَسَبت شَهيد مش هُمَّ قَتلونى وَأنا مصَلِّى صَلاة العِيد وِعَلَىَّ لِبس جديد وفـ جُوفى قَلب جديد طَب تِعرَفى لَمَّا أفتِكِر وأستَرجِع الأحداث باأحِس إنى طِلعت فوق عَند المَسيح وَيَّا ملاك الذَّبيحه فـ آخر القُدَّاس بِتقولى إيه ؟ قَتلونى من غير لا جريمه وَلا سَبب ؟ شامِم يا أُمِّى فـ لَهجِتِك رِيحِة غَضب بلاش غَضب ده إنتى عَلِّمتينى قلبى يبقَى أبيَض زَى قَلب عُود قَصَب آه صَحيح عَملتوا إيه فـ عيد الغِطاس خَلَّصتُوا كام لِبشِة قَصَب وطَعمُه إيه القُلقاس ؟ مالِك كِده بتتنَهدى ؟ إيَّاك ماكانشى ليكى نِفس تعَيِّدى! لأ عَيِّدى وإفتِكرى إن إبنِك شَهيد ... وماتخافيش أنا مش رخيص ودمِّى مش هيروح فطيس بس خَلِّى الأمر ده على ربِّنا ما إحنا أولاد الملك ولأننا ولاد الملك ما بنِنتِقِمشى لنَفسِنا أنا بَس عايز آقول لُكوا إنِّى بِجَد باأحِبُّكوا وِلو حقيقى وَحَشتُكوا تَبِّتُوا فى إيدين يسُوع وِكفايه فى الأرض إتحَرَمت مِن حَنانكوا وحُضنُكوا بلاش تروحوا حتَّه تانيه . وأبقى شايفكم وتشُوفونى وشىء حايشنى عَنُّكوا ماأقدَرش آجيلكُم أو تِجولى لا تِوصَلوا لى وَلا أنا هاأوصَل لُكوا تَبِّتُوا فى إيدين يَسُوع ماتخلونيش هنا فى السما أفَضَل أعيش وأنا بَردُه مَحرُوم مِنُّكوا باحِبُّكم باأحبُّكوا كلمات الشَّاعر رمزى بشاره نيجى بقى للتحميل Quality || 128 Kbps Format || MP3 Size || 3.10 MB حـمـل مـن هـنـا مواضيع منقولة من مواقع اخرى بخدمة Rss |
رد: قصيدة مالك يا ست الكل - من شريط أوبريت سيبنى اعيش † CD RiP 128 Kbps
قصيده راااائعه جدا جدا بجد
ميرسي ربنا يبارككوا |
رد: قصيدة مالك يا ست الكل - من شريط أوبريت سيبنى اعيش † CD RiP 128 Kbps
قصيده جميله اووووووووووى
ربنا يعوض تعب محبتك |
رد: قصيدة مالك يا ست الكل - من شريط أوبريت سيبنى اعيش † CD RiP 128 Kbps
جارى التحميل ميرسى على الخدمه الجميله
|
رد: قصيدة مالك يا ست الكل - من شريط أوبريت سيبنى اعيش † CD RiP 128 Kbps
:em0400::em0400::em0400::em0400:
|
| الساعة الآن 11:00 PM. |
Powered by vBulletin
Copyright ©2000, Jelsoft Enterprises Ltd.