غير معروض للبيع
 

غير معروض للبيع

فى قمة فتورى اقف و ارى هذة النفس التى دخلت فى الهوان و الضعف

انت لم تخلقنى هكذا . انت لم تخلق منى هذا الشخص الضعيف . انت برعت فى خلقتى و برعت فى صنعى و برعت فى جعل مشاعرى غاية فى الروعة و البهاء



اين انتى يا نفسى ؟؟؟ يا ترى صورتك لسسا زى ما هى و لا اتغيرت و اتبدلت و نزعت انت القلب اللحم و وضعت قلب حجرى صلب قوى لا يلين

لو تعرف ربنا بيحبك قد ايه ؟!! لو تعرف قلبه حنين قد ايه ؟

يمكن تشعر فترة انه صعب اوى و جامد مش سامع و انت متهموش فى حاجة بس صدقنى انت قد ايه مهم عنده بس هو لو معندوش قلبك يبقى هو هيعمل ايه . هيصلح ايه و هو معندوش اللى يصلحه

قوم و روح و وديله قلبك و سيبه عندة من فضلك . متقلقش عليه دة هو اللى صنعه . سيبه يصلح و قوله لتكن مشيئتك سيبه يعمل اللى هو عايزة فى الوقت اللى هو عايزة

اجعل له من قلبك منزلا و بيتا يسكن فيه و يستريح و تستريح انت معه و تجد من يفهمك و من يكون حضنا لك و ملجأ . ربى انت للتعابى و انا تعبان جدا و قد خارت قواى و الآن اريدك . اريد ان استغنى بك عن كل ما اشتهيه

حاجات كتير فى حياتى خلاص امتلكتنى و خدتنى و مبقتش عارف ارجعلك

عايزك انت تملك . انا قلبى مش تأجير ليك شوية و لغيرك كتير . لأ يا رب انا قلبى ملك و انت المالك الوحيد و عايزك كمان يا رب تكتب عليه يافطة كبيرة مكتوب عليها غير معروض للبيع و لا يوجد وكلاء .

تأمل حلو قوى ويا رب اجعل قلبى لك دائما امين

نانا سلام ونعمة .. إذا كنت قد تأملت تحت عنوان (بعت نفسي) فموضوع غير معروض للبيع تأمل جميل ورائع الرب قادر ان يعوض تعب خدمتك