†† منتدى ارثوذكس †† - هى من الدنيا ولا مننا احنا؟؟

†† منتدى ارثوذكس †† (https://orsozox.com/forums/index.php)

- القسم الادبي (https://orsozox.com/forums/forumdisplay.php?f=34)

- - هى من الدنيا ولا مننا احنا؟؟ (https://orsozox.com/forums/showthread.php?t=36589)

هى من الدنيا ولا مننا احنا؟؟

دة الفته ومشهسمح لحد يسرقه منى هيتقطع حتت
اختكم فرح (كيريا)

مشعارفه ابتدى كلامى منين
وانا شايفه الدنيا بوشين
نصف معاه الشوق والحنين
ونصف غارس فينا الانين

شاب بيكد ويقول يامعين
عشان لقمه عيش بعرق الجبين
بس الدنيا معنداه ومخلياه حزين
وعشان يبنى نفسه لسه قدامه سنين

واب شايل على كتفه اطفال محتاجين
اكل ولبس ومصاريف هده الحيل
مبقاش عارف يروح بيهم فين
وهو يادوب موظف ميملكش غير هدمه ورغيفين

وتشوف اسرة صغيرة فرحانين
بس الدنيا قلبتهم على الجنبين
راح الاب وبقت الام مع اطفالها الصغيرين
تتعب وتكد والدنيا مطوحاها شمال ويمين

وتشوف عجوز يروح بعقله لذكريات السنين
يتمنى يرجع وسط ولاده الجاحدين
الا رموه من غير شفقه ولا قلوب تزرف دمع الحنين
بس تعمل ايه هى الدنيا كدة ودة حالها من سنين

واللآه من الدنيا بتطلع من قلوبنا آهين
وهى عماله تجرح فينا واحنا ساكتين
صوتنا من القهر على بس الا يسمع صرخه محتاجين
ولا عشان غلابه ومساكين نرضى بالذل متغصبين

يعنى هنهاجم الدنيا بسيف ولا برمحين
دى قاضى باشارة منها نرجع مغلوبين
يوم معانا ومخليانا مطمنين
ويوم تنفضنا زى شويه اتربه منثورين

واه لما نكدب الكدبه ونصدقها واحنا مبسوطين
عشان ننام مرتاحى البال وضمايرنا مشمتانبين
نقول عن الحق سهرانين وعيونا مفتحين
وساعه مايقع الفال فى الراس نقول الزمن عاندنا والاصل كنا مغمضين