†† منتدى ارثوذكس †† - طريقة عمل العيش المصرى وبالصور ...ولا الوقفة فى الطوابير

هقولكوا على طريقة مامتى فى عمل العيش
اللى هتريحكم من وقفة الطوابين و دا غير الدقيق المستخدم فى الطابونه بيكون ......زى منتوا عارفين

الأدوات الواجب توافرها فى البيت من أجل صناعة العيش:

_ فرن صغيرة للخبيز (معلش بتشتغل بـ أنبوبة الغاز ) .... سعرها مش غالى

http://tbn2.google.com/images?q=tbn:...ge/6_142_L.jpg

_ رول لفرد الرغيف أو نشابة

http://tbn0.google.com/images?q=tbn:...203446OoM3.jpg http://tbn1.google.com/images?q=tbn:...8-mub48tu3.jpg

_ خشبة مستديرة ولها يد خشبية من أجل دخول العيش للفرن

http://tbn0.google.com/images?q=tbn:...l/6_1103_S.jpg

_ 2صاج كبير
زى ده

http://tbn0.google.com/images?q=tbn:...5b38261881.jpg

_ ميزان المطبخ

http://tbn3.google.com/images?q=tbn:...LAICA/AY25.jpg

ملحوظة مهمة:

أول ما تجيبى الفرن وتوصليها وتتأكدى من التوصيلات وأنها أمان تشغليها وباستخدام قطعة قماش مبلولة وتمسحيها وهى شغاله كويس علشان مطرح الألومنيوم يطلع
وطبعا الفرن يفضل وضعها فى البلكونه ودا أريحلك لأن كمان درجة حرارتها بتبقى عالية أكتر بكتير من فرن البتوجاز

بعد ما تنوى العزم وتتوكلى على ربنا و تجهزى الأدوات دى نبدأ بقى الشغل

المقادير : (تنتج حوالى 15 رغيف)
2 كيلو دقيق فاخر
2 ملعقة ممسوحه ملح
10جرام خميرة بيرة
ردة ناعمة

الطريقة:

أولا نضيف للخميرة قليل من السكر وشوية ماء دافئ ونسخنها شوية فى فرن البتوجاز

ثانيا نضع الدقيق فى كروانه أو أناء للعجن (واختارى مقاس منابس وخدى بالك أن العجين هيخمر)
ثم نضيف إليه الملح والخميرة بعد ما تكون خمرت ثم نبدأ فى إضافة ماء دافئ ونبدأ نعجن كويس ونلف العجينة كويس ونلمها من تحت لفوق ونخلط المكونات كويس مع بعضها
لغاية ما يبقى قوام العجينة متماسك بحيث ولا أنها ناشفة ولا طرية (وخدى بالك أنها عجينة بتلزق فى الأيد يعنى متفضليش تضيفى ماء علشان تبطل تلزق فى الحاله دى هتلاقيها طريه خالص ومينفعش فردها)
http://tbn1.google.com/images?q=tbn:...0/8g%2B083.JPG
ثم نغطي اناء العجن بكيس بلاستيك (علشان العجينة متلزقش جامد فيه) ونلفها ببطانية ونضعها فى فرن البتوجاز ( وهى دافئه مكان ماسخنا الخميرة)

ونتركها لمدة ساعة علشان تخمر

بعد ما تخمر نقرص العيش
تكونى فاتحة ماء الصنبور و تاخدى من العجينة وتبليها قليلا بالماء علشان متلزقش جامد فى إيديك وتوزنيها على الميزان حوالى 200 جرام الرغيف
ونكون مجهزين صاج ومفروش ردة ناعمة ونضع علية الأرغفة و خلى فيه مسافة بين كل رغيف والأرغفة الأخرى

غطى الصاج بكيس بلاستيك وأتركيهم ساعة علشان يخمروا

المرحلة الأخيرة الخبيز

شغلى الفرن وخلي الشعلة اللى تحت عاليه واللى على الجانبين قليله

على الطرابيزة أفرشى شوية ردة ناعمة وحطى الرغيف عليها
أنثرى قليل من الدقيق فوق الرغيف
وأبدئ بواسطة النشابة أو الرول أفردى الرغيف لحد ما يوصل لمقاس مناسب
http://tbn2.google.com/images?q=tbn:...2/1bzymi31.jpg

أمسكى الرغيف كويس وأنقليه على الخشبة المستديرة واللى من خلالها أرمى الرغيف فى الفرن
http://tbn3.google.com/images?q=tbn:...230415RQGz.bmp

أستنى شوية لحد لما يقب
http://tbn0.google.com/images?q=tbn:...f/IMG_2033.JPG

بعد كده قومى بتعليه النار اللى على الجانبين علشان يحمر من فوق

تقدرى تخرجى الرغيف وبالهنا والشفا

http://img166.imageshack.us/img166/3074/aishru1.jpg

متنسوش تدعو لمامتى

SARA A