|
ولا عزاء للسيدات
ولا عزاء للسيدات كنت اعرف ان اليوم مباراة مصر وامريكا فى ختام الدور الاول لكأس القارات وعندما حان موعد المباراة فوجئت بااشياء غريبة قد حدثت وكانت صدمة لما علمت ان منتخب مصر لم يأتى ليلعب المباراة ولا اعرف السبب وفوجئت ان المنتخب الامريكى قام بتقسيم فريقة الى فريقين منهم فيهم وكان نصفهم يلبس الزى الابيض ونصفهم الاخر يلبس الزى الاحمر 2- قدم لنا المنتخب البرازيلى افخم هدية لما فاز على منتخب ايطاليا 3/ صفر يعنى كان يكفينا التعادل ولكن ماذا تفعل فى منتخب غير مضمون من هنا الى نصف ساعة قادمة - لاعبين قربت اتجنن منهم بصراحة الم يكن هذا الفريق الذى قدم احلى ما فى كرة القدم منذ ايام قليلة ولماذا لم يلعب اليوم الفريق الذى لعب من قبل امام البرازيل وايطاليا 3-- هل يعقل ان يغير المدير الفنى تشكيل الفريق بنسبة 80 ./. وانا اتسال اين حمص واين اوكا ولماذا اسر كابتن شحاتة على لاعبى حرس الحدود فى الهجوم وهم لا يصلحون وكبيرهم الدورى المصرى بل اؤكد انهم لاعبين محليين وكمان لماذا لم يعلب بتشكيل ايطاليا وهل امنتخب فقط هو زيدان ومعوض وعندما يغيبا ينهار الفريق لدرجة اننا نتمرمط ويتمسح بينا الارض من فريق شال بالثلاثة من المنافسين واذا استمر هذا ال شحاتة وهولا الكسحة لم ولن اشجع مصر مرة اخرى وتأكدت الان ان منتخب مصر لعب من قبل عن طريق الصدفة وليس الاداء الجيد ... واذا كان الفريق المصرى جاء ليلعب المباراة فااين هو لا خط دفاع ولا وسط ولا هجوم ولا خطة ولا فريق اتى من اصلة واقول لولا الحضرى لكانت النتيجة وصلت الى مسخرة كروية عاوز اقول هو دة منتخب مصر امام الجزائر بل كان احسن نسبيا واحرز هدف ... لقد جاء منتخب مصر اليوم ليخرج من المسابقة بااسلوب احنا مش عاوزين نكمل يا جماعة .. امريكا يا مكساحين وبتقولوا ال فية امل نوصل كأس العالم ... دة فى المشمش بجد .. المحمدى مين واحمد سمير فرج مين واحمد عيد مين وعبد الغنى مين هولاء الخونة يجب ان لا يمثلوا مصر مرة اخرى وانت يا حسن لماذا اللعب باحلام الشعب المصرى الى هذة الدرجة وفى النهاية انا بسال لماذا لم يأتى المنتخب المصرى ولا هما افتكروا انهم صعدوا بعد ماتش ايطاليا ( يا شماتة ابلة ظاظا فينا ) اقصد العالم اللى يعرف منكم غياب المنتخب عن المباراة يقولى علشان ارتاح |
رد: ولا عزاء للسيدات
كفايه الصوره تضحكنا وتنسيبنا اللي حصل يا استاذ ميلاد شكرا لموضوعك وللصوره |
رد: ولا عزاء للسيدات
انا هتكلم مع حضرتك فى امور فنية شوية مسئولية الهزيمة 95 فى المية يتحملها حسن شحاتة لانو طول عمرو بيلعب 3 5 2 وهو غير الطريقة النهاردة التشكيل الامثل للماتش النهاردة وهو الحضرى احمد سمير اوكا هانى وائل احمد فتحى شوقى حسنى حمص تريكة عيد عبد الملك هو دا الى متعود يلعب بية لية يغيرو وثانيا الاعبين واحد زى المحمدى ولا احمد عبد الغنى واحمد سمير مش يستحقو يروحو المنتخب بالبلدى كدة لاعيبة كسر وبردو ارجع واقول ان توقيع حضرتك دا بجد عيب اووووى لان مهما كان المنتخب دا هو الى فرحنا ومخلناش ننام الليل من الفرحة لما كسب ايطاليا والاداء امام البرازيل افضل فريقين فى العالم وارجع واقول انك لو قالولك النتايج دى قبل البطولة مش هتصدق نفسك من الفرحة لانك مكنتش تتوقع كدة اصلا الناس دى عملولنا حاجة حلوة ومخدناش منهم حق الفرحة الناس دى خليت العالم يعرف حاجة عن مصر يعرف ان لاعيبة كويسة يعرف ان فريق من افرقيا غلب ايطاليا ان اول فريق افريقي يجيب فى البرازيل 3 اوجوان واول فريق من 2005 يجيب فى البرازيل 3 اهداف ى ماتش واحد فا عيب اووووى واحنا هدفنا الاساسى المونديال وانا ردى هيكون فى موضوعك التانى ان الامل لسة موجود وكبير اوووووى وميرسى ليك |
رد: ولا عزاء للسيدات
فعلا احنا شعب مصري من حقنا نزعل ولاكن لا نعيب في فرقنا و منتخابنا ياما فرحنا و فرحنا معاهم و وقت ما يكون مفيش توفيق او في هزيلة يبقا نقوم عليهم يعني معاهم في فرحهم عليهم في حزنهم لو شعبنا شعب متعلم و علي وعي يروحوا يستقبلوا المنتخب المصري باحتفالية في المطار بجد العيال دي تعبت و كانت بتاكل النجيلة و مش ننسي بردوا اللياقة البدنية للعيبة المصرية و دي شئ متقدرش تعبهم بيه متشين في اسبوع واحد البرازيل و ايطاليا عاوزهم بعد كده يلعبوا بنفس الاداء ؟؟؟!!! طيب ازاي و هو كمان في اصابات في لعيبة مهمة حسن شحاته اي نعم غلط ولاكن من حقه علينا نفتكرله الايام الي فرحنا بيها قبل كده شكرا و اسف علي الاطالة |
رد: ولا عزاء للسيدات
اتمني يا استاذي الغالي ميلاد تغير التوقيع بتاعك سمحني اني بطلب منك طلب زي ده بس انا مصري و محبش حد يقول علي المنتخب بتاعي كده مهما كان ولا مهما عمل قولي صحيح يا استاذ ميلاد هو لو الاهلي في بطولة كبيرة كده و خسر هل هتحط صور زي دي و تكتب صورة لعيبة النادي الاهلي بعد المبارة ؟؟؟ علي ما اظن مستحيل ياتري الاهلي عندك اهم من المنتخب سمحني علي الرد بس بجد توقيعك لا يليق يا استاذي |
رد: ولا عزاء للسيدات
انا معاكم فى كلامكم لعبنا قدام احسن فرقتين فى العالم ورافعوا راسنا وكل حاجه وبنتابج كويسه طب احنا خسارنا ليه قدم امريكا! ولما يلبع قدم الكاميرون وكوت افور بنكسب وليه خسرنا قدم الجزائر وزمبيا ؟؟؟؟ هل احنا بتوع الفرق الكبيره بس ولا ايه ؟؟؟؟؟؟ |
رد: ولا عزاء للسيدات
ليه دي مش بتاعتك ولا بتاعتي يا حبيبي دي ظروف مباريات و توفيق من عند ربنا و دي رياضة يعني مكسب و خسارة مش كل يوم هتكسب و مشكل يوم هتخسر و اشكر ربنا انك عرفت تغلب ايطاليا و تلعب المنظر ده قداك البرازيل الي ايطاليا معرفتش تدخل فيها جون و احنا دخلنا 3 مايكل مش تحسبها كده لانها عمرها ما هتتحسب كده و لو احنا الشعب المصري مش وقفنا جنب منتاخبنا و هو مهزوم مين هيقف جنبه ولا احنا شاطرين نقف جنبه و هو كسبان بس |
رد: ولا عزاء للسيدات
يا شباب الشعب المصري تعباااااااااااااااااااااا اااااااااااااااااااااان يعني مفيش حل |
رد: ولا عزاء للسيدات
اقتباس:
اشكرك يا استاذ سعد على حضورك فى الموضوع والصورة جت معايا كدة لانى كنت هافرقع من الغيظ وربنا يباركك ويرعاك دايما |
رد: ولا عزاء للسيدات
اقتباس:
اولا بشكرك على مشاركتك فى الموضوع ثانيا انا معاك فى اننا كسبنا اقوى فريقين فى العالم ودة اسعدنى جدا وفرحنى اوى بس عاوز اقولك الفريق اللى يكسب البرازيل وايطاليا ويشرفنا بالصورة دى يتغلب من امريكا وبالشكل دة عارف انا كان عندى نتغلب من البرازيل او ايطاليا كان هايبقى ارحم من اتغلب من امريكا اللى مالهاش اساسا فى الكورة لو كنا اتعدلنا كنا صعدنا مع البرازيل وبعدين انت بتقول حسن شحاتة هو اللى غلطان ولية يغلط بقى يا اخى يخطط صح للبرازيل وايطاليا ومايعرفش يقرأ الفريق الامريكى دة يبقى عيب اوووى المهم دى وجهة نظرى وانا حر زى ما انت حر فى وجهة نظرك وانا ما عليا اللى احترامها اما يا ماجيك موضوع الصورة فى دى من حرقة دمى على المنتخب اللى زى الزفت وكمان انا زعلان منك لانى كل ما اكتب فى قسم الرياضة تهجمنى وتعيبنى وانا اكبر منك كان ممكن تلفت نظرى با اسلوب احسن من كدة المهم انا اللى غلطان انى بكتب فى هذا القسم وحرمت يا استاذى حاضر انا هاريحك وهاشلك الصورة انا فعلا غلط ولازم اشيلها الرب معاك |
| الساعة الآن 08:10 AM. |
Powered by vBulletin
Copyright ©2000, Jelsoft Enterprises Ltd.