†† منتدى ارثوذكس †† - حوار بين اتنين سمعهم تقيل بس جامد

+بسم الثالوث الاقدس+

الاول :الاتوبيس دة بيروح مصر الجديدةظ
التانى : على الحديدة ..!! لية انت طالب احسان؟
الاول :بذرة الكتان!! لا.. دى تلاقيها عند العطار
التانى:جزار!! .. اة ..قول كدة انت عايز تشترى لحمة
الاول:معاك حق ..الدنيا زحمة..عشان دة معاد خروج الموظفين
التانى :نور الدين !!!لا والله ..معرفهوش
الاول :مبتشربوش !!!لية..كفا الله الشر
التانى :راس البر ... دة مصيف هادى
الاول :عايز تروح المعادى..دى منطقة جميلة
التانى :بليلة!!.. انت شكلك كدة جعان
الاول :عيان!! اى والله ..انت باين عليك عيان طب ما تروح للدكتور
التانى :الحنطور !!دة احسن من الاتوبيس وبيوصلنى لحد الباب
الاول :هباب!!وانا اللىكنت فاكرك محترم
التانى :اتخرم ؟هوة مين ؟!! هههه ههه
الاول :عاوز اسبرين ؟.. لية انت عندك صداع ؟!!
التانى :قراع .. يا نهار اسود ..ده مرض خطير
الاول :فطير..لا والله مش بحب الفطير, تقيل على المعده وتمنة غالى
التانى : خالى..انت تعرف خالى ؟!! ده راجل كبير فى السن
الاول : الجن .. يا نهار مش فايت ..انت عليك عفريت ؟!!
التانى : لا والله ممعايش ..انت عايز كبريت لية ؟ انت عايز تولع ؟!
الاول : ادلع !! ادلع عليك انت ؟! انت متملاش عنيا
التانى : يقبضوا عليا ؟!! لية ؟!
الاول : انت غريب اوى يا راجل انت (يدفعه من القميص) روح اشتغل شغلة تاكل منها عيش
التانى : خيش ..لا والله دة صوف انجليزى
الاول :بنتك زيزى ...ربنا يخلى
التانى :انتاج محلى!!! ... ده مستورد ههه ههههه
يمر شاويش يلفت انتباهه الحوار :بتعمل اية يا جدع منك له؟!!
الاتنين : ايوة يا شاويش ..احنا مستنين الاتوبيس
الشاويش:جواسيس!!! ... نهاركم مش فايت ..قدامى منك له على القسم بسرعة
يا رب تعجبكم