|
حصرى نص المكالمة بين ميدو وزكي
انتباه يا معلمين ..زمن اللللل.... خلاص انتهي و لا تقولي مخابرات و لا شوبير و لا حتي أدهم صبري نفسه ابو الفدا جايبلكوا المكالمة بين ميدو وزكي حصريا exclusive http://i216.photobucket.com/albums/c...Mido-435_4.jpg ميدو : مساء الفل يا أبو الزيك زكي : مسائه قشطة يا برنس ميدو : ايه يا ريس الكلام الي سمعته دة و مالي الدنيا زكي : خير يا ريس وغوشتني ميدو : الناس مالهاش سيرة غير أني بحقد عليك انت و متعب و كشمتلكوا في يوم الماتش و قولت لمتعب بابا هيلعبك و قولتلك وحياة امي ما هتشمها في ويجان تاني زكي : ههههههههههههههههه يخرب عقله ميدو : هو مين ...؟؟ زكي : دة الواد كابو بتاع الولعة في قهوة المغربلين أصلي بعد الماتش طلعت أضرب حجرين و قعد يدردش معايا شويةبيقولي يا كابتشن سمعنا انكوامابقيتوش متوحدين زي ايام كاس افريكية 2008 و شايلين من بعض ميدو : ها و قولتله ايه ..؟؟ زكي : قولتله بالعكس .. ابسيليوتلي .معلش يا ميدو انت عارف ان الانجليزي بقي كارف عليه اليومين دول المهم قولتله دة ميدو دة بلسم بالامارة كان مقضيها هزار معانا وقال كذاوكذا لغاية ما فطسنا من الضحك وصوتنا جاب أخر المعسكر والمعلم صحي وجه طفي النور عشان ننام ميدو : و الحل اية دلوقتي يا ريس الناس ما صدقت جنازة و تشبع فيها لطم وما نسيوش لسه التاتش بتاعي مع المعلم في 2006 لما بخيت فيه وقال ايه عشان انت نزلت وجبت جون انا موش طايقك من يومها زكي : عيب يا راجل ما تقولش كدة طب و غلاوتك انا ما كنت قاصد اجيب الجون دة .. الواد المدافع زقني لقيت دماغي لابسه في الكورة زي القطر و ماشوفتهاش غير في الجون و بعدين احنا بينا عيش و ملح و مسمط لندن يشهد علينا دة انت خيرك مغرقني ميدو : ماهو الناس موش عارفه كدة .. موش عارفه ان الي ما بينا موش حب و بس شيءلازم كدة زي المية والهوا و الشمس زكي : اسكت يا ميدو ما تقطعش قلبي دة انت لما بتبعد عني و انت متصاب ودة غالبا يعني ببقي زي اليتيم في الملعب والاقي نفسي بغني و اقول كل ما فيه بيصرخ فيه ويطالب برجوعك ليه ميدو : طب و الحل زكي : ايه رأيك نلبسها في الواد بركات و أهوه سُفيف وموش هياخد معانا حق ولاباطل وكمان الكوتش موش طايقه وبيتلككله ميدو : لا يا رياسة بلاش و بعدين المعلم يعني اكيد هيحضرله افتكاسة معتبرة دة تلاقيه مرقدله بس بص يا ابوالزيك انت دلوقتي تلف علي الفضائيات والبرامج وتنفي الكلام دة وماتسيبش برنامج انشاله حتي لك يا سيدتي زكي : أنت تأمر يا برنس الليالي بس ليه طلب عندك أنا عارف انك هتشد علي انجلترا علطول فا وحيات ابوك تكتبنى حضور فى التمرين ..وكمان وحياة والدك تعدي عالبيت عندي تاخد الشنطة بتاعتي و تحجزلي كرسي جمبك في الطيارة عشان انا ورايا مصلحة كدة مع القطعة بتاعي هخلصها و اطلع رشق عالمطارولوجيت متأخرهلاقي الطيارة كلهاحملت بيس يا مان ميدو : بيس يا مان زكي : و لك عندي بكرة بعد التمرين عازمك علي اكلة عجب في واحد فتح فول و فلافل وراء تتلابس واد نضيف فحت ما بيستخدمش غير زيت موبيل 1 ميدو : قشطة يا حوبي أشوفك في المطار زكي : ماشي يا برنس الليالي وماتنساش تحجزلنا كرسي جمب الشباك طبعا دي مكالمة خيالية لكن كنت أتمني انها تحصل قبل ما الموضوع يكبر |
رد: حصرى نص المكالمة بين ميدو وزكي
وبعدين
اسفادنا ايه احنا؟ |
رد: حصرى نص المكالمة بين ميدو وزكي
اقتباس:
الى ملهمش فيها ميشجعوش الكورة واحنا مش معاهم نيهاهاهاها |
رد: حصرى نص المكالمة بين ميدو وزكي
ههههههههههههههههههههههههه يا دماغك الفظيعه يا ابو الفدا انت لازم تنشر المكالمه دى على مجله الحائط علشان كل الناس تشوفها وتعرف انهم اتصالحوا لا بجد هايل ودماغك عاليه قوى يا ابو الشلاليت |
رد: حصرى نص المكالمة بين ميدو وزكي
يخربي عقلق يافااااااااااااااااادى
مكالمكة جااااااااامدة جائنا البيان التالى وكنت بتمنااااااااه شكرا يافادى يا كبير |
رد: حصرى نص المكالمة بين ميدو وزكي
شكرا
بالصينى شى شى |
رد: حصرى نص المكالمة بين ميدو وزكي
اقتباس:
ههههههههههههههههههه يارب يخليك يا ابو ارلاافيت يا كبير على ردك الجامد دا يا معلم والله انا مش عارف اقولك اية يا معلم وربنا يخليك لينا يا كبير اقتباس:
هههههههههههههههههههه ماشى يا معلم مرسى لردك الجامد يا ميمو ونفسى يجينا بيان زى كدة فعلا اقتباس:
شى شى |
رد: حصرى نص المكالمة بين ميدو وزكي
هههههههههههههههههههههه ياحصريااااااااااتك يافيدوووووووووووووو ههههههههههه جامد والله من يومك يابنى ربنا يحل كل المشاكل عشان نصعد بس كاس العالم اللى وحشنا اوى اوى ده |
رد: حصرى نص المكالمة بين ميدو وزكي
اقتباس:
هههههههههههههههههه شوفت يا عم مينا قى اهو دا الحقيقة وهو بيضحكو علينا يا كبير ان شاء الله هنصعد يا معلم وعن موضوع وحشنى دا هو انتا شوفتو اصلا احنا هنكدب هههههههههههههه مرسى على مرورك يا باشا ومرسى على جيمين البلياردو بتوع امبارح هههههههههههه |
رد: حصرى نص المكالمة بين ميدو وزكي
ههههههههههههههههههههههههه هههههههههه ااية يا عم القصة الجمده دى لالالا انا قلت انت دماغك زى الفل بجد رائع ميرسى يا ابو الفدا |
| الساعة الآن 02:58 AM. |
Powered by vBulletin
Copyright ©2000, Jelsoft Enterprises Ltd.