|
عايزة اعرف انا صح ولا غلط
مساء الخير للكل انا هدخل فى الموضوع انا بجد مش عارفة اقولكم اية بس حبيت اتكلم بجد من قلبى بجد عايزة اعرف رأيكم او قولولى انا غلط ولا صح انا هدخل فى الموضوع علطول انا ساعات كتير بلوم ربنا لما بحس انى محتاجة لأخ واقولو انت لية اخدتة ولية مخليتوش يعيش مش كان زمانة دلوقتى نافع بابا فى كذا ؟؟؟ ولا كان زمانة نفعنى فى موقف كذا او كذا ؟؟ بلومة كتير قوى بس بيبقى غصب عنى رغم انى واثقة ان ارادة ربنا فوق كل شيىء وبرجع اقول لنفسى يمكن لو كان عاش كان بقى ولد مش كويس يمشى مع زملاءة ويفسدوة ومش هيبقى كويس ويمكن يكون موجود وربنا يبعتلة مرض يعيش بية طول حياتة متألم مش عارفة يعنى بناقض نفسى لكن بلوم ربنا كتير وانا ببكى مش عارفة دا صح ولا غلط وياترى دى خطية ولا لا مش عارفة بجد وعايزة اعرف |
رد: عايزة اعرف انا صح ولا غلط
سلام لكِ يا أختي المحبوبة لله في المسيح له المجد الذي به نحيا ونتحرك ونوجد !!! لأنه هو القيامة والحياة ومن آمن به ولو مات فسيحيا !!! أولاً الله هو من وهبنا الحياة ولنا ثقة في تدبير تعطفاته ، ومن ضعف الإيمان أننا نلوم الله وكأن هناك إنسان يقدر ان يعيننا فوق الله ؛ فالله هو صاحب المعونة وهو الذي يعطي حياة ويحرسنا : يهوذا عبد يسوع المسيح و اخو يعقوب الى المدعوين المقدسين في الله الاب و المحفوظين ليسوع المسيح (يه 1 : 1) لكي لا يكون إيمانكم بحكمة الناس بل بقوة الله (1كو 2 : 5) انتم الذين بقوة الله محروسون بايمان لخلاص مستعد ان يعلن في الزمان الاخير (1بط 1 : 5) ثقي في الله وآمني بقوة قيامته لتسري فيكِ قوة حياته فتحيا له ومنه وبه ، كوني معافاة باسم الثالوث القدوس |
رد: عايزة اعرف انا صح ولا غلط
انا اولا احب اقولك حاجه مهمه انا كنت زيك بعاتب ربنا انه اخد مني ابويه وخلاني اتحمل مسئوليه كنت فاكر اني مش ادها انا كنت عايش حياتي بدلع واستهتار قبل وفاة ولدي ولما شلت المسئوليه لقيت ان ربنا معايه وعنده حكمه في كده لاني اصبحت اعتمد علي نفسي واتغيرت حياتي ولقيت ربنا معايه في كل خطوه ورغم اني مفتقد لابويه بس حسيت بوجود ربنا معايه وانه بيرشدني وده خلاني مفكرش غير في محبته وحكمته وانه دايما بيعمل للخير معانا وربنا بيقول " كل ما يصنع يصنع للخير للذين يحبون الله" وكمان بيقول " المر الذي يختاره لنا الله خير من الشهد الذي نختاره لانفسنا" عشان كده عايز اقولك انك لازم تكوني واثقه في الهك وان هو دايما بيفكر عشانك ولازم نكون اولاده المطيعين عشان تحل علينا بركته وصدقيني فكرك ده بيخليكي تبعدي عن محبة ربنا ارجو يكون كلامي فيه افاده ليكي
|
رد: عايزة اعرف انا صح ولا غلط
صحيح الأحساس ده بحس به بعض الوقت ..... ولكن لمحبة الله لى بيكشف لى عن قصده فى الحال فبيطمئن قلبى وبمجد أسمه القدوس ..... وبقول فى الحال المر الذى تختاره لى يارب خير من الشهد الذى أختاره لنفسى
جاسيكا أطلبى من الله أن ينير قلبك ويرشدك بروحه القدوس إلى مقاصده وأكيد هى خير لكى . وصدقينى كلامى هذا نتيجة عدة مواقف عشتها مع إرشاد الروح القدس |
رد: عايزة اعرف انا صح ولا غلط
بصى ياجاسيكا انا بعمل زيك بس عشان ربنا اخد منى ماما ولاقيت ان هى كانت شايلة كتير اوى واحنا مش حاسين
بس اما بقول كدة لربنا ببقى عارفة انه مش هيزعل منى لانى انسانة ضعيفة جدا وهو عارف ضعفى عشان كدة عمره ماهيزعل منى هو اكيد مش زعلان منك لانه عارف انك ضعيفة ده غير ده دليل على حبك لباباكى وخوفك عليه وبعدين انتى كفاية عليه اكيد لو اتكلمتى مع باباكى هتعرفى انه بيشكر ربنا انه جابك ليه واكيد بيشكره كمان ان اخوكى سافر السما لانه عارف انه فى السما احلى بكتير من الارض ربنا يديكى القوة على التغلب على احساسك ده ويديكى الصبر نعمة المسيح تكون معاكى دايما بشفاعة ام النور اللى بتشفى القلوب التعبانة |
رد: عايزة اعرف انا صح ولا غلط
سلام ونعمة ليكم كلكم
الاخت الغالية انتى ردتى على نفسك وقلتى يمكن لو عاش كان وكان وكان ونرجع ونقول انها ارادة الله وربنا بيقطع من ناحية ويوصل من ناحية اخرى بس اوقات مش بناخد بالنا |
رد: عايزة اعرف انا صح ولا غلط
اقتباس:
ميرسى لحضرتك استاذ ايمن وصدقنى انا واثقة فى ربنا وبعتب نفسى لما بلومة لكن كل اللى كنت عايزة اعرفة انا لما بلومة هل ياترى دى خطية برتكبها فى حقة ولا لا ؟؟ ولا هو بيقبلها منى كمجرد بنت لابوها اللى بتحبة وبتتمنى منة كل حاجة حلوة وبتشكرة كمان على الوحش والحلو |
رد: عايزة اعرف انا صح ولا غلط
اقتباس:
ميرسى لرد حضرتك وكلامك وصدقنى واثقة فى تدبير ربنا بس غصب عنى بتحط فى مواقف تخلينى الوم ربنا انو مخلاهوش جنبنا بس مش اكتر |
رد: عايزة اعرف انا صح ولا غلط
اقتباس:
قلبك من الداخل بيقولك ايه يا ترى !!! " ألم أقل لك أن آمنتي ترين مجد الله " |
رد: عايزة اعرف انا صح ولا غلط
اقتباس:
يعنى افهم من كدة انى معنديش ايمان مش فاهمة |
| الساعة الآن 01:59 AM. |
Powered by vBulletin
Copyright ©2000, Jelsoft Enterprises Ltd.