|
علبة الوان(اخر مواضيعى)
علبه ألوان الدنيا دى علبه الوان .. ضاعت فيها معانى الانسان لو دورت فى كل النفوس .. هاتخرج منها حزين متعوس الناس مابقتش زى زمان .. الابيض والاسود خد وقته وكان العالم بقى الوانه كتير .. ده خفيف ودا بهتان ودا لونه تقيل لون بيقول فرحان وسعيد .. بس قلبه م الحزن بعيد ولون يضحكلك ويقولك بحبك .. تحطه فى قلبك يطعنك فى ضهرك ولون يفهمك انه مريض ويتألم .. الناس تتألمله يسكت مايتكلم ولون تانى عايش فى الحب .. وقضاها كلام فى كلام وكله كدب ولون يتسلى بمشاعر الناس .. ميعرفش قيمه جرح الاحساس ولون الطيب اللى تحسه قريب .. وفجأه نفسك تشوفه غريب ولون الصديق اللى اتمنيته يبقى .. وفى الاخر طلع مجرد فكره ولون يخدعك بأبتسامته .. وتقول ده مفيش زى طيبته بس بينه وبين نفسه خداع .. ماتفرقش معاه اى اوجاع والوان والوان والوان .. للأسف عايشين فى نفس المكان كل واحد ولونه عاجبه .. فاهم ان محدش عارفه ماحنا قولنا علبه الوان .. وضيعنا فيها معانى الانسان عنينا خلاص بقت عارفاها .. حافظه تريكيبها وشايفه مداها هانتعب فى بعض وليه على ايه .. ما كل واحد فيه اللى مكفيه ليه نتلون بألوان مزيفة .. وفاكرين نفسنا فى علب مغلفة انا قبلكم من ضمن الألوان .. ونفسى لونى يكون انسان عايز أتكلم بجرأه وأهتمام .. بس الالوان بتخليها اتهام واستنا اللى يثبت يقول وبرأتى .. او اللى يزيد من وجعى وتعبى أستنوا لسه فى ألوان كتير .. بس تعبت من التفسير عايزين نعيش أنت وأنا .. أنت بطبيعتك وانا زى مانا من غير الوان و دموع وعذاب .. من غير الزينه والضحك الكداب منجيش على بعض ماحنا واحد .. هو يا نقرب اوى يا اما نباعد عايزين نرجع لألوانا الطبيعية .. ألوانا اللى أتخلقنا زمان عليها كل واحد نفسه نقيه .. بس يبطل يلون فيها تعالوا نتعاهد مع بعض الأن .. يبقى الأبيض كل الألوان ترجعونى وأرجعكم نكون أنسان .. نخلى الانسانيه تبقى كيان نخلى الرحمه هى العنوان .. على كل اللى فات وكل اللى كان بإيدينا حياتنا تبقى سلام .. تبقى المحبة جوه الأنسان شكرا للشخصية اللى ساعدتنى فى كتابة الموضوع بجد كتبت اجزاء كتيرة وظبطت الموضوع علشان يطلع كدة شكرااااااااااااااااااااا لهذه الشخصية |
رد: علبة الوان(اخر مواضيعى)
موضوع رائع يا ميسو شكرا جدا جدا على الموضوع وعلى الكلمات دى ومنتظرين المزيد من موضوعاتك |
رد: علبة الوان(اخر مواضيعى)
لون بيقول فرحان وسعيد .. بس قلبه م الحزن بعيد ولون يضحكلك ويقولك بحبك .. تحطه فى قلبك يطعنك فى ضهرك ولون يفهمك انه مريض ويتألم .. الناس تتألمله يسكت مايتكلم ولون تانى عايش فى الحب .. وقضاها كلام فى كلام وكله كدب ولون يتسلى بمشاعر الناس .. ميعرفش قيمه جرح الاحساس ولون الطيب اللى تحسه قريب .. وفجأه نفسك تشوفه غريب ولون الصديق اللى اتمنيته يبقى .. وفى الاخر طلع مجرد فكره ولون يخدعك بأبتسامته .. وتقول ده مفيش زى طيبته بس بينه وبين نفسه خداع .. ماتفرقش معاه اى اوجاع موضوع بجد رائع يا بت يا ميسو وبجد ميرسى اوى للى ساعدك اكيد فنان زيك ياقمر ربنا يفرح قلبك يارب ويكون معاكى دايما |
رد: علبة الوان(اخر مواضيعى)
اللى ساعدنى فى كتابة الموضوع او اللى كمل الموضوع
ودى كانت مجرد فكرة او يعتبر انا حطيت العنوان بس هو شاعر المنتدى شكرا ليه |
رد: علبة الوان(اخر مواضيعى)
والوان والوان والوان .. للأسف عايشين فى نفس المكان كل واحد ولونه عاجبه .. فاهم ان محدش عارفه ماحنا قولنا علبه الوان .. وضيعنا فيها معانى الانسان معاكى حق يا ميسو فعلا كل دى الوان والدنيا بامانه فعلا علبه الوان شكرا على الموضوع الهايل وعلى الفكره الرائعه وشكرا لشاعر المنتدى على تجميله للموضوع ربنا يفرح قلوبكم |
رد: علبة الوان(اخر مواضيعى)
شكرا للموضوع الجميل
|
رد: علبة الوان(اخر مواضيعى)
الله الله وقاعدة تقولى بعرف اكتب هوة انا اجى جنبك حاجة
ماشى يا ستى ميسو مش هقدر اقولك غير تسلم ايديكى يا ابنت ابوكى وبتمنى مزيد من النعمة ربنا يباركك ويحافظ عليكى يا رب |
رد: علبة الوان(اخر مواضيعى)
شكرا ميسو على الكلمات الجميلة دى
|
رد: علبة الوان(اخر مواضيعى)
ميرسى يا ميسو كلمات جميله بجد ياعسل وميرسى ليك يا عماد
بس ايه حكايه اخر مواضيعى دى مبلاش بقى تعملوا كده تعبتونى بجد |
رد: علبة الوان(اخر مواضيعى)
راااااااائع ياميسو كالعاده طبعا
انا بجد بموت فى اشعارك تسلم افكارك ياعسل |
| الساعة الآن 10:10 AM. |
Powered by vBulletin
Copyright ©2000, Jelsoft Enterprises Ltd.