|
قصة حب خسرانه
قصتي زي معظم الشباب حبيتها عشان قلبي داب وبعد ماكنا اسعد الاحباب بقي اللي يشوف التاني يقفل في وشة الباب قولتلها شبيك لبيك قالتلي عاوزة اتعرف عليك قولتلها انا اسمي مينا خريج اكاديمية المدينة قالتلي دي مش اجابة عاوزة اعرف عنك كل حاجه قولت لنفسي اخرج معاها وشوف ياواد اللي جواها وخرجت معها مرة واتنين واكدتلي ان قلبها بيلين وفرحت اوي وكنت مبسوط لما قالتلي بحبك موت قولتلها قلبي بيهواكي ونفسي اعيش وياكي واكمل عمري معاكي ويبقي ابويا حماكي وكتبت بدل الرساله 400 قولت مانا ليها وهي ليها وربنا بعتلي اجمل هدية تكون معايا في الدنيا ديا وفي يوم قالتلي كلم بابا ضربت زغروطة ورقصت علي الربابه ورحت فعلا في المعاد وحسيت انه عيد من الاعياد وسألني بدل السؤال ميه وقولت في سري يابن المفترية وقولت ياواد استحمل حماك ليطردك بره ويديك علي قفاك وقولتلها ايه رأي ابوكي فيا قالتلي بيقول عليك كويس وميه ميه اكتشفت يوم بعد يوم انها بنت مادية عاوزة شبكة بأكتر من عشر بواكي ومعاهم توينز هدية وقالتلي قبل مانتجوز لازم تجيبلي العربية اسرق ولا اقتل عشان اتجوزها مصيري وعمري كله خلاص بقي في ايدها هتضيعني من ايديها وبسببها هتخليني اسيبها وقالتلي في يوم في عريس بدالك عاوز يجي عندنا واكيد هياخد مكانك بس عشان حنانك هعيش طول عمري عشانك وجريت بسرعه اكلم ابوها واقوله اني بحبها بحبها ياعمي من قلبي وصعب استغني عنها دي هيا حته مني وانا حته منها فقالي هتتجوز في اد ايه ؟؟ قولتله في خلال سنتين وسأل بنته قدامي قالتله احنا مش موافقين قولتلها يانور عنيا الدنيا متخلقتش في يومين وردت بكل قساوة يامينا احنا مش مقتنعين اتاري كل دي اوهام عايش وحدي انا فيها وكل حياتها كلام في كلام ربنا يصبرني ويهديها ياخسارة كنت فاكرها هتبقي في يوم مراتي واتاريها كانت حطاني علي دكة الاحتياطي انا اللي ياما كنت بدلع وبطاطي وبحط ركسونا تحت بطاطي حببتي دقتلي في قلبي مسمار وخلت حياتي مرار في مرار ياربي انا فعلا محتار اللي انا فيه حقيقة ولا كله هزار في هزار وفي وسط بكايا وبكل خشوع ملقتش احن عليا غير الرب يسوع بلمسة ايد يمسحلي كل الدموع ده ابويا وربي ورب كل الجموع وفي النهاية لسه بدعي ليها بقول يارب فرحها واحميها وفي حياتها اسعدها واعطيها |
رد: قصة حب خسرانه
استني اجيب منديل واجي مش قادر اكتب مشاركة من كتر الدموع اللي في عيوني اهئ اهئ اهئ ------------------- صدقني يامينا قصتك مؤثرة جدا ولكن اللي اقدر اقولهولك ربنا يختارلك الصالح ومحدش عارف الخير فين بس انت حقيقي ابدعت في الشعر واستخدمت الفاظ وصلت المضمون للقارئ |
رد: قصة حب خسرانه
أستاذ ميتو ملقيش عندك مفك صليبة ؟؟ إلـــــــــــــــــــــغـ ـــــــــــــــــــــــاء |
رد: قصة حب خسرانه
وفي وسط بكايا وبكل خشوع
ملقتش احن عليا غير الرب يسوع بلمسة ايد يمسحلي كل الدموع ده ابويا وربي ورب كل الجموع وفي النهاية لسه بدعي ليها بقول يارب فرحها واحميها وفي حياتها اسعدها واعطيها الموضوع جامد جدا جدا يا مينا وكلماته حلوة اوى ربنا يفرح قلبك يارب ويبعد عنك اى جرح |
رد: قصة حب خسرانه
ياخسارة كنت فاكرها هتبقي في يوم مراتي واتاريها كانت حطاني علي دكة الاحتياطي انا اللي ياما كنت بدلع وبطاطي وبحط ركسونا تحت بطاطي موضوع دمه خفيف بجد بس معناه مؤثر قوى ربنا يفرح قلبك كل سنه وانت طيب ومنتظرين المزيد بجد هاااااااااااايل |
رد: قصة حب خسرانه
ياخسارة كنت فاكرها هتبقي في يوم مراتي واتاريها كانت حطاني علي دكة الاحتياطي انا اللي ياما كنت بدلع وبطاطي وبحط ركسونا تحت بطاطي عيبك يا مينا انت وامثالك المحبين انكم فاكرين الدنيا مافيهاش غير ريكسونا لكن يا ميتو هيء الدنيا فيها فيبكس جامد مووت وكمان فيه منه الوان تخلى عقل البنت جنان فى جنان موش عارف اقول لك ايه بس انت اسأت الاختيار كا ن لازم تنهار وتقر وتعترف بانبهار انك موش قد الاختيار وهاتغير فيبكس الاخضر الجبار بجد يا واد يا مينا كلامك زى العسل بتقوله بتلقائيه فظيعه وباسلوب ساخر ولازع جامد موووووووووت اوعى تحرمنا بجد من مواضيعك يا احلى مينا وربنا يديك بداله صابونه بالموليف او مزيل عرق اكس |
رد: قصة حب خسرانه
على قد ماانت كاتب الموضوع بسخريه على قد احساسك الصعب اللى حاسس بيه واضح اوى يامينا بجد كلماتك تحففففففففففففففففففففه حلوه اوى واللى باعك بيعيه ياابنى |
رد: قصة حب خسرانه
عاوزة شبكة بأكتر من عشر بواكي ومعاهم توينز هدية وقالتلي قبل مانتجوز لازم تجيبلي العربية هيا دى المشكلة اللى بيعانى منها كل الشباب أول ما يروح يتكلم على واحدة ويخطبها يلاقى قدامة طلبات فوق الخيال ياناس صدقونى حرام حرام حرام صدقونى الحب والعشرة يحفف المستحيل واللى ما يتجابش النهاردة بكرة يبقوى يكملوة والدنيا متخلقدش فى يوم واللى هتطلبة اليوم لبنتك بكرة يبقى فى بيت العريس موضوعك هاااااااااااايل ومشكلة اليوم أشكرك على نشر الموضوع الهام الرب معك ويفرح قلبك |
رد: قصة حب خسرانه
وفي وسط بكايا وبكل خشوع
ملقتش احن عليا غير الرب يسوع بلمسة ايد يمسحلي كل الدموع ده ابويا وربي ورب كل الجموع وفي النهاية لسه بدعي ليها بقول يارب فرحها واحميها وفي حياتها اسعدها واعطيها موضوعك عجبنى اوى يا مينا وخفة دمك خففت من الموقف كتير وكلة للخير صدقنى الى مش يشتريك وانت كدة حتى لم ربنا يعطيك مش هيكتفى والناس اشكال والوان تلاقى كل واحد بيدور على حاجة وفى لاخر اختيار ربنا هو اضمن شى فى الدنيا ربنا يفرح قلبك وابدعت |
رد: قصة حب خسرانه
دا مكتش بتحبك في يوم اوعي تندم عليها لتكون مجنون واديك انتا قالتها كانت حطاك علي دكة الاحتياطي اشكر ربك ننجاك منها باعجوبه ومش دي شريكه حياتك انساهها وربنا يديك الي احسن منها .
لاحسن كانت تطلعلك في كل موضه وتنسي عيالك كنت حتعمل ايه وقتها مش دي الي تبقي شريكه حياتك ومحيه المال اصل كل الشرور |
| الساعة الآن 01:09 PM. |
Powered by vBulletin
Copyright ©2000, Jelsoft Enterprises Ltd.